Свет
Кисела Вода ќе војува со цементарницата „Усје“ за почист воздух
Државниот инспекторат за животна средина констатирал дека во воздухот кај цементарницата немало надминување на дозволените концентрации на сулфур Општина Кисела Вода ќе застане на чело на претстојните барикади пред Цементарница „Усје“, чија цел е да се блокира работата на фабриката на чија адреса зачестија обвинувањата дека ги труе граѓаните.
ЗАГАДУВАЧИТЕ повторно во акциЈа
Државниот инспекторат за животна средина констатирал дека во воздухот кај цементарницата немало надминување на дозволените концентрации на сулфур
Општина Кисела Вода ќе застане на чело на претстојните барикади пред Цементарница „Усје“, чија цел е да се блокира работата на фабриката на чија адреса зачестија обвинувањата дека ги труе граѓаните. Последната искра во затегнатите односи меѓу општинските власти и цементарницата изби пред неколку дена, откако жителите од Кисела Вода повторно се пожалија дека во воздухот се чувствувал силен мирис на сулфур.
На 15, 16 и 17 август во Општината се јавиле десетици граѓани кои пријавиле тешкотии во дишењето, болки во градите и печење во очите. Бидејќи ова не е прв ваков случај, локалната власт е цврсто уверена дека изворот на загадувањето е „Усје“.
– Последново труење ја прелеа чашата. Во воздухот беа испуштени огромни количества сулфур, а жителите од околните населби беа принудени да затвораат прозорци на температури од над 40 степени. Семејствата што имаат бебиња бегаа од своите домови во страв од последици по здравјето на своите деца. Перманентното загадување на цементарницата повеќе нема да го толерираме. Ќе ја поддржиме иницијативата на граѓаните, кои деновиве најавуваат целосна блокада на работата на „Усје“, во знак на револт. Подготвени сме ние да ги предводиме протестите, се’ додека не добиеме вистински одговори од сите надлежни институции – вели Тони Чупоски, шеф на кабинетот на градоначалникот на Кисела Вода, Џорџе Арсов.
Општинарите го повикуваат Државниот инспекторат за животна средина јавно да ги презентира резултатите од испитувањата на квалитетот на воздухот во Кисела Вода и се закануваат со кривична пријава ако не добијат одговори.
Еве што одговараат од Државниот инспекторат:
– Во врска со поплаките од граѓаните од Општина Кисела Вода за непријатната миризба и тврдењата дека пред „Усје“ имало пет камиони полни со сечкани гуми, направен е инспекциски увид на самото место. Констатирано е дека нема никакво надминување на максимално дозволените концентрации на сулфур во воздухот. Во врска со сомнителните камиони, тие биле натоварени со петрол-кокс, а не со сечкани гуми, како што тврдат граѓаните. За да се лоцира изворот на непријатната миризба, беше проверен и просторот на поранешната стакларница, каде што работат повеќе правни субјекти, како и фабриката ОХИС, но при посетата на инспекторите погоните беа затворени. Мирисот на расипана зелка, на кој се жалат жителите, не се чувствуваше во кругот на фабриката, туку само кај бензинската пумпа на „Првомајска“, кај стакларницата и зад куќите кај каналот – велат од Инспекторатот.
Од друга страна, Општина Кисела Вода се сомнева и во точноста на податоците на Државниот инспекторат, според кои фабриката не го загадува воздухот со согорувањето на сечканите гуми. Пред две недели, раководството на „Усје“ и Министерството за животна средина и просторно планирање ги промовираа податоците од двегодишните испитувања за влијанието на согорените гуми врз животната средина. Тие покажале дека нема штетни последици врз околината.
– Не веруваме во тоа. Секојдневните жалби на граѓаните потврдуваат дека „Усје“ не ги почитува еколошките стандарди и работи на штета луѓето и нивното здравје – вели Чупоски.
Петар Чулев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото/Видео) Заврши Парадата на победата во Москва: Првпат претставено ново оружје
Парадата по повод Денот на победата во Москва заврши. Траеше нешто помалку од два часа, а дроновите „Лансет“ и „Геран-2“ беа прикажани за прв пат. Според „Скај њуз“, на парадата присуствувале 11.500 припадници на руските вооружени сили.
Денес во Москва се одржа голема Парада на победата по повод 80-годишнината од победата над фашизмот во Втората светска војна. На овој голем настан присуствуваа бројни светски функционери.
На парадата присуствуваа повеќе од 11.500 војници од руското Министерство за одбрана и други безбедносни структури – ФСБ, Рускиот воен округ и Руската гарда, како и возила од други земји учеснички во војната.
За време на парадата, гледачите имаа можност да видат повеќе од 130 единици воена опрема, ракетни системи „Искандер“, системи за воздушна одбрана, како и најнова технологија.
