Свет
Нова истрага за мистериозното самоубиство на осмоодделенка
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2928.jpeg)
Росана Цветковиќ (14) се самоубила два
дена пред сведочењето против штипскиот макро Сашо Митев
(35), по кого е распишана меѓународна потерница откако беше осуден на 4,5
години затвор
НЕГОТИНКАТА МАРИЈАНА ЦВЕТКОВИЌ БАРА
Росана Цветковиќ (14) се самоубила два
дена пред сведочењето против штипскиот макро Сашо Митев
(35), по кого е распишана меѓународна потерница откако беше осуден на 4,5
години затвор
Една година по смртта на осмоодделенката Росана Цветковиќ нејзината мајка Маријана
бара нова истрага за да се утврди вистината зошто нејзината ќерка, која била
жртва на проституцијата, се самоубила. Младата Росана требало да биде главен
сведок на процес против познат штипски макро, но до сведочењето не дошло поради
ненадејната смрт. Маријана си поставува многу прашања, но одговор нема, поради
што нејзината болка е се’ поголема. Мирјана живее во неготинското село
Пепелиште, откако се развела со таткото на Росана, со кого таа останала да
живее во Штип.
– Не верувам дека Росана без причина си го одзеде животот на 14 години. Таа,
според официјалниот извештај, се самоуби со пиење големо количество апчиња на
два дена пред да биде главен сведок во случајот со подведување малолетници за
проституција. Затоа се сомневам дека детето ми е убиено, а во прилог на ова е и
тоа како се одвивале сите работи во критичниот ден – вели Мирјана.
Таа објаснува дека критичната вечер Росана добила телефонски повик од непознат
вечерта да се најде со некого во кафе-барот „Енерџи“. Татко и’ не и’ дозволувал
да излезе, но откако тој заминал по работа Росана излегла. Кога се вратила
дома, и’ се влошило здравјето. По извесно време од устата почнало да и’
излегува пена, а телото и се тресело. Домашните повикале брза помош, а околу 15
минути по полноќ, дежурната докторка утврдила смрт. На Мирјана, кога дошла на
погреб не и’ дозволиле да ја види Росана.
– Золвата ми вели не ја откривај, девојчето долу тече. Дали беше бремена па
затоа организмот така се однесувал, не знам, бидејќи обдукција не била
направена – вели Мирјана.
Според истражниот судија што го водел случајот, на телото на Росана немало
видливи траги од насилство и не се познавале надворешни промени или удари,
поради што не била извршена обдукција, раскажува Мирјана.
Таа живеела со Росана до септември 2005 година, кога девојчето заминало во Штип
на лекарски преглед. Бидејќи бил празник Росана останала неколку дена кај татко
си, но постарата сестра ја наговорила да остане да живее таму.
– Во случајот со мојата Росана потфрлија татко и’ и тетка и’, кои ја чуваа,
како и од Центарот за социјални грижи, кои не можеа да видат на што се оддаде
моето девојче, бидејќи тоа се случувало од полноќ до наутро. Убедена сум дека
го правела тоа под дејство на дрога и под присила на ќерка ми Петранка и
братучетка и’ Светлана, бидејќи Росана на училиште била нерасположена и
плачела.
Сакам да ги прашам сите на кои мојата ќерка им била продавана за сексуални
услуги, дали имаат совест, дали имаат фамилија, дали имаат чувства дека таа
беше само дете – со солзи во очите ја завршува приказната Маријана.
По овие случувања таа бара синот Дарко, кој е полуматурант и живее со татко му,
да се врати кај неа.
Росана требало да биде главен сведок во случајот со штипскиот макро Сашо Митев
(35), кого тамошниот суд го осуди на 3,5 години затвор, а Апелацискиот суд му
ја зголеми казната за уште една година. Наместо во затвор, Митев е во бегство,
а против него е распишана меѓународна потерница. Митев, сопственикот на
кафеаната „Бисер 3“ во центарот на Штип, бил осуден поради тоа што во декември
2005 година и во јануари лани повеќепати ги врбувал, навел и ги поттикнувал на
проституција А.С.(15) и Росана.
Клиентите ги добивале сексуалните услуги во кафеаната на осудениот, во
автомобили и во станови. Митев на клиентите, кои биле од Штип, им наплаќал од
6.000 до 7.000 денари, од кои на девојките им давал по 500 до 1.500 денари или
картички за мобилни телефони, а остатокот од парите го задржувал за себе.
Адвокатот на Митев по судењето тврдеше дека не станува збор за давање пари и за
подведување и оти неговиот клиент бил во љубовна врска со А.С. и и’ давал
подароци.
Петар Печков
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.