Свет
ДУИ во кампања искрши две државни возила
Две службени возила на Министерството за одбрана се на поправка откако биле користени за партиски потреби на Демократската унија за интеграција. За двете возила одговарал заменик-министерот Талат Џафери.
ОШТЕТЕНО МИНИСТЕРСТВОТО ЗА ОДБРАНА
Две службени возила на Министерството за одбрана се на поправка откако биле користени за партиски потреби на Демократската унија за интеграција. За двете возила одговарал заменик-министерот Талат Џафери.
Според информациите на “Дневник”, станува збор за возило “пасат” и за џип “сузуки витара”, кои сега се на поправка, која ќе ја плати Министерството за одбрана, иако не “настрадале” при извршување службени обврски. Во МО велат дека ќе покренат истрага. “Пасатот” на Талат Џафери со регистарски таблички СК-235-ЈФ, според искази на жители, во текот на викендот бил виден во селото Чајле. Автомобилот го возел заменик-министерот за правда Судби Јакупи.
Селаните тврделе дека во колата бил и носителот на листата на ДУИ за Гостивар, Мухамер Садику, кој ги кинел знамињата на ДПА поставени крај патот. Вчера “пасатот” бил вратен во Министерството, но во неисправна состојба. Портпаролот на ДПА, Сулејман Рушити, завчера обвини дека ДУИ користи службени возила за да агитира по селата и оти со оружје им се заканува на нивните кандидати.
Во ДУИ ги отфрлија обвинувањата од ДПА и исказите на селани од Чајле и порачаа дека повеќе нема да одговараат на провокациите, со оценка дека сите инциденти се сценарио на ДПА.
Џипот “сузуки витара” е на поправка во Охрид бидејќи во саботата вечерта возачот на Талат Џафери, управувајќи го во близината на Гостивар, изгубил контрола и излетал од патот. Настанот се случил во два часот по полноќ. Не е познато дали во моментот на несреќата во џипот имало и други освен возачот на заменик-министерот. Во МО не знаат што барало нивното службено возило во тоа време од ноќта во Гостиварско. Џипот му припаѓа на Секторот за безбедност и разузнавање на АРМ. (Р.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.