Свет
Кризата предизвикува немири во Европа
Економската криза не заобиколи ниту една европска држава, а се повеќе луѓе своето незадоволство го изразуваат на улица
Економската криза не заобиколи ниту една европска држава, а се повеќе луѓе своето незадоволство го изразуваат на улица, што може да прерасне во немири и насилства.
Европските влади стравуваат од социјални немири, а некои економисти прогнозираат дека кризата ќе трае уште најмалку пет години.
Економската криза во Европа најмногу ги погодува источните држави, кои очајно молат за обемна парична помош за спас на економиите, а лоши вести доаѓаат и од западна Европа, каде државите една по друга паѓаат во рецесија.
Кризата носи отпуштања, затворања на фирми, смалување на социјалните издатоци, и затоа многу аналитичари сериозно и со пезимизам предупредуваат од масовни протести, кои можат да прераснат во социјални немири и насилства.
Но, протестите низ Европа започнаа…
Прво се протестираше на Исланд, порано една од најбогатите држави на светот, која поради крахот на банките речиси „банкротираше“. Под притисок на налутените демонстранти на улиците во јануари годинава оставка даде исландскиот премиер и таа држава прва ја загуби владата поради кризата.
Следна влада што падна под удар на кризата беше летонската. Економијата на Летонија по години процут падна во минус од десет насто, а престолнината Рига во јануари беше сведок на најголемите антивладини протести од независноста на државата. По еден месец замина владата.
И соседната Литванија во јануари ја тресеа протести. Најавеното намалување на социјалните издатоци ги разгневи граѓаните, кои со камења фрлаа по зградата на парламентот. Интервенираше полицијата со солзавец, а премиерот Кублиус, остана решителен и најави дека нема да отстапи од пакетот мерки за штедење.
Кризата жестоко удри и по Украина, која беше принудена да ги моли меѓународните финансиски институции за обемен пакет помош. Но, изгледа дека и милијарди долари нема да бидат доволни. На крајот на февруари во Киев имаше два големи протести – од едниот беше побарана оставка на претседателот Виктор Јушченко, а на друг протест налутените штедачи бараа пропаднатите банки да им ги вратат парите.
Остриот пад на цените на енергентите, на чии крила цветаше руската економија, предизвика драматично освестување. Неизвесноста предизвикува протести од Москва до Владивосток. Стотини демонстранти комунисти во февруари на Црвениот плоштад протестираа поради начинот на кој владата се справува со кризата, а имаше и неколку собири од кои е повикана владата да си замине.
Својот глас во Полска го кренаа вработените во воената индустрија, која најави масовни отпуштања, откако владата го скастри буџетот за одбрана. Демонстрантите палеа гуми и фрлаа молотови коктели за владата да го слушне нивното барање за зачувување на работните места, молбата за егзистенција.
Незадоволни во моментот во Бугарија се полицајците и земјоделците. Чуварите на редот бараат зголемување на платите за 50 насто и подобри услови за работа. Бидејќи законот не им дозволува штрајк, тие од декември се во „тивок“ протест. Земјоделците од друга страна бараат определување на минималната цена за млекото и стопирање на увозот на евтини производи.
Наместо да се зафати со барањата на демонстрантите парламентот федерацијата во БиХ, ја откажа седницата на која требаше да биде усвоено намалување на јавната потрошувачка, заради ограничување на буџетскиот дефицит. Работниците и инвалидите веќе организираат неколку протести поради високата стапка на невработеност и острите мерки на владата за намалување на јавниот долг.
Но не се ранливи само малите држави и поранешните социјалистички земји, кризата им се заканува и на европските економски велесили.
Најголемата европска економија Германија се бори со рецесија, а најпогоден е автомобилскиот сектор. Пред десетина дена протестираа 150 илјади работници на Опел, кои бараа од нивниот американски сопственик Џенерал Моторс да ги отповика намерите за затворање на погоните.
Дури 2,5 милиони демонстранти на крајот на јануари излегоа на улиците во Франција, а претседателот Саркози, кој претходно беше пофален, како се справува со кризата, се најде во премрежје на критики и на работниците и на стопанствениците, кои не се одушевени од мерките. Саркози, за да ги смири работниците вети дополнителни 2,65 милијарди евра за социјални трансфери, но и покрај тоа осум синдикати за 19 март закажаа масовен штрајк./крај/сло/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција го усвои контроверзниот закон – отворен патот за 13-часовно работно време
Грчкиот парламент денес го усвои новиот закон за труд, кој предизвика бурни реакции и протести низ целата земја. Со 158 гласа „за“ и 109 „против“, владиниот предлог беше изгласан, додека левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприлагодлив и поефикасен, овозможува на работодавачите во приватниот сектор да бараат од своите вработени да работат до 13 часа дневно, наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемува флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавачот и вработениот.
Меѓутоа, синдикатите и опозицијата остро реагираа, предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници „ADEDY“ порача дека „флексибилното работно време во пракса значи уништување на семејниот и општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулира продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Свет
Индонезија, Азербејџан и Пакистан – три земји во преговори за мировна мисија во Газа
Американски официјален претставник изјави дека Индонезија, Азербејџан и Пакистан разговараат со САД за можноста да испратат војници во идната меѓународна мисија за стабилизација на Пojaсот Газа, објави американски функционер од одбраната, кој побарал да остане анонимен поради чувствителноста на преговорите, јавува „Политико“.
Ова е дел од планот во 20 точки за мир предложен од Доналд Трамп, кој предвидува привремени сили за обука и поддршка на палестинската полиција и соработка со Египет и Јордан.
САД нагласуваат дека американски војници нема да влегуваат во Газа, туку ќе дејствуваат од координативен центар северно од Израел. Египет, Катар и ОАЕ ќе имаат свои официри таму. Досега нема официјални потврди од трите земји.
Целта на мисијата е привремено да се обезбеди обука на палестинските безбедносни структури и да се овозможи разоружување на Хамас. Аналитичари и дипломати ја доведуваат во прашање изводливоста на планот, а формирањето на силите може да трае неколку месеци од моментот на одлуката.
Свет
„Борбата не е завршена“ – Нетанјаху решен да ги врати сите тела на заложниците
Израелскиот премиер Бенјамин Нетанјаху изјави дека Израел е решен да ги врати сите тела на заложниците што сè уште се во рацете на Хамас.
Тој ја повтори својата порака за време на одбележувањето на втората годишнина од нападот на Хамас велејќи:
„Борбата уште не е завршена, но едно е јасно – секој што ќе крене рака против нас, ќе плати висока цена“.
Израел го обвини Хамас за прекршување на договорот за примирје, според кој сите заложници – живи и мртви – требало да бидат предадени до понеделник. Хамас предаде 20 живи заложници и девет тела, но тврди дека за другите му е потребна специјална опрема за пребарување под урнатините.
Министерот за одбрана Израел Кац порача дека ако Хамас не го почитува договорот, Израел во координација со САД ќе ја продолжи офанзивата до целосен пораз на организацијата.
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
