Свет
УЈП проверува кој, како и колку пари потрошил за изборите
Управата за јавни приходи од средината на март годинава почнала инспекциски
надзор на финансиското работење на парламентарните политички партии
ВМРО-народна партија, ВМРО-ДПМНЕ, СДСМ, НСДП, ДУИ, ДПА и ДОМ, соопштија од
Управата.
ИНСТИТУЦИИ КОНЕЧНО ГИ ЛИСТААТ НАОДИТЕ НА ДРЖАВНИТЕ РЕВИЗОРИ
Владимир Николовски
Управата за јавни приходи од средината на март годинава почнала инспекциски
надзор на финансиското работење на парламентарните политички партии
ВМРО-народна партија, ВМРО-ДПМНЕ, СДСМ, НСДП, ДУИ, ДПА и ДОМ, соопштија од
Управата. Оттаму ги негираа завчерашните обвинувањата од СДСМ дека се работи за
фингирана контрола на финансиското работење за да се врши притисок врз
најголемата опозициска партија.
Контролите на УЈП се спроведуваат согласно со препораките на извештајот на
Државниот завод за ревизија за финансиското работење на партиите за време на
изминатите локални и парламентарни избори. Во извештајот беше констатирано дека
најголемите политички партии во земјава користеле возила што не биле пријавени
како донации, користеле превоз од јавните претпријатија по цени пониски од
пазарните и други неправилности.
УЈП е единствената институција што одговори на барањето на јавноста да се
утврди дали има простор за одговорност кај партиите кај кои било утврдено
неправилно трошење пари за потребите на изборните кампањи. Државната изборна
комисија и Државната комисија за спречување на корупцијата имаат надлежност, но
досега не поведоа постапки за утврдување одговорност кај парламентарните
партии.
„Земајќи предвид дека изминатиот период УЈП ги најави контролите на работењето
на политичките партии за време на локалните избори 2005 и парламентарните
избори 2006 година, неразбирлива е паничната реакција на Социјалдемократскиот
Сојуз, од причина што станува збор за редовна постапка на Управата за јавни
приходи. Даночните инспектори во насока на утврдување на фактичката состојба
имаат овластување, согласно со Законот за даночна постапка, да побараат и да
вршат увид во документацијата на политичките партии. Од овој аспект за УЈП
воопшто не е релевантно, дали станува збор за политичка партија, стопански
субјект или физички лица”, пишува во соопштението од Управата.
СДСМ обвини дека Управата за јавни приходи по директива на Власта почна
инспекциски надзор на финансиското работење на СДСМ. Оттаму негодуваа поради
тоа што даночните инспектори побарале увид во податоците и документацијата за
износот на собраната членарина од секој член поединечно за контролираниот
период во општинските организации.
Во Новата социјалдемократска партија потврдија дека инспекторите на УЈП ја
контролирале и нивната документација.
– Претставниците на УЈП три дена вршеа контрола на сметките на НСДП. Како што
знаете пред изборите ние објавивме кои се нашите донатори, така што сметаме
дека е сосема легитимно правото на Управата да врши контрола во партиите.
Според првичните информации, инспекторите немаат забелешки за работата на НСДП,
меѓутоа се уште чекаме писмен извештај за резултатите од контролата – вели
Горан Мисовски, извршен секретар во НСДП.
По објавата на ревизијата за работата на политичките партии за време на
последните избори, „Време” пишуваше дека Државниот завод за ревизија утврди
дека ВМРО – ДПМНЕ потрошила околу 77 милиони денари. Тоа се повеќе од милион
евра. Од нив, околу 60 милиони денари се обврски што партијата уште не ги платила.
Партијата користела превоз од Јавното сообраќајно претпријатие (ЈСП) по пониски
цени од пазарните, а користела и возила што не ги пријавила како донации.
Ревизорите тогаш утврдија дека изборите ја чинеле СДСМ околу 52,5 милиони
денари. Партијата пријавила вкупен приход од донации, спонзорства и членарина
од 52,6 милиони денари. Претпријатието ЈСП ја финансирала и кампањата на СДСМ,
давајќи и на партијата услуги по пониски цени од пазарните. Од ЈП за
стопанисување станбен и деловен простор СДСМ го добила стадионот за митинг по
несоодветно ниска цена. Ревизијата тогаш покажа дека и ДПА и ДУИ потрошиле за
кампањата повеќе пари отколку што имале, а неправилности беа констатирани и за
време на изминатите локални избори. Во Управата за јавни приходи засега не ги
коментираат резултатите од контролата на партиите и додаваат – дали има
неправилности во нивната работа ќе се знае дури по епилогот од евентуалните
судски постапки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.