Треба да се укаже на високата сума пари за прославата на кандидатскиот статус. За тој трошок е донесен заклучок на Владата, а средствата се обезбедени од буџетот.

РЕВИЗИЈА НА ФИНАНСИСКОТО РАБОТЕЊЕ НА ВЛАДАТА НА БУЧКОВСКИ ВО 2005 ГОДИНА

Треба да се укаже на високата сума пари за прославата на кандидатскиот статус. За тој трошок е донесен заклучок на Владата, а средствата се обезбедени од буџетот.

 Министерството за финансии дало согласност за непосредна спогодба со извршителот поради

Владата на Владо Бучковски потрошила 100.000 евра за прославата на плоштадот Македонија во Скопје по повод добивањето на кандидатскиот статус за ЕУ на Македонија. Сумата потрошени пари вчера ја обелодени Државниот ревизор со укажување дека сумата што Владата ја потрошила за журката е превисока. Ова и уште десетици забелешки на неправилно финансиско работење на претходната Влада биле утврдени во ревизијата на владините финансиски извештаи за 2005 година што ја направил Државниот завод за ревизија.

"Треба да се укаже на високиот износ потрошени пари за прославата по повод кандидатскиот статус. За тој трошок е донесен заклучок на Владата, а средствата се обезбедени од од тековната резерва на буџетот. Министерството за финансии дало согласност за непосредна спогодба со извршителот поради непредвидливост на настанот и е извршен избор на најповолен понудувач со избор на најниска цена", стои во извештајот на Државниот ревизор.

Ревизорот во извештајот не кажува со кого била направена непосредната спогодба.

Кога се подготвуваше журката на скопскиот плоштад Македонија сите премолчуваа кој е организаторот додека бината цел ден се подготвуваше додека се чекаа резултатите од Брисел дали Македонија Ќе го добие кандидатскиот статус. Тогаш имаше информации дека бината ја подигаат невладини организации за да личело дека Владата нема врска со тоа, туку дека се се случува спонтано. Тогашната претседателка на Сојузот на жени, кои се спомнуваа како организатори, тогаш ниту демантираше ниту потврдуваше дека СОЖМ е организаторот.

Журката се случи на плоштадот, а власта порача да му се придружи на народот за да слави со познатите македонски естрадни sвезди, со ора и со огномети. Тогашната опозиција го поздрави кандидатскиот статус, но остана дома со критика дека место скапа прослава, владата треба да се зафати со работа.

Меѓу другите забелешки од Ревизорот за финансиските извештаи на Владата за 2005 година се и : трошење државни пари без покритие, плаќање прекувремена работа без евидентирани прекувремени работни часови, незаконски јавни набавки, некомплетни финансиски пресметки и исплати на патни трошоци, неправилен попис на метеријалните средства, ненаменско користење средства во угостителските објекти на Владата и непосредни спогодби за скапи прослави се дел од неправилностите во работењето на претходната Влада во текот на 2005 година, а кои ги утврдил или се сомнева во нив Државниот ревизор во неговата ревизија на финансиските извештаи на Владата за 2005 година. (Е.З.)