Свет
Ќе градат станови со Малезијците, а мене не ме прашуваат
“Се прашувам какви финансиски игри стојат зад овие договори во 4 очи, за какви провизии станува збор, базирани врз незаконски ексклузивни права на новоформирани фирми, под директива на Владата на РМ”, обвини градоначалникот Кирил Тодоровски
ГРАДОНАЧАЛНИКОТ НА ОПШТИНА АЕРОДРОМ НЕЗАДОВОЛЕН ОД ВЛАДАТА
“Се прашувам какви финансиски игри стојат зад овие договори во 4 очи, за какви провизии станува збор, базирани врз незаконски ексклузивни права на новоформирани фирми, под директива на Владата на РМ”, обвини градоначалникот Кирил Тодоровски
Градоначалникот на Општина Аеродром, Кирил Тодоровски вчера ја обвини Владата, дека незаконски договара соработка со фирмата “Јанани Ага Бамако”, за изградба на станбен комплекс во населбата Горно Лисиче.
“Јас сум фрапиран и вознемирен од информациите во медиумите дека Владата преку заменик претседателот на Владата Минчо Јорданов, потпишува договори и протоколи со малезиско-македонската фирма “Јанани Ага Бамако”, за изградба на станови на 18 локации во населбата Лисиче 1 и 2, по цена пониска од 500 евра за квадратен метар. Се прашувам какви финансиски игри стојат зад овие договори во 4 очи, и какви незаконски отстапки се даваат за ова државно земјиште. За какви провизии станува збор, базирани врз незаконски ексклузивни права на новоформирани фирми, под директива на Владата на РМ”, рече градоначалникот Тодоровски.
Тој побара одговор зошто никој од Владата не се консултирал со него за остварување на овој проект, иако Општината е таа која ја дава градежната дозвола.
“Домашните фирми нудат повисоки цени за ова земјиште, 600 евра по м2. Тие не се во можност да ги пласираат своите средства во инвестициони проекти поради ваквите владини диверзии. Ни Минчо Јорданов, ни Владо Бучковски, па ни Бранко Црвенковски нема да го спречат развојот на општината се додека јас сум градоначалник”, додаде Тодоровски.
Во Владата не сакаа да ги коментираат обвинувањата. “Одбиваме да ги коментираме изјавите на еден од најнеодговорните градоначалници во градот. Тодоровски не е тој што треба да ја цени работата на Владата. Најдобро е да се погрижи за граѓаните и проблемите во Општината, која веќе 5 месеци не функционира”, изјавија од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.