Свет
Рестораните со пастрмка полицијата не ги гиба
Рибокрадците ја доведуваат до истребување познатата охридска пастрмка, се вели во истражувањето на БИМ спроведено во Скопје, Охрид и Подградец во Албанија, во кое се опишува и патот на украдената уникатна риба до ресторанските трпези, главно во Охрид
ПРЕДУПРЕДУВАЧКИ СОЗНАНИЈА НА БАЛКАНСКАТА ИСТРАЖУВАЧКА МРЕЖА ЗА ЗАГРОЗЕНАТА ОХРИДСКА УНИКАТНА РИБА
Рибокрадците ја доведуваат до истребување познатата охридска пастрмка, се вели во истражувањето на БИМ спроведено во Скопје, Охрид и Подградец во Албанија, во кое се опишува и патот на украдената уникатна риба до ресторанските трпези, главно во Охрид
Македонија воведе целосна забрана за лов на охридската пастрмка, но таа и натаму е на менијата на многу ресторани. Шверцерите и сопствениците на угостителски објекти продолжуваат да го кршат законот и да ја исцрпуваат преостанатата риба во езерото, како од македонска, така и од албанската страна, предупредува Балканската истражувачка мрежа во најновото истражување за степенот на загрозеност на овој уникатен вид риба од Охридското Езеро. Основното мотив за кражбата и шверцот на охридската пастрмка, тврди БИМ, се парите, зашто таа се продава по цена и до 30 евра за килограм.
Истражувачите на овој проект дознаваат дека постојат групи на локални рибари кои се одговорни за забранетото ловење и кои се поврзани со тајна мрежа сопственици на ресторани и продавачи на риба. Рибарите се обраќаат преку посредник од доверба кој им телефонира на рестораните, или пак самите доаѓаат да го понудат нелегалниот улов. Рестораните пак отворено ја нудат пастрмката. Седум ресторани кои се меѓу најпознатите во Охрид ја имаат пастрмката на своите менија. Пет од нив им понудија пастрмка на истражителите на БИМ кои се претставија како обични гости, се наведува во истражувањето.
Според изјавите на некои рибокрадци во Охридско, но и од полицијата, најмногу илегални рибари во Македонија имало во селата Калишта, Радожда, Андон Дуков, Свети Стефан, Пештани и Трпејца. Мрежите ги поставувале исклучиво ноќе, а ги собирале в зори, кога видливоста е мала. Натаму, полицијата за БИМ вели дека и недостасува опрема за да ги лоцира ноќните рибокрадци.
Во првите шест месеци од 2005 година, охридската полиција заплени повеќе од 1.200 рибарски мрежи пронајдени на површината или на дното од езерото, а апсела и неколкумина рибокрадци.
Иако македонските полицајци и цариници велат дека прават се што е во нивна моќ за да го спречат нелегалниот лов и шверц на пастрмка, БИМ во истражувањето констатира дека рестораните, каде што се служи охридската пастрмка, и натаму никој не ги гиба. Не се прави ништо за да се санкционираат. Натаму во извештајот се констатира дека не постои јасна и ефикасна законска регулатива за нејзина заштита како и дефинирање на институцијата, надлежна да ја спроведува. Истражувањето на БИМ смета дека загрозеноста на охридската пастрмка делумно се должи и на нехармонизираните законодавства на Македонија и Албанија. Се наведува дека во Албанија , каде што ловот на Охридска пастрмка не е забранет, многу фамилии живеат од риболов. Меѓутоа и таму се чувствува намалување на нивото на пастрмката во езерото. Додека порано 500 семејства во Подградец живееле на овој начин, сега само 250 го прават тоа. Причината за тоа е што едноставно повеќе нема доволно риба во езерото, се наведува во истражувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хезболах лансира ракети врз северен Израел
Хезболах лансира 140 ракети кон северниот дел на Израел, само еден ден откако лидерот на екстремистичката група, Хасан Насрала, најави одмазда за серијата експлозии во Либан во последните три дена.
