Свет
Корените на тиранијата и диктатурата во Иран се уште постојат
Корените на тиранијата и диктатурата во Иран се уште постојат, изјави во вторник опозицискиот лидер Мир Хосеин Мустави, додавајќи дека ќе продолжи да се бори за правата на Иранците.
Корените на тиранијата и диктатурата во Иран се уште постојат, изјави во вторник опозицискиот лидер Мир Хосеин Мустави, додавајќи дека ќе продолжи да се бори за правата на Иранците.
Мусави оцени дека денес во Иран може да се препознаат темелите и елементите кои произведуваат диктатура, додавајќи дека Исламската револуција не ги постигнала своите цели за отстарнување на тоталитаризмот во земјата.
„Да ги замолчувате медиумите, да ги полните затворите и да убивате луѓе кои мирно бараат почитување на своите човекови права на улица, покажува дека корените на тиранијата и диктатурата од времето на шахот Реза Пахвали се уште постојат“ додаде Мусави, кој по поразот на претседателските избори стана водач на иранската опозиција.
„Поголемиот дел од жителите биле уверени дека револуцијата ќе ги потисне сите структури кои водат до тоталитаризам и диктатура“ продолжи Мусави.
„Бев меѓу таквите, но денес не го мислам тоа. Не верувам дека револуцијата ги достигна своите цели“ призна прв пат јавно Мусави, кој беше ирански премиер од 1981 до 1989 година.
Водачот на опозицијата во Иран најави дека тој и неговото зелено движење нема да се откажат од правото на мирни протести и борбата за човекови права во земјата.
Своите приврзаници ги повика на собир на 11 февруари, по повод 31 година од револуцијата. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.