Црвенковски: Со Красниќи е прекршен Уставот Не може еден проблем да се решава на тој начин што ќе се креира друг

Претседателот на државата ја обвини Владата дека во случајот со одметникот од Црвенковски: Со Красниќи е прекршен Уставот Не може еден проблем да се решава на тој начин што ќе се креира друг

БОРИС ГЕОРГИЕВСКИ

Претседателот на државата, Бранко Црвенковски, остро ги нападна Владата, надлежните институции и премиерот Владо Бучковски поради начинот на кој го решаваат ?случајот Красниќиии.

>?Македонија или ќе биде правна држава или нема да биде правна држава, законите или ќе важат подеднакво за сите или ќе промовираме беззаконие. Јас ги поддржувам политичките напори, политичките средства за решавање на проблемите, но тие како своја крајна цел мора да имаат јакнење на институциите и јакнење на авторитетот на институциите, а не нивно понижување или заобиколување. Не може еден проблем да се решава на тој начин што ќе се креира друг, уште поголем проблем со уште потешки последициии, изјави вчера Црвенковски, коментирајќи го на тој начин владиното аминување на повлекувањето на потерницата против кондовецот Агим Красниќи.

Претседателот отворено ја обвини Владата дека со начинот на кој го менаџирала проблемот го нарушила принципот на уставното уредување. ?Фактот што како претседател на државата, за едно прашање коешто по својата дефиниција беше безбедносно прашање подолг временски период, не бев информиран или не бев целосно информиран за активностите што ги преземаат одредени институции, сам по себе говори дека е направено едно нарушување на принципите на уставното уредување во РМ, и тоа е сериозен проблемми, оценува Црвенковски.

Во Кабинетот на премиерот Бучковски одбиваат да ги коментираат изјавите на претседателот на државата. ?Дали е прекршен Уставот или уставното уредување ќе утврди Уставниот судди, одговараат во Владата на обвинувањата од претседателот. Оттаму најавуваат дека во рамките на редовната комуникација со претседателот ќе му бидат доставени сите дополнителни информации кои не се содржани во информацијата на МВР и Министерството за правда. Црвенковски претходно изрази незадоволство поради тоа што со задоцнување ја добил информацијата од владината седница што се одржа во четвртокот и рече дека во неа имало ?многу помалку информации од она што низ разни соопштенија или изјави беше веќе презентирано во јавноста и во медиумитееи. Во Владата демантираат. ?Црвенковски ја доби целосната информација, онака како што беше усвоена на седницатааи, тврдат таму.

Премиерот Бучковски минатата недела, објаснувајќи го пристапот на Владата при решавањето на ?случајот Красниќиии, рече дека ?некому не му било по ќеф ваквото решавање на проблемотти. ?Некој сакаше да биде искористена друга ситуација. Дали треба да имаме повторно војна како во 2001 година??и, праша тогаш Бучковски.

Црвенковски веројатно се почувствува прозван во таа изјава и му реплицираше. ?Правењето некакви аналогии со некакви актуелни случувања денес со она што се случуваше во 2001 година не држи и е погрешно, бидејќи на тој начин се негираат и политиката и резултатите од политиката што се спроведуваше во овие изминати години, почнувајќи од потпишувањето на Рамковниот договор преку целосното негово имплементирање до денесси.

Претседателот вели дека тој би избрал поинакво решение за проблемот во Кондово. ?Сигурно не онака како што во некои медиуми беше пласирано, а тоа е со некаква масовна, робусна полициска акција и да се ризикуваат многу човечки животи, но исто така не сигурно и на ваков начин како што се случи, со овој избран пристап, бидејќи тој е исто толку погрешен, исто толку предизвикува тешки последици за наредниот периодди, оценува Црвенковски.

Шефот на државата е убеден дека Владата и надлежните институции имаат капацитет и легитимитет да спроведат почитување на правната држава на територијата на државата, но, со еден поголем ангажман. Претседателот на државата вчера не даде категорична оцена за односите со премиерот, за кои веќе подолг период се шпекулира дека се нарушени, но рече дека на двете водечки фигури во државата не им е потребен медијатор за да разговараат. ?Ние имаме комуникација, меѓутоа битно е од таа комуникација и од тие разговори да произлезат реални заклучоци и реални поуки за некакви грешки што се направени во изминатиот период и да направиме сите заедно вакви работи повеќе да не се повторуваатти, порача Црвенковски.