Свет
Асад обвини дека џихадистите дошле до Палмира со поддршка на САД
Сирискиот претседател Башар ал-Асад смета дека џихадистите од ултрарадикалната сунитска организација Исламска држава, кои деновиве повторно продреа во градот Палмира од кој беа протерани пред повеќе од една година, можеле да се групираат на ова боиште не само од ирачкиот град Мосул кои бегаат пред офанзивата на ирачките сили врз ова нивно упориште, туку и од сириските градови Рака и Деир-ез-Зор, каде што коридори им направиле опозициските сунитски групации поддржувани од Западот.
„Невозможно е прашањето на Палмира да се поврзува само со Мосул, бидејќи Исламската држава ја има и на територијата на Сирија, на северот од земјата во Рака, каде што коалицијата предводена од САД наводно ги бомбардира нивните позиции веќе две години. Секако, тоа не е точно, борците на Исламската држава ги има и во Деир ез-Зор, каде што американските сили и нивната авијација во составот на меѓународната коалиција ги бомбардираа позициите на нашите сили, наместо да ги бомбардира позициите на Исламската држава“, вели сирискиот претседател Башар ал-Асад во интервјуто за телевизијата Россия-24.
Кон средината на септември Централната команда на Вооружените сили на САД (CENTKOM) објави дека нападите на авијацијата на коалицијата предводена од САД во Деир-ез-Зор во кој беа убиени 80 сириски владини војници, биле изведени со верување дека се напаѓа џихадистичката Исламска држава а не позиции на сириската армија, додека Пентагон соопшти дека нападот бил преземен врз основа на податоци од американското разузнавање.
Сириската армија соопшти дека во време на нападот врз аеродромот крај Деир-ез-Зор нејзините единици биле во опсада на џихадистите на Исламската држава, кои по воздушните удари од коалицијата предводена од САД веднаш преминале во офанзива, сметајќи го тоа за доказ дека коалицијата ја помага оваа терористичка групација.
Еден месец подоцна сириската армија соопшти дека САД и Саудиска Арабија осигуриле безбеден коридор за извлекување на борците на Исламска држава од Мосул, каде што ирачките сили покренаа офанзива за преземање на контролата врз овој северен град од џихадистите, и за нивно префрлување во соседната Сирија.
Сирискиот претседател Асад во продолжение на интервјуто за руската телевизија од средата вели дека во џихадистичкиот напад што започна кон крајот на минатата седмица во Палмира учествуваат голем број борци со квалитетно ново оружје. Тоа, според него, сведочи дека тие добиваат поддршка. Доколку милитантите пристигнале од Мосул, не е јасно од каде екстремистите располагаат со видови оружје какво што претходно не поседувале, прашува сирискиот челник.
Покрај тоа, Асад обраќа внимание на неактивноста на американските воздухопловни сили коишто би можеле да го сопрат движењето на борците на Исламската држава кон Палмира.
„Вистината се состои во тоа дека поголемиот дел од овие терористи дојдоа од Рака и Деир-ез-Зор, или со директна поддршка на Американците или, пак, во најдобар случај Американците ги затвориле очите и им овозможиле на Турција, Катар и Саудиска Арабија да ја завршат оваа мисија преку поддршка и спонзорирање на Исламската држава, и тоа е она што навистина денеска се случува во Палмира“, истакнува сирискиот претседател Башар ал-Асад.
Во неделата борците на Исламската држава по дводневна жестока офанзива повторно продреа во древниот град Палмира, во сириската покраина Холмс. Тие повторно освен современиот град го заземаа и древното археолошко наоѓалиште кое е на списокот на историското и културно наследство на човештвото на УНЕСКО.
