Свет
Бирото за стоковни резерви ќе ги бара парите
Бирото за стоковни резерви ќе ги преземе сите
активности за да ги наплати долговите, одговараат од Бирото по информацијата
дека државата загуби околу 1,5 милиони евра од продажбата на 3.176 тони тутун
на „Јака табак”, на тендерот од пред два месеци.
ПО
ОБВИНУВАЊАТА ДЕКА ДРЖАВАТА ИЗГУБИ 1,5 МИЛИОНИ ЕВРА ОД ТЕНДЕРОТ ЗА ТУТУН (2)
Бирото за стоковни резерви ќе ги преземе сите
активности за да ги наплати долговите, одговараат од Бирото по информацијата
дека државата загуби околу 1,5 милиони евра од продажбата на 3.176 тони тутун
на „Јака табак”, на тендерот од пред два месеци.
„Време” објави дека три илјади тони тутун беа продадени по цена од 1,86 центи
за килограм. Истиот тутун пред 5 години беше проценет на 4 долари за килограм.
Разликата е околу 1, 5 милиони евра, за колку што е оштетена државата од оваа
зделка. На прашањето дали институциите ќе ги бараат овие пари од „Јака табак”,
од Министерството за финансии одговорија дека „по исполнувањето на договорот и
исплатата на парите за купениот тутун, Бирото за стоковни резерви ќе ги преземе
сите законски активности за наплата на разликата на долгот”.
Во Бирото не сакаат да коментираат зошто при процена од 4 долари за килограм,
тутунот го продале за 1,86 центи за килограм. Од таму велат дека процената ја
направиле овластени проценители кои не биле ангажирани од Бирото.
– Бидејќи Бирото во тој период не продавало тутун, не може да даде коментар за
висината на цената во тие процени – велат од Министерството за финансии во
дописот до „Време”.
На лицитацијата на тутунот на 15 март учествуваа 6 фирми. „Јака табак” понуди
највисока цена.
Упатените во тутунскиот бизнис велат дека надлежните не смееле да дозволат оваа
фирма да го купи тутунот од причина што веќе и должела на државата околу 6
милиони евра, колку што вредат 3.176 тони тутун по цена од 4 долари за
килограм. Истиот тутун продаден за 1,86 центи за килограм вреди вкупно околу
4,5 милиони долари. Се појавува дупка од околу 1,5 милиони евра.
– Државата требала да си ги бара парите од фирмата-должник, а не да и дозволи
да го откупи долгот преку тутунот. Сега, кога тоа и беше дозволено на „Јака
табак”, државата мора да си го бара остатокот од парите – велат упатените.
Бирото склучило договор со „Јака табак” во законскиот рок од 20 дена од јавното
наддавање. Надлежните уверуваат дека „Јака табак” досега се придржува до
условите од договорот.
„Јака табак” стана должник на државата пред неколку години, кога зеде кредити
од деловните банки за да ги исплати тутунопроизводителите. Како залог остави
3.176 тони тутун. Бидејќи фирмата не ги врати кредитите, Бирото за стоковни
резерви преку Јавното правобранителство во Струмица поведе постапка за реализација
на залогот.
До објавувањето на тендерот, тутунот се чуваше во складиштата на „Јака табак”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.