Свет
Шпанија го презема претседавањето со ЕУ

Шпанија со новата година го презема претседавањето со Европската унија, кое се смета за преодно, бидејќи е прво по стапувањето во сила на Лисабонскиот договор, кој донесува значителни промени во функционирањето на унијата.
Шпанија со новата година го презема претседавањето со Европската унија, кое се смета за преодно, бидејќи е прво по стапувањето во сила на Лисабонскиот договор, кој донесува значителни промени во функционирањето на унијата.
Високо меѓу приоритетните задачи на своето претседавање, Шпанија го постави проширувањето, при што очекува и напредок во решавањето на спорот за името меѓу Македонија и Грција, но нема намера да се вмеша во процесот на решавање на спорот што се води во Обединетите нации.
Во рамките на проширувањето Мадрид очекува завршување на претпристапните преговори со Хрватска, продолжување на преговорите со Турција, како и почеток на преговорите со Исланд, а ќе се посвети и на неодамна поднесената апликација за членство на Србија во Европската унија.
Шпанија е една од петте држави членки на ЕУ, која не ја признава независноста на Косово, но прашањата во врска со Косово ќе ги решава неутрално и апсолутно конструктивно.
Шефот на шпанската дипломатија Мигел Анхел Моратинос најави дека на меѓународната конференција за Западен Балкан ќе покани и претставници на Косово.
Клучни приоритети на Шпанија за време на шестмесечното претседавање ќе бидат имплементација на Лисабонскиот договор, како и закрепнување на европската економија по финансиската криза.
Додека досегашното претседавање на Шведска беше историско поради имплементацијата на Лисабонскиот договор и беше последно, по стариот систем, претседавањето на Шпанија е исто така историско, како прво според новите правила.
Лисабонскиот договор ја воведе функцијата на првиот постојан претседател на ЕУ, на која е именуван Херман Ван Ромпуј, како и нов висок преставник за надворешни работи, која ќе ја врши Кетрин Ештон.
Тие ги преземаат функциите во петок но не се очекува улогата на претседателот и шефот на дипломатијата на ЕУ да целосно да се формираат во наредните шест месеци и затоа шпанското претседателство, во соработка со Ромпуј и Ештон ќе ги подготви сите клучни настани во наредните шест месеци.
За време на шпанското претседавање треба да започне со работа и Европската комисија во нов состав. Доколку нема проблеми, комисијата ќе стартува во февруари. /крај/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украина и Русија разменија заробеници

Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.