Свет
„Фабрика“ отиде во ликвидација
„Наша фабрика“, агенцијата каде што активни новинари и други јавни личности тајно работеа за Владата и ги составуваа говорите и прес-конференциите на министрите и на премиерот Владо Бучковски, пред неколку дена била ликвидирана.
„Наша фабрика“, агенцијата каде што активни новинари и други јавни личности тајно работеа за Владата и ги составуваа говорите и прес-конференциите на министрите и на премиерот Владо Бучковски, пред неколку дена била ликвидирана.
Во „Службен весник“ од 29 мај пишува дека ликвидаторот Мирослав Саздовски објавува дека друштвото за маркетинг и услуги „Наша фабрика“ е во ликвидација и ги повикува доверителите да ги пријават своите побарувања во рок од 60 дена.
Според нашите сознанија, проектот „Фабрика“ се уште постои, само што е дислоциран на друго место и под друго име. Таму се уште работат новинари од македонските медиуми, но не дознавме кој ги води и кој ги плаќа.
„Време“ ја откри аферата „Фабрика“ во февруари годинава. Десетина новинари од македонските медиуми, кои тајно, без знаење од нивните куќи, по завршувањето на работното време работеа за таа агенција за плата од најмалку 300 евра месечно. Нивната задача била да им ги составуваат говорите на неколку министри и на премиерот, да ги подготвуваат нивните прес-конференции, да ги читаат текстовите во печатените и во електронските медиуми, да прават анализи и да ги подготвуваат одговорите на можните новинарски прашања, а и самите да поставуваат нарачани прашања.
Меѓу вработените во „Фабрика“ беше и поранешниот претседател на невладината организација „Транспарентност Македонија“, Зоран Јачев. Тој откако изби скандалот се повлече од невладиниот сектор, но демантира дека бил ангажиран во агенцијата. И Петар Арсовски, еден од двајцата основачи на фирмата и директор на агенцијата „Имиџ ПР“, негираше дека „Фабрика“ е негова, и покрај тоа што во судскиот регистар беше заведен како нејзин основач и управител.
Материјалите што новинарите ги испраќале до Владата и до СДСМ, а ги објавуваше „Време“, содржеа препораки за секоја афера што ќе ја обелоденат медиумите. Хонорарците во текот на вечерта смислувале начини како да ги оправдаат Владата и СДСМ пред јавноста и со тоа да соберат поени пред почетокот на парламентарните избори. Некои од испратените материјали што ги објавивме беа со назнака „за СДСМ, Кондарко“. И покрај сигурните докази, портпаролот на партијата упорно изјавуваше дека првпат слуша за агенцијата „Фабрика“, а истото го тврдеше и портпаролот на Владата, Сашо Чолаковски.
Подоцна објавивме докази дека Владата и платила на „Фабрика“ 100.000 евра за да ја организира прославата за кандидатскиот статус на Македонија во ЕУ на Градскиот плоштад во Скопје. Државната комисија за спречување на корупцијата тогаш побара од Владата да и го достави договорот со агенцијата, но тоа досега не се случи.
Останува отворено прашањето со кои пари беше финансирана агенцијата и зошто Здружението на новинарите, судот на честа на ова здружение и другите медиумски куќи го одмолчеа фактот дека извесен број македонски новинари тајно работат за власта. Дали станува збор за премолчан договор меѓу медиуми и власта во кој новинарите се само инструмент?
Во анализата на Балканската истражувачка мрежа, објавена во март годинава, пишуваше дека аферата „Фабрика“ ја откри вистинската криза во новинарскиот еснаф што предизвикала кршење на копјата во медиумите и повик да се расчисти ситуацијата во фелата, чиј углед е загрозен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
LG подготвува решенија за ладење на центри за податоци за вештачка интелигенција во Саудиска Арабија
Јужнокорејската компанија LG Electronics објави дека потпишала договор со инженерската фирма DATAVOLT за развој на решение за ладење за нов центар за податоци за вештачка интелигенција во Саудиска Арабија.
Центарот за податоци ќе биде изграден во Оксагон, индустрискиот центар на амбициозниот проект Saudi NEOM City.
Според меморандумот за разбирање, LG ќе испорачува технологии за термичко управување, вклучувајќи големи „ладилници“ и системи за дистрибуција на течноста за ладење.
