Во последните 24 часа, во Србија се регистрирани 96 пациенти со коронавирус.

Според најновите податоци, едно лице починало, а 12 од нив се на респиратор, пишува „Блиц“.

Вкупно 4795 пациенти биле тестирани за ковид-19 во последните 24 часа.

Бројот заразени лица во Италија скокнал на 518 во однос на 177 претходниот ден, соопшти Агенцијата за цивилна заштита.

Со тоа, бројот на заразени со коронавирусот се искачи на 234.531, а вкупниот број на починати засега изнесува 33.774 лица.

Од новозаразените, 402 се од северниот регион Ломбардија, кој е најтешко погоден од епидемијата.

Претходно денеска, шефот на италијанската дипломатија Луиџи ди Мајо, најави дека ниту после 15 јуни Италија нема да дозволи странците од земјите што не се членки на ЕУ да влезат во земјата.

Тој посочи дека, истовремено, Италија се залага слободата на патување во Европа да почне од 15 јуни.

Министерката за образование во Мадагаскар е разрешена од функцијата, откако за учениците нарачала лижавчиња во вредност од два милиони долари.

Министерката Ријасо Андријаманана претходно кажа дека на секој ученик ќе му бидат дадени три лижавчиња за да го покријат горчливиот вкус на чајот од пелин, за кој претседателот на оваа земја тврди дека е лек против коронавирусот.

Претседателот, Андри Рахоелина, го промовира чајот од пелин како лек против Kовид-19

Неколку африкански земји продолжуваат да ја увезуваат подготовката наречена Covid-Organics, верувајќи дека тоа ќе помогне во борбата против коронавирусот, но од СЗО велат дека сè уште нема лек.

Националната медицинска академија на Мадагаскар исто така се сомнева во ефикасноста на лекот заснован на пелин и дури додаваат дека тоа може да му наштети на здравјето.

Претседателот ги отфрла критиките

Претседателот ги отфрла критиките и вели дека тоа е став на Западот кон Африка.

„Ако некоја европска земја открила лек за коронавирус, дали би било сомнително?“ Не верувам во тоа “, рече тој.

Мадагаскар има околу 1.000 случаи на коронавирус и седум смртни случаи.