Свет
МВР и судовите ја злоупотребуваат примената на посебни истражни мерки
„Во Македонија недоследно се спроведува начелото
на примена на посебни истражни мерки и се крши правото на приватност“, оценува
Сашко Дукоски од Хелсиншки комитет.
СВЕТЛАНА УНКОВСКА
„Во Македонија недоследно се спроведува начелото
на примена на посебни истражни мерки и се крши правото на приватност“, оценува
Сашко Дукоски од Хелсиншки комитет. Тој тврди дека во анализата која Хелсиншки
ја спровел во шесте случаи кога имало примена на посебни истражни мерки е
утврдено дека во сите случаи постојат сериозни процедурални недостатоци и
злоупотреби. Вакви посебни истражни мерки се применуваат во борбата против
организираниот криминал или тероризам, односно за откривање сторители на
потешки кривични дела за кои е предвидена казна од најмалку 4 години или, пак,
делото се врши во група не помала од три лица, а дозвола за примена на посебни
истражни мерки издава јавниот обвинител или истражен судија. Дукоски го наведе
случајот на прибирање докази за откривање меѓународна група што се занимавала
со трговија со дрога. Во оваа група било инфилтрирано лице на Американската
агенција за борба против трговија со дрога (ДЕА) со прикриен идентитет и во
овој случај беа уапсени двајца грчки и четворица македонски државјани. Тој во
групата бил инфилтриран уште од јули 2004, но одобрение добил дури во ноември,
значи пет месеци недозволено учествувал во истражната постапка по наредба на
МВР.
„Во случајот ’Југ‘ за трговија со мигранти и во случајот со цариниците
осомничени за поткуп, исто така, постојат недоследности при истражните мерки“,
истакнува Дукоски. Според него, во случајот со поткупот на цариниците не може
да се преземат овие мерки, бидејќи на снимките немало група од најмалку три
лица како што барале одредбите, туку само по едно. За четвртиот случај кога во
група што се занимавала со трговија со дрога било инфилтрирано лице за да се
добијат снимени докази, во судскиот процес биле користени снимките, но без
тонски запис. „Не може да постои само снимка, а да нема звук. Во таква
ситуација имаме нем филм во кој се претпоставува кој што зборува и се договара
и со таков нем филм да судите некој со многу сериозни казни“, рече Дукоски. Тој
нагласи дека од сите анализирани предмети Хелсиншки комитет упати на големи
злоупотреби при примената на вакви мерки, но праша како поминува тоа и кај
јавниот обвинител и кај истражниот судија.
„Нашата интенција не е да се намалат ингеренциите на органите за истрага, туку
доследно да се применуваат правилата согласно со Законот за кривична постапка“,
нагласи тој. Како посебни мерки Законот предвидува следење комуникации и влез
во дом и други простории, потоа увид и пребарување компјутерски систем и
одземање податоци, тајно набљудување, следење и аудиовизуелно снимање,
симулирање кривични дела, како и користење лица со прикриен идентитет.
Според Елена Брезоска од Хелсиншки комитет, нашата земја мора да ги почитува
меѓународните стандарди при примена на посебните мерки. Конвенцијата што ја
потпиша Македонија во 2006 година обезбедува примена на вакви мерки, но
исклучиво за дела што се сметаат за сериозен криминал. Од Хелсиншки тврдат дека
во овие случаи досега не се применила мерка прислушување, но дека се користени
листинзи на повици на „Космофон“ и „Т-мобиле“, што повторно го сметаат за
кршење на правото на приватност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Патник во Австралија трчаше гол во авион среде лет и турна член на екипажот
Австралиската полиција соопшти дека уапсила маж кој го попречил домашниот лет со тоа што трчал гол во авионот и турнал член на екипажот. Летот VA696 од Перт до Мелбурн синоќа бил принуден да сврти набргу по полетувањето, пишува АП.
@7newsadelaideA man has been arrested by air marshals after allegedly running naked down the aisle of a Virgin Australia flight from Perth to Melbourne. #7NEWS
„По пристигнувањето во Перт, леталото го пречека австралиската федерална полиција и го симна патникот што предизвикуваше проблеми“, се вели во соопштението на авиокомпанијата „Вирџин Австралија“.
Мажот првично бил хоспитализиран за евалуација, соопшти полицијата. Австралиската телевизија Еј-би-си соопшти дека има сознанија оти никој не е повреден во инцидентот во авионот.
„Безбедноста на нашите патници и членови на екипажот е наш главен приоритет и искрено им се извинуваме на патниците што беа на летот“, соопштија од „Вирџин Австралија“.
Човекот се очекува да се појави на суд на 14 јуни, иако обвиненијата со кои ќе се соочи сè уште не се финализирани. Истрагата сè уште е во тек.
Европа
Норвешка вели дека признавањето на Палестина е важен ден; Израел: Одлуката е награда за акциите на Хамас
Норвешка, една од трите европски земји што денеска официјално ја признаа Палестина, го поздрави „важниот ден“ и изрази жалење поради очигледниот недостиг на Израел од „конструктивен ангажман“.
„Повеќе од 30 години Норвешка е еден од најверните застапници на постоењето палестинска држава“, изјави шефот на норвешката дипломатија, Еспен Барт Еиде.
„Денот кога Норвешка официјално ја признава Палестина како држава е важен ден за норвешко-палестинските односи“, додаде тој.
Како дел од иницијативата координирана со Шпанија и Ирска, оваа нордиска земја минатата среда објави дека во вторник ќе ја признае државата Палестина.
Оваа одлука го налути Израел, кој ја смета за „награда“ за акциите на палестинското исламистичко движење Хамас во екот на војната во Појасот Газа.
Шефот на израелската дипломатија, Израел Кац, веднаш најави консултации со израелските амбасадори во овие три земји и ги покани на разговор нивните амбасадори во Израел.
Свет
(Видео) Кинеската армија ги покажа своите кучиња роботи, тие носат автоматски пушки
Изгледа како нешто од филм, но ова е најновата адаптација на роботиката за модерното бојно поле. За време на неодамнешните воени вежби со Камбоџа, кинеската војска покажа куче робот со автоматска пушка на грбот.
„Може да послужи како нов член во нашите урбани борбени операции заменувајќи ги нашите човечки членови за да вршат извидување и да го идентификуваат непријателот и да ја ангажираат целта“, рече војник идентификуван како Чен Веи во видеото на државната телевизија CCTV.
🇨🇳 PLA showcased two robot dogs — including one with a QBZ-95 assault rifle mounted on its back — during the 15-day China-Cambodia Golden Dragon 2024 joint military exercises that began on May 16. pic.twitter.com/b75K26BWzo
— Byron Wan (@Byron_Wan) May 27, 2024
Двеминутно видео снимено за време на вежбата на Кина и Камбоџа, „Златен змеј 2024“, покажува куче робот како оди, скока, лежи и се движи наназад, контролирано со далечински уред. Во една вежба робот што пука со пушка води пешадиска единица во зграда.
Воената употреба на роботски кучиња не е ништо ново. Видеото од CCTV од минатата година исто така покажа роботски кучиња вооружени со пушки во заедничка вежба, во која учествуваа кинеската, камбоџанската, лаоската, малезиската, тајландската и виетнамската војска, одржана во Кина во ноември минатата година. Во 2020 година американските воздухопловни сили исто така демонстрираа употреба на роботски кучиња.