Индија оваа година ја престигна Кина и стана најголем светски производител и извозник на ориз, но зад овој успех се крие сериозна криза со водните ресурси, пишува „Ројтерс“. Производството на ориз, кој е исклучително водоинтензивна култура, доведува до забрзано исцрпување на подземните води, особено во сојузните држави Харјана и Пенџаб.

Фармерите се принудени да копаат сè подлабоки бунари, што значително ги зголемува трошоците и задолжувањето. Државните субвенции за ориз и евтина електрична енергија дополнително го поттикнуваат прекумерното црпење вода и ги обесхрабруваат земјоделците да преминат на култури што трошат помалку вода.

Според податоците, овие региони трошат меѓу 35 и 57 отсто повеќе подземни води отколку што природно се обновуваат, поради што властите вовеле ограничувања за нови бунари. Индија учествува со околу 40 отсто во светскиот извоз на ориз, па евентуалните промени во производството би можеле да имаат и глобални последици.

Иако постојат обиди за промена на политиките и поттикнување на алтернативни култури, експертите предупредуваат дека без долгорочни реформи, сегашниот модел на производство е неодржлив.

Фото: pexels

Саудиска Арабија го бомбардираше јеменскиот пристанишен град Мукала поради, како што наведува, пратка оружје наменето за сепаратистичките сили, кое пристигнало во градот од Обединетите Арапски Емирати.

Нападот сигнализира нова ескалација на тензиите меѓу кралството и сепаратистичките сили на Јужниот преоден совет, поддржани од Емиратите. Односите меѓу Ријад и Абу Даби, кои ги поддржуваат спротивставените страни во децениската војна во Јемен, исто така се затегнуваат.

BREAKING

Saudi Arabia announces it has launched airstrikes against a boat that allegedly came from the UAE & dropped off weapons in the STC-controlled port of Mukalla in Yemen

The anti-Muslim Brotherhood STC forces recently took territory from the Muslim Brotherhood-linked PLC pic.twitter.com/dyamROY1nE

— Visegrád 24 (@visegrad24) December 30, 2025

Саудиската војска се огласи
Во соопштението од војската објавено од државната Саудиска новинска агенција се вели дека нападите следеле по пристигнувањето на бродовите од Фуџаира, пристанишен град на источниот брег на ОАЕ. „Екипажите на бродовите ги имале исклучени уредите за следење, а голема количина оружје и борбени возила биле истоварени од бродовите во поддршка на силите на Јужниот преоден совет“, се вели во соопштението.

„Со оглед на тоа што оружјето за кое станува збор претставува непосредна закана и ескалација што го загрозува мирот и стабилноста, воздухопловните сили на Коалицијата утрово спроведоа ограничен воздушен напад насочен кон оружје и воени возила истоварени од два брода во Мукала“, се додава во соопштението.

The Saudi-led Coalition to Support Legitimacy in Yemen has announced that it carried out “limited” airstrikes in the last few hours on the Port of Mukalla in Southern Yemen, targeting military equipment and vehicles for the Southern Transitional Council (STC) that has arrived via… pic.twitter.com/34wsv0PG0e

— OSINTdefender (@sentdefender) December 30, 2025

Не беше веднаш јасно дали имало жртви во нападот или дали во операцијата биле вклучени и други сили освен Саудијците. Саудиската војска соопшти дека нападот бил извршен преку ноќ за да се осигури дека „нема колатерална штета“.

Обединетите Арапски Емирати не одговорија веднаш на барањето за коментар од АП. Сателитскиот новински канал AIC, поврзан со Јужниот преоден совет, го потврди нападот, без да даде дополнителни детали.

За разлика од неограничената размена на лева за евра, плаќањата во обете валути, познати како период на двојна циркулација, се ограничени од 1 јануари до 31 јануари 2026 година.

Во текот на овој едномесечен период, левото и еврото ќе бидат во оптек истовремено, при што обете валути ќе имаат статус на законско средство за плаќање. Ова го објави Бугарската народна банка, пренесе бугарски „Фокус“.

После тоа, од 1 февруари 2026 година, еврото ќе остане единствена валута на Бугарија.

Луѓето ќе можат да продолжат да менуваат лева, доколку сè уште ги имаат, во БНБ, во комерцијални банки или во пошти (во населби каде што нема канцеларии на комерцијални банки).

Бугарија од 1 јануари влегува во еврозоната, и почнува да го користи еврото за плаќања во земјата.

Фото: pexels