Свет
Патарината оди во џебот на наплатувачите
Ако вработените на наплатните рампи не се одвикнат парите од патарина да си ги ставаат во џеб, Фондот за магистрални и регионални патишта нема да им префрла плати на околу 300 вработени од “Македонија пат”, кои работат на патарините
ДИРЕКТОРОТ НА ФОНДОТ ЗА ПАТИШТА тврди
Ако вработените на наплатните рампи не се одвикнат парите од патарина да си ги ставаат во џеб, Фондот за магистрални и регионални патишта нема да им префрла плати на околу 300 вработени од “Македонија пат”, кои работат на патарините. Првиот човек на Фондот, Љуљзим Џемаили, тврди дека пробал се за да ги спречи овие злоупотреби од вработените на наплатните рампи, но ниедна надлежна институција не презела мерки. Пресметките покажувале дека 40 отсто од парите од патарина завршуваат во џебот на вработените.
– Во согласност со законот ми остана само да ги блокирам и да не им префрлам плати. Сликата на терен што ја видов е жалосна. Инкасантите наместо во каса, ги ставаат парите во својот џеб. Мора да се преземат конкретни мерки и не разбирам зошто никој не реагира. Побаравме помош од секаде за одливот на парите да биде што помал. Јас без доказ не можам да обвинам никого, но ако нешто не е во ред во Фондот, одговорам јас – вели Џемаили.
Директорот на “Македонија пат”, Дуфе Куковски, вчера не беше достапен за коментар. “Дневник” веќе објави документи дека 47 отсто од наплатата на патарината од тешки товарни возила лани завршувала кај вработените на патарините. Куковски тогаш ги призна малверзациите.
– Признавам дека се прават малверзации во наплатата, но таму се 300 вработени и не е физички изводливо да се контролираат постојано – изјави тогаш Куковски.
Министерството за внатрешни работи неодамна испратило допис до Фондот за патишта и до “Македонија пат” со кој ги известува дека четворица вработени на наплатните рампи на странски државјани наместо по 30 денари за патарина им наплаќале по три евра, наместо 40 денари по четири евра, а наместо 70 денари по пет евра. Во Фондот не добиле информации дали “Македонија пат” ги суспендирала овие службеници.
– Во април инспектори од Министерството за транспорт излегоа на терен и утврдија многу злоупотреби од вработените на наплатните рампи, но извештајот не стигна до нас. Писмено побарав средба со директорот на “Македонија пат”, инспекторите и со луѓе од МВР за да се стори нешто да се спречат девијантните појави, но никој не дојде на состанок – вели Џемаили.
Тој е сигурен дека со новиот систем на наплата, кој треба да се инсталира до крајот на годинава, Фондот ќе има реална слика за состојбите на терен.
– Електрофакултетот ќе го работи целиот проект, ќе се постават камери, ќе има категоризација на возилата и ќе се мери фреквенцијата. Така ќе имаме неделни податоци за состојбите на наплатните станици – најавува Џемаили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден: Не одам никаде, ќе го победам Трамп
Американскиот претседател, Џо Бајден, изјави во интервју дека ќе остане кандидат на Демократската партија на претседателските избори на 5 ноември, додавајќи дека е убеден дека тоа сè уште го сакаат гласачите.
„Не одам никаде“, изјави Бајден.
Тој ги повика сите што сакаат да излезе да го предизвикаат на конвенцијата на демократите во август.
Интервјуто е уште еден обид на Бајден да се опорави од лошиот настап во дебатата на 27 јуни против републиканецот Доналд Трамп, по што неговите ментални способности беа доведени во прашање. Бајден изрази фрустрација од, како што ги нарече, напорите на „елитите“ да го истуркаат од претседателската трка против Трамп, кого го победи во 2020 година.
Кога ко-водителот на емисијата ги наведе главните медиумски организации и експерти кои го повикаа да се повлече, Бајден рече: „Не ми е гајле што мислат тие големи имиња“. „Поентата е дека не одам никаде. Не одам никаде. Не би се кандидирал ако апсолутно не верував дека сум најдобриот кандидат што може да го победи Доналд Трамп во 2024 година“, истакна тој. .
Сè поголем број демократски членови на Конгресот изразуваат загриженост дека ниската јавна поддршка на Бајден и неизвесноста во однос на неговата возраст може да и наштетат на партијата. Потпретседателката Камала Харис се смета за најверојатниот наследник доколку Бајден се повлече.
Анкетата на Ројтерс/Ипсос минатата недела покажа дека секој трет демократски гласач верува дека Бајден треба да се откаже од трката, а 59 отсто од испитаниците од партијата на претседателот рекле дека е премногу стар за да ја води земјата.
Во писмото до демократите, Бајден рече дека е свесен за нивната загриженост, но дека сега е време да се стави крај на тоа прашање.
„Прашањето како да се оди напред кружи веќе една недела. Време е да заврши. Имаме една работа. Тоа е да го победиме Доналд Трамп“, им напиша Бајден на сопартијците.
Свет
ИДФ издаде нова наредба за жителите на Газа: Евакуирајте се
Израелската армија издаде нова наредба за евакуација на Палестинците кои живеат во Појасот Газа.
Наредбата се однесува на жителите на населбите Сабра, Тел ал Хава, Римал и Дарај, пренесе „Ал Џезира“.
На жителите им беше наредено да се упатат кон хуманитарната зона лоцирана во Ал Малави, област на јужниот крај на Појасот Газа, која претходно беше нападната од израелската армија.
Последната наредба за евакуација доаѓа откако израелските вооружени сили ги засилуваат нападите врз Газа.
Утринава израелската армија почна нови напади во јужните и западните делови на градот Газа, додека продолжи да врши притисок врз источниот кварт Шуџаеи.
Свет
Бројот на загинати во рускиот напад се искачи на 31 лице
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи говорат дека 17 лица се убиени во главниот град Киев, од кои две во детска болница, а уште 11 на неколку места во регионот Дњепропетровск.
Руското Министерство за одбрана денеска ги отфрли наводите на Киев за намерен напад на руските сили врз цивилни цели нагласувајќи дека групниот напад врз воени цели во Украина е одговор на обидот на Киев да ги оштети руските енергетски и економски капацитети.