Свет
Пред потпис и екстрадицијата на Смиленски
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4208.jpeg)
Министерот
за правда на Србија се’ уште не го потпишал решението со кое се одобрува
екстрадиција во Македонија на сопственикот на пропаднатата Експорт-импорт банка, Методија
Смиленски, кој е во притвор во Белград
Министерот
за правда на Србија се’ уште не го потпишал решението со кое се одобрува
екстрадиција во Македонија на сопственикот на пропаднатата Експорт-импорт банка, Методија
Смиленски, кој е во притвор во Белград. Екстрадицијата на Смиленски веќе една
година тапка низ судските лавиринти на Србија, но, по екстрадицијата на
Станислава Чочоровска, се очекува наскоро и тој да биде донесен во државата. Од
српското Министерство за правда соопштуваат дека пред неколку дена го добиле
барањето за екстрадиција на Смиленски и на него се работи. И македонскиот
министер за правда Михајло Маневски изјави дека очекува наскоро екстрадиција на
Смиленски.
Причина за одолжувањето на постапката за екстрадиција беше барањето на
Смиленски за српско државјанство, но и барањето да му се суди во Австрија, каде
што има државјанство. Србија чекаше и на обвинението против Смиленски кое,
откако беше подготвено во Македонија, нашето Министерство за правда го испрати
во Белград.
Тој во Македонија е обвинет за злоупотреба на над 20 милиони долари. Со него е
обвинет и поранешниот гувернер на Народната банка на Македонија, Љубе Трпески,
но откако помина неколку дена во истражен затвор, а потоа еден месец во куќен
притвор, тој е пуштен да се брани од слобода. Трпески понудил гаранција од
200.000 евра за својата слобода. Тој е обвинет дека со злоупотреба на
службената положба му овозможил на Смиленски незаконски да стекне 22 милиона
американски долари, префрлувајќи на сметките на неговите фирми пари од
државните резерви.
Обвинението по дипломатски пат беше пратено во Србија.
Во јули 2006 година, набрзо откако беше уапсен во Белград, Смиленски поднесе
барање за српско државјанство за да ја избегне екстрадицијата во Македонија.
Окружниот суд во Белград во јули одобри екстрадиција, но неколку дена подоцна
Врховниот суд на Србија ја поништи одлуката поради барањето за државјанство. Во
Окружниот суд по втор пат му ја одобрија екстрадицијата откако српското МВР не
му даде државјанство.
Против Смиленски во македонските судови се водат неколку спорови. Меѓународната
потерница против него беше издадена по наредба на Основниот суд во Свети
Николе, за спроведување истрага за злоупотреба на службената положба. Адвокатот
Јаким Наумов, еден од бранителите на Смиленски, предупредува дека потерницата
што е издадена во Македонија од Основниот суд во Свети Николе е незаконска.
– Српскиот министер за правда мора да ја почитува Конвенцијата за човекови
права пред да одлучи да ја потпише екстрадицијата. Причина за тоа е што при
одредувањето на притвор против Смиленски и при покренувањето на потерницата на
мојот клиент му се прекршени човековите права – вели Наумов.
Исто така, против него е распишана и национална потерница од Основниот суд
Скопје 1, каде што се водат две истраги за злоупотреба на службената положба.
(А.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.