Израелската армија објави дека ракетите паднале во три брана во петокот попладне, а цел биле места по должината на разурнатата граница со Либан, пренесува „Јутарњи“.
Хезболах соопшти дека цели биле неколку места по должината на границата со ракетите „Катјуша“, вклучително и неколку бази за противвоздушна одбрана, како и штабот на израелската оклопна бригада, која, според нив, била првиот погоден, пренесува „Н1 Загреб“.
Хезболах рече дека ракетите биле како одмазда за израелските напади врз села и домови во јужен Либан.
Свет
Камала Харис: Ако некој упадне во мојот дом, ќе биде застрелан
Потпретседателката на САД, Камала Харис, изјави дека е подготвена да употреби пиштол доколку натрапник упадне во нејзиниот дом.
„Ако некој упадне во мојата куќа, ќе биде застрелан“, рече Харис, гостинка на Опра Винфри.
„Веројатно не требаше да го кажам тоа, но мојот персонал подоцна ќе се справи со тоа“, додаде таа и се насмеа. Харис, која потврди дека поседува пиштол за време на неодамнешната претседателска дебата, ја повтори својата поддршка за забраната на автоматските пушки.
„Огненото оружје од овој тип е буквално дизајнирано да биде воено средство. За него нема место на улиците на граѓанското општество“, нагласи таа.
Рече дека е поддржувач на американскиот втор амандман, кој го штити правото на поседување оружје, но се осврна и на американскиот проблем со престрелките во училиштата.
Таа предупреди дека е вознемирувачко што децата мораат да поминат вежби за да се подготват за вакви инциденти. „Не мора да биде така“, убедена е таа. По едно од најновите масовни престрелки во САД, 14-годишно момче е обвинето за убиство на четири лица во средно училиште во Џорџија.
„Поседувам пиштол веројатно од истата причина како и многумина што го имаат – за лична безбедност. Бев обвинител“, рекла Харис во 2019 година, според Би-би-си.
За време на минатонеделната дебата со републиканскиот кандидат Доналд Трамп таа ги негира обвинувањата на Трамп дека „ќе им го одземе пиштолот на сите“ доколку биде избрана во Белата куќа.
Трамп поседуваше и три пиштоли, но мораше да предаде два од нив и да се соочи со ограничувања за третиот откога беше обвинет.
Регион
Додик: Нема да ја почитувам одлуката на Уставниот суд
Српскиот лидер во Босна и Херцеговина, Милорад Додик, изјави дека нема да ја почитува одлуката на Уставниот суд на таа земја, кој го оспори изборниот закон за ентитетите и покрај тоа што неговата партија ќе учествува на претстојните локални избори, кои се одржуваат според одредбите на друг државен изборен закон.
„Изборниот закон на Република Српска е уставен и овој правен акт ќе се применува“, изјави Додик за Радио-телевизија на Република Српска реагирајќи на вчерашната одлука на Уставниот суд на Босна и Херцеговина.
Тој суд оцени дека со донесувањето на Изборниот закон на Република Српска е прекршен Уставот на Босна и Херцеговина. На овој начин се оспорува улогата на Централната изборна комисија на БиХ, која е задолжена за организирање и спроведување на изборите.
На ваков потег се одлучија откако високиот меѓународен претставник, Кристијан Шмит, наметна измени во Изборниот законик на Босна и Херцеговина.
Сепак, Додик тврди дека само ќе го почитува Изборниот законик за ентитетите бидејќи тој не бил оспорен од Уставниот суд на Република Српска. Но, државниот е.
И покрај приговорите и отфрлањето на одлуките на Уставниот суд на БиХ, кои властите на Република Српска ги нарекуваат скратени затоа што двајца српски судии не учествуваат во неговата работа, партиите на власт од тој ентитет сепак ќе учествуваат на претстојните локални избори организирани од државната Централна изборна комисија.
Овие избори ќе се одржат на 6 октомври, а ќе се изберат нови свикувања на градските и општинските совети и раководители на 141 општина и град.