Свет
Никола, како можеше ова да ми го сместиш?!
„Се почна кога нотарот Никола Стојменовиќ му се јави на мојот сопруг и му рече: Владо, имам две хипотеки за Гордана“.
И НОТАРКАТА РАКОЧЕВИЌ ТВРДИ ДЕКА БИЛА НАМЕСТЕНА
„Се почна кога нотарот Никола Стојменовиќ му се јави на мојот сопруг и му рече: Владо, имам две хипотеки за Гордана“. Вака ја почнала својата одбрана пред истражните органи нотарката Гордана Ракочевиќ, која веќе трет месец е во притвор за случајот „Бачило“ и денационализирано земјиште во центарот на Скопје, а се товари за злоупотреба на службената положба.
„Време“ ексклузивно ја објавува верзијата за скандалот, според тврдењата на нотарката Ракочевиќ. Нејзините адвокати приговараат дека обвиненијата за кои таа се товари се лажни и невистинити.
„На 26 октомври, кога дојдов на работа, пред вратата на канцеларијата ме чекаше нотарот Стојменовиќ. Тој ми рече дека има некоја итна работа, па ми даде една дискета за да заверам хипотеки. Тоа се мои странки и ќе дојдат тука да се потпишат, ми рече Никола“, изјавила Ракочевиќ.
Според неа, Стојменовиќ и дал договор за заем, договор за хипотека, имотен лист за две земјишта и заверени полномоштва.
„Кога дојдоа странките, јас ги прашав дали знаат зошто се дојдени во мојата канцеларија, а тие рекоа дека ги испратил Стојменовиќ за потврдување на договор за хипотека. Се потпишаа на договорот за заем, на договорот за солемнизација и во книгата, како што е процедура. Странките доброволно се потпишаа и со тоа заврши постапката. Полномошното воопшто не беше оспорувано од страните“, изјавувала Ракочевиќ.
Таа тврдела дека не знаела дека станува збор за истото земјиште во центарот на Скопје, кое подоцна станало предмет на мега-афера.
„Првпат слушнав за тоа од телевизија, кога предметот го извади во јавност сегашниот министер за правда Михајло Маневски. Веднаш му се јавив на Стојменовиќ и го прашав како можел да ми испрати нешто такво ако не било чисто, а тој упорно тврдеше дека се е легално. Кога аферата доби замав во медиумите, со сопругот отидовме во Јавното обвинителство и го побаравме Јован Илиевски. Тој беше на годишен одмор, но во одделот за организиран криминал ми рекоа дека не е оформен предмет за ова земјиште. Оттогаш не се заинтересирав за случајот“, изјавила Ракочевиќ.
Нејзините адвокати пред неколку дена поднеле приговор на обвинението покренато против Ракочевиќ. Според приговорот, обвинението содржи лаги и невистини.
– Не е вистина дека Ракочевиќ со солемнизирање на двата договори за залог на недвижен имот ги оштетила Владимир Димитров, Слободан и Гоце Димитриевски, Даринка Тодоровска и Благоја Неделковски. И самите тие не се сметаат за оштетени, бидејќи тие договори подоцна се прогласени за ништовни, а решенијата се поништени, што значи не произведуваат правно дејство. Обвинението содржи лаги, бидејќи таму пишува дека обвинетата Гроздана Манасиевска никогаш не била во канцеларијата на Ракочевиќ, што не е точно. Таа била во нејзината канцеларија, а како потврда за тоа е копијата од нејзината лична карта и своерачниот потпис на Манасиевска во нотарската книга – тврдат нејзините бранители во приговорот.
Тие ќе испратат протестно писмо до сите дипломатски претставништва и домашни и странски невладини организации, бидејќи сметаат дека Ракочевиќ со ништо не ја злоупотребила службената положба.
– Без законска основа беше донесено поднесено барање за спроведување на истрага, без законска основа и без никакви докази сега е поднесено обвинение – тврдат адвокатите во приговорот и додаваат дека во постапката Ракочевиќ требало да биде сослушана само како сведок.
Адвокатите на 23 обвинети за случајот „Бачило“ се уште ги чекаат одговорите на приговорите, по што ќе биде закажан судскиот процес.
Саша Андоновски: Не знам што барам овде!
„Не ми е јасно зошто сум обвинет, не ми е јасно кој закон сум го прекршил ниту како сум ја злоупотребил службената положба“, тврдел поранешниот претседател на второстепената владина комисија и бивш заменик-министер за економија Саша Андоновски пред истражните органи минатиот месец. И тој е еден од 13-те обвинети, притворен за случајот „Бачило“ поради злоупотреба на службата.
„Не ми е јасно што барам јас овде. Доживеав огромен психички стрес, видни се модринките на рацете од лисиците што ми беа ставени, пукнати ми се панталоните од грубоста при претресот, иако потоа при спроведувањето во возилото полицајците ми се извинија бидејќи таква им била наредбата. Начинот на моето приведување беше како на акциски филм, сниман од МВР веројатно за да се изврши притисок, што укажува на фактот дека ова не е правен, туку политички проблем“, изјавил Андоновски пред истражните органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ќе го отвори главниот граничен премин Рафа
Агенцијата за воена помош на Израел, COGAT, соопшти дека се во тек подготовки со Египет за отворање на главниот граничен премин Рафа со Газа за движење на луѓето, а датумот ќе биде објавен подоцна.
