Свет
Професор уапсен за мито од 200 евра
Професорот на Педагошкиот факултет во
Штип, струмичанецот Ванчо Жан-Колев, бил уапсен под сомнение дека зел 200 евра
поткуп од своја студентка, завчеравечерта во Струмица.
Професорот на Педагошкиот факултет во
Штип, струмичанецот Ванчо Жан-Колев, бил уапсен под сомнение дека зел 200 евра
поткуп од своја студентка, завчеравечерта во Струмица.
Полицијата против Жан Колев, кој е професор по методика за музичко воспитување,
поднела кривична пријава за поткуп. Уапсениот професор вчера беше на распит
пред истражен судија, по што ќе се знае дали ќе му биде одреден притвор.
Според полицијата, осомничениот во понеделникот на Б.Н. од Штип, студентка на
факултетот, и’ побарал 200 евра за да и’ напише преодна оценка по предметот што
тој го предавал, а кој студентката го полагала неколкупати. Тие договориле
средба во центарот на Струмица, каде што професорот требало да ги добие парите.
Студентката во истиот ден го пријавила случајот во штипската полиција, по што
завчеравечерта Б.Н. со такси заминала за Струмица. Осомничениот со студентката
се сретнал на плоштадот, каде што професорот и’ дал учебник за да ги стави
парите внатре. Девојката зела две банкноти од по 100 евра, кои претходно биле
обележани во полиција, и ги ставила во книгата. Професорот го зел учебникот и
и’ рекол на студентката да дојде в четврток во Штип за да и’ напише преодна
оценка. Полицијата го уапсила професорот кога тој влегол во својот автомобил, а
по претресот биле најдени и обележаните евра.
Акцијата на полицијата се одвиваше пред голем број граѓани на Струмица, а на
новинарските екипи што беа на местото настанот не им беше дозволено снимање и
сликање од страна на инспекторите.
Деканот на Педагошкиот факултет во Штип, Блаже Китанов, вчера немаше коментар
за случајот. Дел од професорите на факултетот, кои сакаа да останат анонимни,
велат дека такво нешто се очекувало од нивниот колега бидејќи и’ претходно се
ширеле гласови дека земал поткуп од студенти.
За неколку години ова е втор случај професор од Педагошкиот факултет да биде
фатен за примање поткуп.
(Р.Т.-Љ.Ш.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Свет
Сакале јавно да ја посрамотат љубовницата на нивниот татко, а животот си го направиле пекол
Сестрите Елеонор и Софи Браун откриваат како јавно сакале да ја посрамотат жената со која татко им Џеф ја изневерил нивната мајка, но наместо тоа, едната добива отказ од полицијата, а другата се соочува со затвор.
Убедени дека смислиле совршен начин јавно да ѝсе одмаздат на жената со која татко им ја изневерувал нивната мајка, двете сестри, од кои едната била полицајка, објавиле приватни и интимни фотографии на социјалната мрежа. Ни тоа не им било доволно, го објавиле и телефонскиот број на нејзиниот сопруг, по што почнале да му се јавуваат.
Пријавил во полиција, па на Елеонор (24) која признала дека објавувала интимни фотографии сега и се заканува затворска казна, додека Софи била избркана од полиција.
На сослушувањето во судот во Лидс, Велика Британија одржано минатата недела, беше откриено дека Елеонор на страницата „2022“ објавила фотографии и телефонски број на сопругот на нејзиниот љубовник. Се слушна дека објавувањето на телефонскиот број влијаело на неговата работа и кај жената предизвикало „страшно и болно чувство на паника“. Во исто време, како што изјавија во судницата, нивниот татко Џеф имал афера со таа жена пред повеќе од 10 години, кога и двајцата биле во брак.
Аферата беше откриена во 2015 година кога Сара Браун откри интимни фотографии и видеа од жената во телефонот на нејзиниот татко. Дури седум години подоцна, помеѓу август и септември, Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг.
Таа потоа му испратила интимни фотографии од неговата сопруга на WhatsApp, а истите ги објавила на страница за ескорт. Обвинителот посочи дека се работи за „гнасен и пресметан“ обид за одмазда. Сестрите Браун, како што беше кажано и во судницата, ја нападнале и ќерката на љубовникот, која не знаела за аферата.
Елинор и рече: „Ќе се погрижам мајка ти никогаш да не заборави што и направи на мајка ми“.
Софи поднесе оставка од полицијата откако таа и нејзината сестра беа пријавени, а на рочиштето беше истакнато дека дефинитивно ќе добиеше отказ доколку не се откажеше самата, бидејќи таа беше иницијатор на целата приказна. На рочиштето се откриени и пораките кои сестрите ги разменувале, се покажало дека тие прво планирале да направат лажен профил на љубовницата на една страница за рекламирање.
Тие сакаа да напишат, заедно со нејзината фотографија, во огласот: „Подарувам сексуални услуги за пет фунти“. Потоа го промениле планот и решиле фотографиите да ги објават на страница за ескорт дами.