Според информациите на светските агенции, во нападот врз Палмира учествувале повеќе од пет илјади џихадисти, а продорот во градот го овозможиле стотина бомбаши самоубијци со автомобили бомби, а покрај тоа користеле и оклопни возила./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп испрати 200 војници од Националната гарда на Тексас во Илиноис
Двесте припадници на Националната гарда на Тексас пристигнаа во Илиноис, изјави официјален претставник на Пентагон, пред планираното распоредување во Чикаго, на кое остро се спротивставуваат локалните демократски претставници.
Американскиот претседател Доналд Трамп веќе испрати војници на улиците на Лос Анџелес и Вашингтон и им нареди да одат во Мемфис, како и во Чикаго и Портланд, заканувајќи се дека ќе ги искористи вонредните овластувања за да го овозможи тоа доколку судовите го блокираат.
🚨 HAPPENING NOW: Heavy military presence outside the Broadview ICE facility in Illinois.
Snipers can be seen on top of armored vehicles. Protesters are also being arrested.This is insane. This is not America anymore. pic.twitter.com/PvakidqfbI
— Ron Smith (@Ronxyz00) October 3, 2025
Трамп, кој минатата недела предложи американските градови да се користат како „полигони за обука“ за американските воени сили, го преувеличува обемот на немирите во Лос Анџелес и криминалот во Вашингтон за да ги оправда распоредувањата, а судијата кој пресуди по тужбата на локалната самоуправа да ги испрати во Портланд, сугерираше дека Трамп го сторил истото и во случајот со тој град.
Војниците од Тексас беа испратени во Илиноис како дел од мисијата за заштита на „федералните објекти, персонал и средства“, изјави официјален претставник на Пентагон под услов да остане анонимен, додавајќи дека гардистите биле мобилизирани за почетен период од 60 дена.
JUST IN: Texas National Guard troops arrive at the Army Reserve Training Center in Elwood, Illinois. pic.twitter.com/QC8WLcXFvX
— Fox News (@FoxNews) October 7, 2025
Војниците биле видени во вторник во воена база во Елвуд, југозападно од Чикаго.
Планираното распоредување на силите го налути демократскиот гувернер Џ. Б. Прицкер, кој рече дека тие „треба да останат надвор од Илиноис“ и дека секое распоредување против желбите на службениците на Илиноис би претставувало „инвазија“.
фото: принтскрин
Свет
Белгија размислува за испраќање затвореници на Балканот поради пренатрупаност на затворите
Белгиската влада ја разгледува можноста за изградба или издавање под наем на затвор во странство, евентуално на Косово или во Албанија, со цел да се реши проблемот со пренатрупаноста во локалните затвори, според „Brassels Times“.
Министерката за правда Анелиз Верлинден и министерката за миграција Анелин ван Босајт започнаа тридневна мисија на Косовои и во Албанија за да ја проценат политичката подготвеност за прием на белгиски затвореници и зајакнување на соработката во борбата против организираниот криминал, пишува бриселскиот весник.
За време на посетата на Балканот, се очекува да се потпише декларација за намера за споделување на конфискуван имот стекнат преку криминални активности, вклучително и средства запленети како дел од истрагата за шифрирана комуникација „SKY ECC“, според текстот на белгискиот весник.
Белгискиот затворски систем моментално има повеќе од 13.000 затвореници, додека капацитетот е околу 11.000 места, а околу една третина од затворската популација ја сочинуваат странци без дозвола за престој, што е околу 4.400 лица.
Белгиската влада смета дека преместувањето на дел од затворениците во странство би можело да го намали притисокот врз затворскиот систем.
Планот е базиран на данскиот модел од 2021 година, според кој Данска изнајмува затворски објекти во Косово, но белгиските власти признаваат дека сличен проект би барал неколкугодишна подготовка и значителни финансиски средства, објаснува весникот, пренесува Танјуг.
Според студијата на белгискиот комесар за бегалци, Косово и Албанија се единствените територии надвор од ЕУ кои, како што се тврди, „ги исполнуваат условите за евентуално воспоставување затворски капацитети – почитување на владеењето на правото и човековите права“.
