Свет
Нотар и пензионер ја молзеле државата во „Бачило“
Антикорупциската бара да се испита работата на нотарот Никола Стојменовиќ, кој ги склучил договорите, и на заемодавачот, пензионерот Ордан Миланоски
Антикорупциската бара да се испита работата на нотарот Никола Стојменовиќ, кој ги склучил договорите, и на заемодавачот, пензионерот Ордан Миланоски
Државната комисија за спречување корупција вчера побара од министерствата за правда и за финансии и од Управата за јавни приходи да ги испитаат договорите за хипотекарен заем на Иснифарис Џемаили, сопственик на бачилото обесштетено со 727 илјади евра. Антикорупциската бара да се испита работата на нотарот Никола Стојменовиќ, кој ги склучил договорите, и на заемодавачот, пензионерот Ордан Миланоски, кој се јавува како правен застапник и во повеќе случаи на денационализација.
– Ова е школски пример за корупциски скандал, во кој се вмешани повеќе институции. Во расчистување на случајов треба да се вклучат Обвинителството, МВР и УЈП. Со ова се открива значаен случај на коруптивно однесување. Очигледно е дека државните институции не постапуваат навремено. И сега, кога имотот е под хипотека за заем од 120 илјади евра од Ордан Миланоски, Јавното правобранителство може и треба да предложи да се спроведат привремени мерки до крајот на постапката. Тоа е многу значајно, но очигледно институциите заостануваат зад Џемаили и неговите соработници. Случајов ќе го провериме до крај, бидејќи наидовме на трага на значаен случај на организиран криминал и корупција – изјави претседателот на Антикорупциската комисија Михајло Маневски.
Џемаили го заложил речиси сиот свој имот – куќи, станови, гаражи и деловен простор под хипотека за заем од 120 илјади евра од Ордан Миланоски. Рокот за исплата на долгот истече во саботата. Основниот суд 1 во Скопје го замрзна имотот на Џемаили додека не се утврди дали правилно му била досудена отштетата за бачилото.
Антикорупциската комисија вчера разгледувала нотарски акти од нотарот Никола Стојменовиќ и утврдила дека тој и Ордан Миланоски се јавуваат во неколку случаи на давање заем со хипотека и денационализација.
– Вџашени сме како се работи вон институциите. Има полномоштва Миланоски да го застапува нотарот, да застапува лица во случаи на денационализација, се јавува како давач на заем во неколку хипотекарни договори… Побаравме од Министерството за правда да ја прегледа работата на нотарот Никола Стојменовиќ во врска со склучување хипотекарни договори, а од Катастарот извештај кога и како се поднесени и регистрирани договорите и што се случува со нив – рече Маневски.
Кој е Ордан Миланоски, прашува Антикорупциската.
– Тој во повеќе случаи се јавува во врска со нотарот како давател на заем, ополномоштено лице за денационализација, претставник за реализирање хипотекарни договори. Не само за Џемаили, се јавува многу порано, и во други случаи. Бараме информација кое е тоа лице. Од Министерството за финансии бараме информација за случаите на денационализација во кои се јавува како правен застапник – вели Маневски.
Една од спорните работи во договорите е и оданочувањето на имотот.
– Дојдовме до сознание дека ова е масовна појава. На пример, се дава заем од 890 илјади денари, а заложениот имот вреди 50 пати повеќе. Целта е да се запише сопственост на имотот, но да се плати само данокот на дадената позајмица. Користени се овластувањата и нанесена е штета на државата – тврди претседателот на антикорупциската комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с