Свет
Мехази се вади на правобранителот
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-10552.jpeg)
За незаконската исплата од сметката на Министерството за транспорт министерот дознал од ревизорите
СКАНДАЛ „УПА“
За незаконската исплата од сметката на Министерството за транспорт министерот дознал од ревизорите
Министерот за транспорт и врски Џемали Мехази ги отфрла забелешките во извештајот на државните ревизори објавени завчера, според кои тој не презел ништо за да ја спречи незаконската исплата на „УПА Ентерпрајс“. Тој вели дека за случајот во кој на скопската фирма „УПА Ентерпрајс“ и’ се исплатени 1,2 милион евра дознал дури по донесувањето на решението за присилна наплата од сметката на Министерството, но тогаш не знаел дека исплатата е незаконска.
Во извештајот на државните ревизори, објавен завчера, стои дека ниту јавниот правобранител ниту министерот за транспорт и врски не реагирале за да ги заштитат државните интереси.
Во него се вели дека Мехази не реагирал иако навреме бил информиран за целиот предмет, пред добивањето на решението за присилна наплата, ниту пак подоцна не поднел претставка до Врховниот суд за преиспитување на целиот случај, за што постоеле и основани сомневања.
Министерот за транспорт и врски Мехази, пак, вели дека за тоа дали исплатата е законска или не требало да ги информираат од Јавното правобранителство, кое е задолжено правно да ги застапува сите државни институции.
– Никој во Министерството не може да знае дали исплатата е законска или не. Немаме добиено никакви информации за случајот за да можеме да реагираме. Откако ревизорите од Државниот завод за ревизија ни укажаа дека исплатата е незаконска, пративме писмо до Јавното правобранителство во кое од него бараме да постапи согласно со законите и да побара поврат на исплатените средства – тврди Мехази.
Министерот за транспорт не ја коментира забелешката во ревизорскиот извештај според која, поради неусогласеноста и некоординираноста во работата на судовите, постои опасност во наредниот период да се случи дополнителна неоснована исплата на буџетски средства во износ од 97 милиони денари.
Тој посочува дека министрите не знаат за судските процеси што се водат против министерствата и дека е можно во секој момент да се блокира нивната сметка за да се изврши присилна наплата за некој судски спор.
– Тоа е голем проблем што може да ја блокира работата на Министерството, бидејќи во случај на големи исплати, како што е и случајот со „УПА Ентепрајс“, Министерството нема да може да ги извршува редовните исплати. Можно е и без плати да останат вработените во Министерството. Затоа треба сериозно да се бара начин што да се прави во вакви случаи. Можеби треба да се формира посебна сметка во рамките на буџетот за исплати или, пак, да се формира посебно тело што ќе ги координира сите тие активности. Во спротивно, со оглед на тоа дека парите од буџетот се однапред испланирани, останува можноста со присилна наплата да се блокира работата и исплатата на тековните обврски – смета Мехази.
По една судска наплата во 2005 година тој побарал информации од Јавното правобранителство за сите случаи што се водат против Министерството, за да може да ги планира средствата од буџетот, но не добил такви информации.
Александар Димишковски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Конзервираната храна со поминат рок ги труе жителите на Газа
![](https://makfax.com.mk/wp-content/uploads/2023/10/luge-gaza.jpg)
Јадењето конзервирана храна со поминат рок во Појасот Газа поради големиот недостиг на храна предизвика труење кај Палестинците, објави во понеделникот Канцеларијата за медиуми на владата на Газа.
Канцеларијата наведува дека „луѓето јадат конзервирана храна со истечен рок на траење, што предизвикува голем број труења“.
„Гладот и болестите се во пораст меѓу населението во Газа, особено на децата“, се додава во соопштението.
Канцеларијата го обвини Израел дека спроведува систематска политика на гладување и спречување на жителите на Газа да добијат медицински третман.
Исто така, се додава дека цел на израелските сили биле општинските екипи, кои се обидувале да ги обноват бунарите за вода во регионот.
„Израелската армија директно гаѓаше и тимови за цивилна заштита намерно онеспособувајќи ги“, се наведува во соопштението.
Поради војната и израелските ограничувања, кои го прекршуваат меѓународното право, Палестинците во Појасот Газа, особено во северните области, се соочуваат со екстремен недостиг на храна, вода и лекови, што доведува до гладување.
Мартин Грифитс, потсекретарот за хуманитарни прашања на Обединетите нации, на 12 јуни предвиде дека половина од населението на Појасот Газа ќе се соочи со смрт и глад до средината на јули доколку не се укине блокадата со хуманитарната помош.
Прекршувајќи ја резолуцијата на Советот за безбедност на Обединетите нации, со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа, почната по нападот на палестинската група на отпорот Хамас на 7 октомври минатата година.
Оттогаш повеќе од 37.500 Палестинци се убиени во Појасот Газа, повеќето жени и деца, а околу 86.000 се ранети, според локалните здравствени власти.
Израел е обвинет за геноцид пред Меѓународниот суд на правдата, чија последна одлука беше да им се нареди на израелските власти веднаш да ја прекинат воената операција во јужниот град Рафа.
Свет
Сестрата на кралот Чарлс итно примена во болница
![](https://makfax.com.mk/wp-content/uploads/2024/06/gfvdfvg.jpg)
Британската принцеза Ана добила лесни повреди и потрес на мозокот по инцидентот во нејзиниот имот во Геткомб парк минатата ноќ и моментно е во болница, соопшти Бакингемската палата.
„Принцезата Ана претрпе полесни повреди и потрес на мозокот по инцидентот во Геткомб парк вчеравечер. Нејзиното кралско височество останува во болницата ‘Саутмед’ во Бристол како мерка на претпазливост за набљудување и се очекува целосно и брзо закрепнување“, соопшти палатата.
Во соопштението се наведува дека кралот Чарлс е информиран за повредите на сестра си.
„Целото кралско семејство е со принцезата и се надеваат на нејзино брзо закрепнување“, заклучи Бакингемската палата.
Свет
Нетанјаху доби предупредување од комисијата што го истражува купувањето подморници од страна на владата
![](https://makfax.com.mk/wp-content/uploads/2024/01/netanjahu.jpg)
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката, без да ја следи пропишанота постапка.
Комисијата го информира Нетанјаху дека врз основа на собраните докази досега утврдила дека тој ја искористил својата позиција како премиер помеѓу 2009 и 2016 година за да добие зелено светло за купување, без да следи соодветна процедура, објави „Ројтерс“.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.