Прво, пешадиски парадни возила, како и кадети од воените училишта, поминаа покрај трибините каде што седеа рускиот претседател Владимир Путин и 29 светски лидери.
На парадата учествуваа и Козаци, претставени од парадната единица на Кубанскиот козачки полк, воени извидници, деминери, пилоти, морнари, кадети од воени училишта и академии од цела Русија, полкот на Руските воздухопловни сили, како и академии за воено инженерство и други воени академии.
На парадата учествуваа и жени војници, од кои повеќето се наследнички на познати офицерски семејства.
Европа
(Видео) Стивен Сигал снимен на воената парада во Москва
Актерот Стивен Сигал присуствуваше на денешната воена парада во Москва по повод Денот на победата, со кој се одбележува 80-годишнината од победата над нацистичка Германија во Втората светска војна.
Во еден момент, камерите го покажаа Сигал како седи во публиката.
73-годишниот Сигал, експерт за аикидо, беше ѕвезда во американските акциони филмови во 1980-тите и 90-тите. Додека неговата кариера беше во опаѓање, Сегал, роден во Лансинг, Мичиген, полека се зближуваше со авторитарни лидери, вклучувајќи го и Кремљ.
Steven Seagal among guests pic.twitter.com/Vz1XaynPmG
— Russian Market (@runews) May 9, 2025
Во 2016 година, тој доби руско државјанство, а потоа во 2018 година, руското Министерство за надворешни работи го назначи за „специјален претставник за руско-американски културни врски и културно-историско наследство“. Актерот постојано ја фали Русија од почетокот на целосната инвазија на Украина.
Во 2021 година, тој се приклучи на националистичка партија, а во август 2022 година ја посети источна Украина, каде што се сретна со и го поддржа лидерот на проруските сепаратисти во Донецк, Денис Пушилин. Тој присуствуваше на инаугурацијата на Путин за неговиот петти мандат во мај 2024 година.
Свет
Украинците: За прв пат во историјата откривме унгарска шпионска мрежа
Украинската безбедносна агенција SBU објави дека открила унгарска државна шпионска мрежа за собирање разузнавачки информации за одбраната на Украина.
Во соопштението, СБУ соопшти дека привела двајца осомничени агенти кои, како што се наведува, биле ангажирани од унгарската воена разузнавачка служба. Се вели дека е првпат во историјата на Украина да се открие дека унгарска шпионска мрежа работи против интересите на Киев.
Немаше моментален одговор на барањето за коментар од унгарската влада. Унгарија е дел од Европската унија и НАТО, два блока со кои Украина е тесно поврзана во војната со Русија. Сепак, односите меѓу двете земји често беа затегнати.
Унгарскиот премиер Виктор Орбан е воздржан за воената помош на Западот за Украина. Тој, исто така, одржува односи со Владимир Путин, што го стави во судир со повеќето други лидери на ЕУ кои се обидуваат да го изолираат рускиот претседател од инвазијата на Москва на Украина во 2022 година.
СБУ објави дека двајцата осомничени се поранешни припадници на украинската армија. Се наведува дека тие биле регрутирани од претпоставен во унгарската воена разузнавачка служба и им биле дадени пари и специјална опрема за тајна комуникација.
Агентите имале задача да му пренесат информации на нивниот претпоставен за украинските единици за воздушна одбрана и други воени капацитети во регионот Закарпатија во јужна Украина, која граничи со Унгарија.
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот Аквадукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот кој вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „Рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице е повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
Димитриевски: Цел на лагите на СДСМ не сум јас, туку ЗНАМ како најбрзорастечка партија во Македонија
Претседателот на Движењето ЗНАМ – За наша Македонија, Максим Димитриевски, денеска одржа прес-конференција. „Од моментот на влез во политиката до...
Апасиев од Москва: „Нашите дедовци, партизаните, се бореа рамо до рамо со народите на Советскиот Сојуз“
На покана на претседателот на Комунистичката партија на Руската Федерација (КПРФ), Генадиј Зјуганов, претседателот на Левицата, Димитар Апасиев, заедно со...
Филипче за можната коалиција со ДУИ и со Таравари: Ќе разговараме со сите политички партии
Лидерот на опозицискиот Социјадемократски сојуз (СДСМ) не ја исклучи можноста за коалиција со Демократската унија за интеграција (ДУИ) и со...
30-годишник призна вина за ширење омраза: коментирал објави за Парадата на гордоста во Скопје и повикувал на насилство
Постапувајќи по поднесен обвинителен предлог од Основното јавно обвинителство Скопје, Основниот кривичен суд Скопје донесе пресуда со која осуди едно...
