Свет
Земете и носете си го пластичниот експлозив
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2285.jpeg)
Василиос Пападопулос, сопственикот на фабриката за оружје „Сувенир“ од
Самоков, испратил писмо до кичевскиот суд, до стечајниот управник Тодор Пашоски
и до МВР во кое бара државата да си ги земе назад 2,5-те тони пластичен
експлозив што претходно ги купил од „Сувенир во стечај“.
НЕРВОЗА КАЈ СОПСТВЕНИКОТ НА
„СУВЕНИР“
Александар Божиновски
Василиос Пападопулос, сопственикот на фабриката за оружје „Сувенир“ од
Самоков, испратил писмо до кичевскиот суд, до стечајниот управник Тодор Пашоски
и до МВР во кое бара државата да си ги земе назад 2,5-те тони пластичен
експлозив што претходно ги купил од „Сувенир во стечај“.
– Писмото на 5 март годинава е испратено до мене. Тој требаше да плати 10.000
евра за количествата муниција и експлозиви што останаа во фабриката, но тоа до
денес не го стори. Поради тоа му е поднесена тужба на суд. Сега се откажува од
експлозивот – вели Пашоски.
Стечајниот управник, иако полицијата му поднесе кривична пријава, веќе неколку
месеци се ангажира за решавање на проблемот со „Сувенир“. Фабриката се уште не
работи.
Во МВР велат дека се уште не примиле такво писмо од Пападопулос, но
потенцираат:
– Прво тој експлозив не е наш, туку на Армијата. Не можеме туку така да го
земеме, за таков експлозив потребни се посебни услови за чување. Доколку сакаат
да го вратат треба да дојдат кај нас, да се договориме кога и како, и од кого
ќе биде преземен – објаснува Иво Котевски, портпаролот на МВР.
Фабриката во Самоков лани во февруари била продадена на Гркот Василиос
Пападопулос за 500.000 евра, но 120 поранешни работници се уште не се на
вратени на работа, како што предвидува договорот. Поради ова се бара
поништување на продажбата. Во купопродажниот договор, двете страни, државата и
Пападопулос е предвиден ангажман на ревизори, но се уште не е ангажирана
ревизорска куќа. Две досега ги одбиле понудите за ревизија.
МВР во петокот поднесе кривична пријава против Пашоски и проценителот Коста
Ацески токму поради продажбата на пластичниот експлозив. Полицијата обвинува
дека 2,5 тони пластичен експлозив бил продаван на непостојна фирма за 100
денари од килограм, иако вредел 17 пати повеќе, и дека не бил платен.
Пашоски е осомничен и дека без пари на Гркот му дал 51 полуавтоматска пушка, 45
автоматски, како и 57 пушкомитралези и 16 пиштоли во јуни лани. Притоа, овојпат
на новата фирма „Сувенир индустри“ оружјето било дадено без да се направи
процена на вредноста и без согласност на Одборот на доверители на фабриката.
Според, судски извори, ова оружје, наводно не било дадено на Пападопулос. Постоело
писмо, испратено до МВР и до Министерството за економија, во кое се бара
државата да се погрижи за овие 169 парчиња оружје. Се шпекулира дека еден вод
од полициските командоси „Тигар“ во февруари лани биле испратени да ги земат
овие пушки, но ненадејно и без образложение, стигнала наредба да ги остават
пушките во „Сувенир“ и да се вратат во касарна.
Гркот
се жалел кај Ставревски
Василос Пападопулос, преку грчката амбасада, побарал средба со
вицепремиерот за странски инвестиции, Зоран Ставревски за да се пожали затоа
што Владата не му дозволувала да работи.
Ова ни го потврдија во грчката амбасада.
– Ние не посредуваме за средби на бизнисмени со Владата. Но, имаме информација
дека вицепремиерот испратил свој претставник до Пападопулос за да се договори
средба.
Ивица Боцевски, портпаролот на Владата, потврди дека Ставревски веќе се сретнал
со Пападопулос.
Игор Маџаровски, претставникот на Пападопулос, вчера не се јавуваше на
мобилниот телефон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.