Јужнокорејската компанија забележува дека партнерството е усогласено со пошироката стратегија „One LG Solution“, која ја користи експертизата од сите подружници на LG Group и отвора врата за соработка со LG Energy Solution за системи за батерии и LG CNS за дизајн, изградба и работење на центри за податоци.
DATAVOLT е со седиште во Саудиска Арабија и се фокусира на изградба на масивни центри за податоци напојувани од обновлива енергија и алтернативни горива. Се очекува центарот за податоци со вештачка интелигенција во Оксагон да биде меѓу најголемите и најсофистицираните во Саудиска Арабија.
Коментирајќи го договорот со DATAVOLT, извршниот директор на LG Electronics, Вилијам Чо, го истакна „огромниот потенцијал на Блискиот Исток и Африка“.
Блискиот Исток нуди богатство од деловни можности за владите и компаниите благодарение на реструктуирањето на индустријата и големите проекти за развој, додаде Чо.
фото: принтскрин
Свет
(Видео) Воз удри во автобус во Мексико Сити, најмалку осум мртви: објавена е снимка
Воз се судри со двокатен автобус северозападно од Мексико Сити рано наутро во понеделник по локално време, при што загинаа најмалку осум лица, а 45 се повредени, соопштија властите.
Агенцијата за цивилна заштита на државата Мексико на Икс соопшти дека службите за итни случаи сè уште се на местото на несреќата во индустриска зона.
Не се објавени детали за тоа како се случила несреќата.
MEXICO CITY (AP) — A train slammed into a double-deck bus northwest of Mexico City early Monday, killing at least eight people and injuring 45, authorities said. pic.twitter.com/uJ0sJRLqRq
— AZ Intel (@AZ_Intel_) September 8, 2025
Снимката од безбедносните камери од железничката несреќа се појави на социјалните мрежи.
фото: принтскрин
Европа
Ќе се обидеме сами да произведеме патнички авион со широк труп, велат Русите
Русија планира да развие сопствен патнички авион со широк труп, бидејќи плановите за заедничко производство со Кина сè уште не се спроведени, изјави шефот на Ростек, Сергеј Чемезов.
„Кинезите одлучија дека засега ќе го произведуваат сами. Ќе се обидеме и ние да произведуваме наш сопствен авион. Откако ќе го произведеме моторот PD-35, ќе изградиме наш сопствен авион со широк труп“, им рече Чемезов на новинарите во Самара.
Русија и Кина разговараа за заедничкиот развој на руско-кинескиот широкотрупен патнички авион CR929 и во 2014 година потпишаа договор за соработка. Основана е Кинеско-руската меѓународна корпорација за комерцијални авиони (CRAIC), која стана главен оператор на проектот.
Комерцијалните испораки требаше да започнат по 2025 година, но пандемијата на Ковид ги принуди партнерите да го одложат рокот за 2028 или 2029 година. Нова пречка беа западните санкции врз Русија, кои го променија форматот на соработка. Кина го презеде проектот, а Русија стана договорен производител само на одредени делови од авионот.
„Го променивме форматот на учество во проектот, па затоа се потребни соодветни промени и во меѓувладините документи. Со други зборови, приближно како во проектот за хеликоптери, односот ги вклучува клиентот и подизведувачот“, објасни првиот вицепремиер на Русија Денис Мантуров пред новинарите во мај 2024 година.
фото: принтскрин
(Видео) Воз удри во автобус во Мексико Сити, најмалку осум мртви: објавена е снимка
Воз се судри со двокатен автобус северозападно од Мексико Сити рано наутро во понеделник по локално време, при што загинаа...
(Видео) Падна француската влада
Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...
(Видео) Полицискиот хеликоптер денеска фрли повеќе од 30 тони вода врз дел од пожарите
Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата
Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...
Се судрија четири возила и четири мотоцикли, петмина повредени: прекинат сообраќајот на патот Мавровска крстосница-Гостивар
Денеска во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во...
Едно и полгодишно дете од Радовиш пренесено во Клиничката болница Штип, според таткото испило таблета
Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
Ахмети: Никаква опасност, на ниту еден Македонец, а уште помалку на нашата држава, не и се заканува од еднаквоста со Албанците
„Годишнината од прогласувањето на независноста на Северна Македонија е секогаш повод да рефлектираме за тоа како беше, како е и...
(Фото) Започна увидот во опожарената фабрика во Виница
Јавен обвинител од Основното јавно обвинителство Кочани го започна увидот по настанатиот пожар во фабриката „Макпрогрес-Винчини“ во Виница. Увидните дејствија...
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
