Свет
Гркот што го купил „Сувенир“ треба да ги врати парите
Василиос Пападопулос, сопственикот на фабриката за оружје „Сувенир“ од Самоков, треба да плати казна од околу 540.000 евра бидејќи не го исполнил инвестицискиот план опишан во купопродажниот договор, а кој беше потпишан на 20 февруари лани.
СПОРЕД КУПОПРОДАЖНИОТ ДОГОВОР
Александар Божиновски
Василиос Пападопулос, сопственикот на фабриката за оружје „Сувенир“ од Самоков, треба да плати казна од околу 540.000 евра бидејќи не го исполнил инвестицискиот план опишан во купопродажниот договор, а кој беше потпишан на 20 февруари лани.
Ова произлегува од казнените членови на купопродажниот договор.
Пападопулос, сопственик на „Олимпик-Индустри“ од Кукуш, платил 500.000 евра за фабриката.
Според поранешни вработени, како и според стечајниот управник, фабриката до денес не е рестартирана.
– Ние не сме виделе никаков Грк во Самоков, а камоли повторно вработување. Во „Сувенир“ има само два-тројца луѓе што ги чуваат погоните – велат од синдикалниот одбор на „Сувенир“ во стечај.
Во купопродажниот договор е наведено дека до крајот на 2006 година новиот газда треба да ја реконструира фабриката, за што е предвиден влог од еден милион евра. Понатаму, треба да ја модернизира администрацијата, за што треба да плати 250.000 евра. Пападопулос треба да прикаже и обртен капитал од еден милион евра, како и да ја рестартира линијата за производство на муниција. За последново, според купопродажниот договор, треба да вложи 600.000 евра.
Рестартирањето на линијата за муниција подразбира да се врати дел од 270 работници, кои треба да бидат повторно вработени во рок од три години.
Овие обврски од купопродажниот договор на пет страници не се исполнети, па Пападопулос треба да плати околу 540.000 евра. Во казнените членови на договорот пишува: „Доколку купувачот не успее да ја имплементира предложената и прифатена инвестициска програма, ќе треба да плати отштета во износ од 15 отсто од неизвршените инвестициски обврски и обврската за бројот на вработени, сметано 15 отсто од просечен бруто-личен доход за нереализирано вработување на годишно ниво, но и да ги исполни неизвршените обврски. Во случај на неизвршено плаќање на отштетата, продавачот може да го раскине купопродажниот договор“, стои во документот.
Пресметките покажуваат дека Пападопулос треба да плати околу 346.000 евра за неисполнет инвестициски план за 2006 година и околу 200.000 евра затоа што не вработил ниту еден работник (под претпоставка дека секоја година треба да вработи една третина од 270 работници предвидени во договорот).
Институциите засега молчат за оваа матна приватизација, како и за готовите производи, кои останале во магацините на „Сувенир“. Меѓу нив се 2,5 тона пластичен експлозив, за кој стечајниот управник вели дека Пападопулос го купил и го чува во магацините, а поранешни вработени тврдат дека магацините се празни. Полицијата и Министерството за одбрана водат истрага, која треба да утврди од каде единствениот матичен број на Преспанско-пелагониската епархија се нашол на договорот и како адресата на купувачот се води на празен стан во близината на Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.