Свет
Владино обезбедување уапсено со проститутки

Вработен во обезбедувањето на Владата бил уапсен во акција на тетовската полиција во стриптиз-бар во селото Боговиње, во саботата околу полноќ, соопшти МВР.
Вработен во обезбедувањето на Владата бил уапсен во акција на тетовската полиција во стриптиз-бар во селото Боговиње, во саботата околу полноќ, соопшти МВР.
– По претходно добиени сознанија, СВР-Тетово организира акција за откривање и приведување странски државјанки, за лица по кои се трага за извршени кривични дела, како и за лица што се занимаваат со проституција. Во угостителскиот објект „Фламинго“ во Боговиње е уапсен Златко С. (24) од Скопје, вработен во службата за обезбедување на Владата, во дирекцијата за слободни економски зони – изјави портпаролот тетовската полиција Љуљзим Шабани.
Кај уапсениот, кој бил гостин во локалот, бил најден пиштол марка „аркус“ во калибар 9 мм, со една рамка и 12 куршуми, за кој Златко имал одобрение. Полицијата го привела дваесет и четиригодишниот скопјанец, а по информативниот разговор тој бил ослободен. Од тетовската полиција информираа дека ќе поднесат предлог против Златко С. за одземање на одобрението за поседување огнено оружје.
– Во акција се приведени и четири танчарки, потоа е уапсен Семир С., вработен како шанкер и гостинот во локалот Рефедин. М (27) од скопското село Љуботен – рече портпаролот Шабани.
Тој додаде дека танчарките Драгана Челиќ од Смедеревска Паланка и Мирјана Паниќ од Лазаревац, СЦГ, биле задржи во скопскиот транзитен центар по што двете ќе бидат депортирани во својата матична земја. Другите две танчарки Д.Ц. (24) и С.Р. (30) од Скопје биле приведени на информативен разговор и потоа тие биле пуштени.
А.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Рејтингот на Трамп скокна по средбата со Путин

Рејтингот на американскиот претседател, Доналд Трамп, се зголеми по средбата со неговиот руски колега Владимир Путин, а повеќе од половина од американските гласачи (54 проценти) ги поддржуваат ефектите од неговата работа, според анкетата спроведена од американската агенција за истражување на јавното мислење Insider Advantage.
Се забележува дека 44 проценти немаат позитивно мислење за Трамп, додека два проценти се неодлучни, според веб-страницата на агенцијата.
Се додава дека Трамп е во водство меѓу сите возрасни групи освен меѓу најстарите гласачи.
„Ги подобри своите бројки меѓу Афроамериканците и Латиноамериканците. Белите гласачи се на речиси рекордни 64 проценти. Гласачите под 65 години сега со огромно мнозинство го одобруваат неговото работење. Генерално, поддршката за Трамп се зголемува по средбата со рускиот претседател – според анкетата.
Анкетата е спроведена од 15 до 17 август.
Свет
Трамп: Знам точно што правам, решив 6 војни за 6 месеци

Претседателот на САД, Доналд Трамп, се пофали со своите мировни достигнувања пред денешните потенцијално клучни разговори за Украина.
„Знам точно што правам“, рече Трамп.
За време на неговиот втор мандат, Трамп постојано се претставуваше како „главен миротворец“, нагласувајќи ја својата улога во решавањето на светските конфликти. Во нова објава на социјалните мрежи, тој повторно се осврна на начинот на кој медиумите ја следат неговата администрација:
„Решив 6 војни за 6 месеци, од кои една се закануваше со нуклеарна катастрофа, а сепак морам да читам и слушам „Волстрит џурнал“ и многу други кои навистина немаат поим, велејќи ми дека правам сè погрешно во врска со руско-украинскиот неред“, напиша Трамп.
Во објавата, тој повторно го обвини претседателот Џо Бајден дека ја започнал војната во Украина.
„Наречете ме како сакате – мајстор миротворец, реалист, личност што размислува сама за себе – но јас точно знам што правам. Решив 6 војни за 6 месеци, една од нив можеше да заврши со нуклеарна катастрофа. Сепак, морам да читам и слушам „Волстрит џурнал“ и многу други кои навистина немаат поим, велејќи ми дека правам сè погрешно во врска со руско-украинскиот неред. Ова се сите истите луѓе кои тврдеа дека Бајден знае што прави. Погледнете каде нè одведе! Да не беше Бајден, никогаш немаше да има војна каква што има.“
Свет
Кина: Се надеваме на договор за Украина што е прифатлив за сите страни

Кина денес изјави дека се надева на договор за Украина „прифатлив за сите страни“, пред состанокот во Белата куќа меѓу претседателот на Соединетите Американски Држави Доналд Трамп, украинскиот претседател Володимир Зеленски и неколку европски лидери.
Доналд Трамп изјави дека неговиот украински колега би можел речиси веднаш да ја заврши војната со Русија, исклучувајќи ја можноста Киев да ја врати контролата врз полуостровот Крим, кој Москва го анектираше во 2014 година, и да се приклучи кон НАТО. Украинскиот претседател прво ќе одржи приватни разговори со Трамп, почнувајќи во 19 часот по средноевропско време, а потоа ќе им се придружат и европските лидери.
„Се надеваме дека сите засегнати страни ќе учествуваат во мировните преговори навремено и што е можно поскоро ќе постигнат праведен, траен, обврзувачки и сеприфатлив мировен договор“, изјави Мао Нинг, портпаролка на кинеското Министерство за надворешни работи, на прес-конференција.
Заедно со Зеленски, во Белата куќа се очекуваат и францускиот претседател Емануел Макрон, германскиот канцелар Фридрих Мерц, италијанската премиерка Џорџа Мелони, британскиот премиер Кир Стармер и генералниот секретар на НАТО, Марк Руте. Самитот одржан пред три дена во Алјаска меѓу американскиот претседател и неговиот руски колега Владимир Путин не доведе до прекин на огнот.
Кога беше прашана за средбата меѓу Трамп и Путин, портпаролката Мао Нинг денес потврди дека Кина ги поддржува сите напори насочени кон мирно решавање на кризата. „Кина е задоволна што Русија и САД одржуваат контакт, ги подобруваат своите односи и промовираат политичко решение за украинската криза“, нагласи таа.