Израел претходно предупреди дека може да го држи Рафа затворен и да ја намали помошта за палестинската енклава, бидејќи рече дека Хамас е премногу бавен во враќањето на телата на заложниците. Ова го зголемува ризикот за прекинот на огнот со кој заврши разорната двегодишна војна и се овозможи ослободување на сите живи заложници што ги држеше Хамас.
COGAT, израелската воена гранка што го надгледува протокот на помош во Појасот Газа, соопшти дека хуманитарната помош сè уште влегува на територијата преку преминот Керем Шалом со Израел и други премини.
„Треба да се нагласи дека хуманитарната помош нема да поминува низ преминот Рафа. Ова никогаш не беше договорено во ниту една фаза“, додаде COGAT во изјава за Ројтерс.
Два извори вчера изјавија за Ројтерс дека се очекува преминот Рафа да се отвори за луѓето денес.
фото: принтскрин
Европа
Путин започнува брутална зимска тактика против Украина
Русија ги засили нападите врз енергетската и гасната инфраструктура на Украина во последните денови, во кампања што потсетува на најлошите зимски удари во последниве години. За само неколку дена, десетици електрани низ целата земја беа погодени, оставајќи милиони без електрична енергија, вода и греење – бидејќи температурите штотуку почнуваат да паѓаат.
Украина вчера воведе итни прекини на електричната енергија во речиси сите региони. Националниот оператор Укренерго соопшти дека далноводите и трафостаниците се оштетени и дека се потребни ограничувања на потрошувачката за стабилизирање на системот. ДТЕК, најголемиот приватен производител и дистрибутер, соопшти дека ја вратил електричната енергија на речиси два милиони корисници за само неколку дена, главно во регионите Киев, Одеса и Дњепропетровск.
Во главниот град, прекините на електричната енергија, исто така, предизвикаа пад на притисокот на водата, додека делови од метрото работеа на резервна електрична енергија. Во неколку региони, вклучувајќи ги регионите Суми и Черкаси, властите воведоа ротирачки прекини на електричната енергија и ги повикаа граѓаните да штедат енергија.
Зеленски: „Путин се обидува да предизвика хаос пред зимата“
Украинскиот претседател Володимир Зеленски рече дека Русија го користи студот како оружје.
„Тие немаат што да покажат на бојното поле, па затоа се обидуваат да го уништат нашиот енергетски сектор. Нивната цел е да сеат хаос и страв пред зимата“, рече тој. Тој додаде дека руските сили лансирале повеќе од 150 беспилотни летала и десетици ракети за само неколку дена, насочени кон електрани, трафостаници и гасни постројки.
Министерот за енергетика Герман Галушченко рече дека нападите оваа недела ги погодиле и постројките на државната компанија Нафтогаз и неколку термоцентрали во централна Украина. „Нивната цел е да ги исцрпат нашите залихи на гас и да нè принудат да увезуваме во средината на зимата“, рече тој.
Повторување на бруталната тактика
Според проценките на воените и енергетските аналитичари објавени од Ројтерс и Блумберг, Русија ја повторува бруталната тактика што ја користеше во минатите зими – систематски напаѓајќи ги електроенергетските и гасните постројки за да ја намали отпорноста на Украина и да го ослаби моралот на населението.
Целта не е моментален прекин на електричната енергија, туку долгорочно осиромашување преку постојани поправки, преоптоварувања и недостиг на делови.
Нападите се темпирани да се совпаднат со промената на сезоната: како што паѓаат температурите, секоја штета има поголемо влијание, а работата на мрежата се забавува. Аналитичарите предупредуваат дека Москва користи тактика на „заситеност во одбраната“ – користејќи масивни бранови беспилотни летала и ракети за да ги истроши украинските ракети за воздушна одбрана, а потоа прецизно ги таргетира клучните точки на пренос.
Свет
Венецуела тврди дека Вашингтон планира соборување на нејзината влада за нафта
Владата на Венецуела изрази голема загриженост поради изјавите на американскиот претседател Доналд Трамп и најави дека ќе поднесе жалба до Советот за безбедност на Обединетите нации.
„Њујорк тајмс“ прв објави дека САД се подготвени за тајни операции што ЦИА ќе ги спроведе во Венецуела. Самиот американски претседател брзо ги потврди овие наводи.
„Давам зелено светло за овие операции“, рече Доналд Трамп, додавајќи дека сака да спречи пристигнување на големи количини дрога од Венецуела во САД, но и дека јужноамериканската земја ослободува голем број затвореници, вклучително и луѓе од институции за ментално здравје, и ги испраќа во САД.
Венецуела објави дека ваквите изјави претставуваат кршење на меѓународното право и Повелбата на Обединетите нации и дека подготвува жалба.
Венецуела, исто така, додаде дека сите акции на САД се насочени кон соборување на сегашното раководство на Венецуела со крајна цел да ги запленат нејзините нафтени ресурси.
фото: принтскрин
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
Денеска почна вакцинацијата против сезонски грип, досега пријавени 43.000 граѓани, продолжува пријавувањето
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
ЛДП: Идентитетот не се гради со уривање на заштитеното културно наследство
Либерално-демократската партија го осудува случајот со уривањето на спомен-куќата на Владо Малески во неговата родна Струга. Ова најдобро ја отсликува...
Сиљановска – Давкова очекува помош од ЕУ во пронаоѓањето на креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
Костовски: Нов модерен затворен базен во Бутел
Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека...
Венециската комисија предлага јавниот обвинител да се избира и разрешува со квалификувано мнозинство во Собранието
Венециската комисија и Генералниот директорат за човекови права на Советот на Европа препорачуваат јавниот обвинител да се избира и разрешува...
