Франција ја осуди изјавата на турскиот претседател, Реџеп Таип Ердоган, кој претходно денеска го доведе во прашање „менталното здравје“ на неговиот француски колега, Емануел Макрон.

Како што пренесе „Ројтерс“, Франција најавила дека ќе го повлече својот амбасадор од Турција поради изјавата на Ердоган.

„Зборовите на претседателот Ердоган се неприфатливи. Навредите и грубоста не се начин. Бараме Ердоган да ја смени својата политичка насока, бидејќи неговата политика е опасна во секоја смисла. Не влегуваме во непотребна полемика и не прифаќаме навреди“, се наведува во соопштението на Елисејската палата.

Претходно денес, Ердоган ги критикуваше ставовите на неговиот француски колега Макрон кон муслиманите, повикувајќи го „да го провери неговото ментално здравје“.

Во контејнер во Парагвај кој стигнал од Србија биле пронајдени  седум тела во распаѓање, соопштија властите во Парагвај.

Контејнерот пред три месеци од Србија бил пренесен во Парагвај преку Аргентина.

Засега потврден е идентитетот на четири лица. Станува збор за тројца млади момчиња со мароканско потекло и еден со египетско.

Според податоците на локалните власти, тие тргнале од Србија во Хрватска, каде мигрантите, како што се претпоставува, веројатно планирале да го продолжат патот. Потоа стигнале до Парагвај преку Египет, Шпанија и Аргентина, откако минале скоро 20.000 километри, а со себе имaле хрaнa и водa сaмо за 72 чaсa.

Кандидатот на демократите на претседателските избори во САД, Џо Бајден, потрошил повеќе пари за рекламирање на телевизија и дигитални платформи отколку кој било кандидат во историјата.

Една недела пред изборите, сметката за рекламирање на Бајден достигна 582 милиони долари, а последните десет дена од кампањата, неговиот изборен штаб резервираше простор на телевизиските мрежи во вредност од уште 57 милиони долари.

Неговиот противник, американскиот претседател Доналд Трамп потрошил 342 милиони долари за рекламирање во последните две години, но издвоил уште 50 милиони долари за „спринтот“ пред изборите.

Трамп потроши 14 милиони долари за рекламирање на Фејсбук во последната недела, во споредба со 12,7 долари издвоени од седиштето на неговиот ривал.

Двете кампањи, вклучително и групите што ги поддржуваат, се очекува да чинат вкупно 11 милијарди долари или скоро 50 проценти повеќе отколку на изборите пред четири години.