Закон, со кој им се забранува на жените од исламска вероисповест да ставаат фереџе на лицето, би требало да влезе во парламентарна процедура во Франција.

Закон, со кој им се забранува на жените од исламска вероисповест да ставаат фереџе на лицето, би требало да влезе во парламентарна процедура во Франција. Како што пренесува Би-Би-Си, скора расправа за предлог законот најави и Жан Франсоа Копе, шеф на пратеничката група на владејачката партија, Унијата на народното движење. Со предлогот се предвидува казна од 750 евра за секој што на улица или на друго јавно место ќе се појави со покриено или маскирано лице. Во текстот на законот ќе бидат внесени и исклучоци, како луѓето што се маскираат за карневали и маскембали. Најавата за скоро воведување на законот е спротивна на желбата на претседателот Никола Саркози, кој се обидува да го ублажи јакнењето на антиисламското расположение во земјата. Копе му пркоси на Саркози и изјавува дека забраната на фереџињата е неопходна за да се спречи јакнењето на исламскиот екстремизам во Франција и да се заштитат правата на жените. Критичарите на предложениот закон сметаат дека доколку биде усвоен, овој закон дополнително ќе ја отуѓи големата исламска заедница во Франција. /крај/фо/ст