Свет
Трансформацијата на „Македонски железници" ќе се пролонгира
Трансформацијата на „Македонски железници" ќе стагнира. Процесот, по одржувањето на парламентарните избори, нема целосно да запре.
Ќе се стопираат сите тендери и нема да се вршат никакви набавки
Трансформацијата на „Македонски железници" ќе стагнира. Процесот, по одржувањето на парламентарните избори, нема целосно да запре. Работите ќе течат, но не со онаква димнамика како што предвидуваше Владата. Сж уште актуелната владејачка гарнитура уште во февруари годинава донесе одлука за основање јавно претпријатие за железничка инфраструктура „Македонски железници" и за основање „Македонски железници транспорт" АД, во државна сопственост. Постапката на формирање на двете претпријатија, кои треба да бидат заведени во судски регистар, требаше да заврши до крајот на јули. Сега, откако е извесно дека власта ќе се смени, никој од надлежните кои беа вклучени во трансформацијата не можат да прогнозираат како ќе се одвиваат настаните. Особено ако се има предвид дека може да се случи идната владина гарнитура да го смени мислењето околу моделот и начинот на реформи во железницата. Неофицијално веќе се зборува дека новата влада наместо да ја подели „Македонски железници" на две посебни претпријатија за транспорт и инфраструктура како што е предвидено со закон, ќе формира холдинг-компанија, која ќе биде составена од неколку независни компоненти.
Од „Македонски железници" велат дека во наредниот период ќе се стопираат сите тендери и нема да се вршат никакви набавки, бидејќи сосем е извесно дека тие ќе бидат предмет на ревизија, односно поништени. Во текот на наредните денови раководството планира да ја достави процената на претпријатието до Владата, а таа ќе одлучи што понатаму. Ревизорската куќа „Македонски ревизорски центар" утврди дека капиталот на „Македонски железници" вреди околу 500 милиони евра. Поточно, инфраструктурата со локомотивите и железничките станици се проценети на 450 милиони евра.
Процената на имотот на железницата е услов за поделба на претпријатието на два дела, како и за користење на кредитот од Светска банка во износ од 15 милиони евра за проектот за реформи и модернизација. Проектот предвидуваше да ги олесни владините напори за трансформација на „Македонски железници" и да ја подобри нивната продуктивност и ефективност. Јавното железничко претпријатие е едно од компаниите со направени најголеми загуби меѓу државите јавни претпријатија. Вкупниот долг на крајот на 2004 година изнесувал 143 милиони евра или 3,3 отсто од бруто-домашниот производ. Се пресметува дека ако железничкиот транспорт не се реформира, долгот ќе се зголеми за дополнителни 100 милиони евра во следните десет години. (В.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.