Иако белгиската влада тврди дека трансферот на странски затвореници би придонел за олеснување на системот, анализите покажуваат дека таквата мерка би можела да опфати максимум околу два проценти од вкупната затворска популација, заклучува „Брасселс тајмс“ и додава дека, засега, мисијата на министерот има исклучиво истражен карактер.
Фото: принтскрин
Свет
Фон дер Лајен: ЕУ мора да одговори на хибридната војна
Претседателката на Европската комисија, Урсула фон дер Лајен, предупреди во Европскиот парламент дека Европа мора да одговори на хибридните закани, вклучувајќи ги неодамнешните инциденти со беспилотни летала и повреди на воздушниот простор, со мерки што одат подалеку од традиционалната одбрана.
„Ова не е случајно вознемирување. Тоа е кохерентна и ескалирачка кампања насочена кон вознемирување на нашите граѓани, тестирање на нашата решителност, поделба на Унијата и ослабување на поддршката за Украина. Време е да ја наречеме со нејзиното вистинско име: хибридна војна“, рече Фон дер Лајен во Европскиот парламент во Стразбур.
Таа не ја обвини директно Русија за сите инциденти, но нагласи дека целта на Москва може да биде да „сее поделби“ во Европа.
Фон дер Лајен рече дека на руските закани треба да се спротивстави со единство, одвраќање и решителност.
Фото: принтскрин
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
(Видео) Нападнат автомобилот во кој се наоѓал претседателот на Еквадор, луѓе фрлаа камења, најдени траги од куршуми
Автомобилот на еквадорскиот претседател Даниел Нобоа бил опкружен од околу 500 луѓе кога тој пристигнал на настан во покраината Канар,...
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и...
Мелони: Пријавена сум во Меѓународниот кривичен суд за соучество во геноцид
Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество...
Нетанјаху: Ќе продолжиме да ги постигнуваме сите воени цели, Газа повеќе нема да биде закана
Израелскиот премиер Бенјамин Нетанјаху вчера вечер им вети на Израелците дека ќе ги постигне сите цели на војната против Хамас...
Путин: Се докажа дека бевме во право во февруари 2022 година
Желбата на луѓето од Донбас и Новорусија да ја поврзат својата иднина со Русија докажа дека одлуките донесени во февруари...
Тошковски: Нема да поднесам оставка
Министерот за внатрешни работи Панче Тошковски на неговиот „Фејсбук“ профил реагира соопштението на СДСМ во кое се бара негова оставка....
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
Претреси во домови за стари лица во Скопје под сомненија за нехуман третман: две лица уапсени
По добиени сознанија за можен нехуман третман на стари лица – корисници на услуги за вон-семејна заштита, Основното јавно обвинителство...
Татко ги допирал по телата неговите 16-годишни ќерки во Кавадарци
ОВР Кавадарци поднесе кривична пријава против Д.Г.(40) од Кавадарци. Тој, како што соопшти полицијата, се сомничи за сторено кривично дело...
Од наредната година, првиот извод на бебето родителите ќе го добиваат во болница
Од наредната година, првиот извод на бебето родителите ќе го добиваат во болница, најавија Владата и Министерството за дигитална трансформација....
Македонија од денес и официјално дел од СЕПА: полесни и побрзи плаќања во евра
Министерството за европски прашања информира дека од денес, 7 октомври 2025 година, Република Северна Македонија официјално започнува со примена на...
Две Италијанки уапсени на Табановце, кај нив се пронајдени семки од канабис, ЛСД, кесичка со суви печурки
Вчера во 20:20 часот на Граничен премин Табановце, на влез во државата, полициски службеници ги лишија од слобода 33-годишните Џ.П....
Уапсен маж од скопско Мирковци, фатен како краде нафта од училиште
Вчера во 21:25 часот полициски службеници од СВР Скопје поради сомнение за сторено кривично дело согласно член 236 од Кривичниот...
