Свет
Михаел Шумахер не се враќа во Формула 1!
Седумкратниот шампион во Формула 1 и возач на „ферари“ Михаел Шумахер нема да се врати на трките во „најбрзиот циркус“ поради повредата на вратот што
Седумкратниот шампион во Формула 1 и возач на „ферари“ Михаел Шумахер нема да се врати на трките во „најбрзиот циркус“ поради повредата на вратот што ја задоби при пад од мотор.
Ова, на својата официјална веб страна, синоќа го најавил Шумахер, соопштувајќи му ја својата одлука на претседателот на Ферари Лука ди Монтеземола.
Шумахер во изјавата истакнува дека „последиците од повредите предизвикани во несреќата минатиот февруари – фрактурите во пределот на главата и вратот – се покажале како претешки“.
Четириесетгодишниот Германец тврди дека тоа посебно се однесува на болките во вратот, кој не е во состојба да ги издржи напорите и стресните ситуации што ги предизвикуваат трките во Ф1.
По несреќата на квалификациите за Големата награда на Унгарија, возачот на ферари Фелипе Маса беше хоспитализиран, поради што тимот од Маранело мораше да бара замена.
Гласините дека Шумахер би можел да го замени Маса за кратко време ја возбудија автомобилската спортска јавност, а Германецот веќе започна да го тестира стариот болид на ферари.
Но, сепак, се чини дека тест возачот на Ферари Лука Бадоер ќе му се придружи на Кими Раиконен. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.