Родителите на Наташа која од заталкан куршум загина на новогодишната прослава на плоштадот Македонија во Скопје, вчера сами дојдоа во Судот и побараа да видат до каде е предметот за смртта на нивната ќерка

СЛУЧАЈОТ ЗА СМРТТА НА НАТАША КМЕТОВСКА ПЕТ МЕСЕЦИ ЗАГЛАВИ ВО ИСТРАГА

Родителите на Наташа која од заталкан куршум загина на новогодишната прослава на плоштадот Македонија во Скопје, вчера сами дојдоа во Судот и побараа да видат до каде е предметот за смртта на нивната ќерка

Пет месеци вештачењето од Институтот за судска медицина не е доставено до истражниот судија во Основниот суд 1 во Скопје кој ја води истарагата за смртта на Наташа Кметовска која од заталкан куршум загина на новогодишната прослава на плпштадот Македонија во Скопје. Кметовска три дена по новогодишната ноќ на Клиниката за торакална хирургија починала од огнострелната повреда. Сега во судот во Скопје се води истрага за одговорност на лекарите кои ја лечеле Кметовска.

Родителите на Наташа вчера сами дојдоа во Судот и побараа да видат до каде е предметот за смртта на нивната ќерка. Тие беа примени од Претседателот на судот Добрила Кацарска. Таа во нивно присуствио се јавила на истражната судијка да се информира до каде е истрагата. И било кажано дека судијката чека документ од судска медицина веќе неколку месеци.

Судијката испратила две барања до судска медицина за документот но истиот не бил доставен.

Кацараска ги известила родителите дека проблемот не е во Судот оти се било завршено со истрагата и се чекал само документот од судска медицина.

Според родителите на Кемтовска се работи за документ со кој треба да се каже дали младата Наташа можела да биде спасена.

“Неколку пати сами ја побаравме докторката која ја извршила обдукцијата на нашата ќерка за да ни каже каде се докумантите. Таа не избегнуваше и кога ни закажа термин да се видиме, замина на семинар”, велат родителите.

Тие вчера за да се информираат што се случува, од Судот заминаа во Институтот за судска медицина. Таму на влезната врата го начекаа директорот, проф. д-р Алексеј Дума кој ги прими во ходникот од зградата. По само неколу минуту родителите растревожено излегоа надвор. “Директорот ни кажа дека вакви случаи се воделе и по неколку години, па не требало толку да се бразаме. Тој ни вети дека документите до крајот на седмицава ќе бидат потпишани и од понеделник ќе бидат пратени во судот. Ни се пожали дека судот не им плаќал редовно па затоа и некои документи не биле доставувани”, изјавија родителите на Кметовска.

Истаргата за смртта на Наташа Кметовска се води против тројца лекари. Обвинителството од истражната судијка побара да се спроведе истрага против нив за кривично дело: тешки дела против здравјето на луѓето, односно несовесно лекување. Во списите пишува дека тие неодговорно ја лекувале Кметовска иако знаеле за тешките последици кои можат да настапат. Не ја утврдиле локацијата на зрното во телото на девојката и ништо не сториле за да го отстранат проектилот.

Истражната судијка ја исклучи јавноста што спред членот 177 од законот за кривична постапка има право, но во случајов тоа е направено без образложение.