Хаштагот „алпски развод“ експлодираше во последните месеци на социјалните мрежи како Тикток и Инстаграм, каде што многу жени споделуваат трауматски, понекогаш и опасни по живот искуства.

Овој термин се користи за да се опише ситуација во текот на планинарење или некоја друга авантура во природа, кога едниот партнер, најчесто мажот го напушта другиот, кој обично е помалку искусен и поранлив, во оддалечена и потенцијално опасна средина, пишува Си-ен-ен.

Дебатата беше делумно поттикната од случај во Австрија претходно оваа година, кога еден планинар беше осуден за убиство од небрежност и доби условна казна откако ја остави својата девојка сама на Гросглокнер, највисоката планина во земјата, тврдејќи дека отишол да побара помош. Во меѓувреме, таа замрзнала.

Обвинителството го обвини мажот, идентификуван како Томас П., дека не се јавил кај спасувачите иако имал сигнал и дека навреме не испратил сигнал за помош.

Во текот на судењето, поранешната девојка сведочела дека ја оставил на истата планина во 2023 година затоа што ја сметал за премногу бавна, пренесува германски „Билд“.

Таа му рекла на судот дека имал навика да станува „намќорест“ кога таа имала тешкотии со планинарењето.

Во текот на судењето, жените ги споделиле своите лични искуства преку интернет.

„Гледна точка: одиш на планинарење во планините со него, но тој те остава сама и сфаќаш дека всушност, никогаш не те сакал“, напишала една жена во видеото на Тикток на кое покажува како оди сама по планинска патека и кое има речиси пет милиони прегледи.

Во објавата на социјалната мрежа Икс, друга жена споделила видео на кое оди сама во дивината, коментирајќи:„Ова е видео од мене како планинарам во шкотските висорамнини и се обидувам да го искористам максимумот од патувањето додека момчето со кое бев во некаква врска е километри пред мене“.

Видеото има 1,9 милиони прегледи.

Терминот „алпски развод“ доаѓа од кратката приказна од шкотско-канадскиот писател Роберт Бар од 1893 година за маж кој планира да ја убие својата сопруга во швајцарските Алпи. Тоа не е ниту правно ниту официјално признат термин. Сепак, психологот за однесување и советничка за врски, Џо Хемингс, за Си-ен-ен рекла дека моделите на однесување што стојат зад тоа се препознатливи.

„Веројатно им недостасува емпатија и сочувство и избегнуваат конфликти – тие претпочитаат да се повлечат. Често го гледам ова однесување во советувањето – партнер, обично маж со жена како партнерка, се повлекува кога се соочува со прашања или дури и ја напушта собата или се откажува од терапијата“, рекла таа.

Иако „алпскиот развод“ можеби не е честа појава, Хемингс верува дека на многу жени основниот концепт ќе им биде познт.

„Не поради планинската средина, туку затоа што емоционалното повлекување или дури и напуштањето во врската е релативно честа појава“.

Планинското опкружување, меѓутоа, додава дополнителна димензија на овој образец на однесување, што го прави потенцијално опасен. Ваквите активности веднаш создаваат хиерархија – кој води, кој се движи и кој го одредува темпото.

„Одењето напред и одбивањето да се прилагодите може да биде суптилен начин за покажување авторитет или контрола“, рекла Хемингс.

По вооружениот инцидент на вечерата со дописниците во Вашингтон, на која присуствуваа претседателот Доналд Трамп и првата дама Меланија, светските лидери го осудија нападот.

Претседателката на Европска комисија, Урсула фон дер Лајен изјави дека насилството нема место во политиката и им се заблагодари на полицијата и специјалните сили за нивниот брз одговор.

И германскиот канцелар Фридрих Мерц наведе дека „насилството нема место во една демократија“.

– Ние носиме одлуки со мнозинство гласови, а не со оружје. Го осудувам обидот за напад во Вашингтон и ми е мило што претседателот Трамп, првата дама Меланија Трамп и сите присутни се безбедни, додаде Мерц.

Додека претседателот на Франција; Емануел Макрон инцидентот го оцени како „неприфатлив“.

– Синоќешниот вооружен напад врз претседателот на САД е неприфатлив. Насилството никогаш нема место во демократијата. Изразувам целосна поддршка за Доналд Трамп, објави Макрон на Икс.

И премиерите на Индија и на Пакистан го осудија синоќешниот инцидент во хотелот Хилтон во Вашингтон.

Нарендра Моди на Икс објави дека им испраќа „најдобри желби за нивна безбедност и добро здравје“ на Трамп, Меланија и американскиот заменик-претседател Џеј Ди Венс, при тоа истакнувајќи оти „насилството нема место во демократијата и мора безусловно да се осуди“.

Шехбаз Шариф на Икс истакна дека е шокиран од пукањето во Вашингтон.

– Моите мисли и молитви се со нив и им посакувам безбедност и добро здравје, посочи Шариф на Икс.

Додека премиерот на Израел, Бенјамин Нетанјаху изјави дека е шокиран од обидот за атентат врз Трамп.

Тој изрази задоволство дека претседателот и првата дама не се повредени и ги пофали агентите на Тајната служба за „брзата и одлучна“ акција.

Агент на Тајната служба бил застрелан откако вооружен човек отворил оган врз безбедносниот персонал во пукањето на традиционалната вечера на Здружението на дописници од Белата куќа.

Според информациите објавени од странските медиуми, напаѓачот пукал во еден агент на Тајната служба, но тој преживеал благодарение на неговиот панцир. Трамп подоцна рекол дека агентот е „во добра состојба“.

Осомничениот, кого претседателот го опиша како „болно лице“, бил уапсен кратко време по инцидентот. Според првите проценки, станува збор за напаѓач кој дејствувал самостојно.

🚨New footage shows chaotic scenes following the shooting at the White House Correspondents’ Association Dinner in Washington, D.C.; the suspect is dead.pic.twitter.com/eWOva9dAYc

— The Middle East (@A_M_R_M1) April 26, 2026

„Мажот се упатил кон безбедносен контролен пункт вооружен со повеќе оружја и бил неутрализиран благодарение на храбриот одговор на агентите на Тајната служба“, рекол Трамп на прес-конференција.

Снимките од надзорните камери, кои Трамп ги објави на социјалните мрежи, покажаа лице како брза кон контролниот пункт, накратко изненадувајќи го обезбедувањето пред да реагира.

Во времето на пукањето, во салата имало околу 2.600 гости. Многумина барале засолниште, додека келнерите избегале од салата. Обезбедувањето ги совладало високите функционери, вклучувајќи го државниот секретар Марко Рубио, министерот за здравство Роберт Ф. Кенеди Џуниор и министерот за внатрешни работи Даг Бургум.

It seems shooter confirmed dead.

But @realDonaldTrump says “ Man charged security check point armed with multiple weapons.

One officer was shot but saved by bullet proof vest.#WashingtonShooting #DonaldTrump #TrumpEvacuated pic.twitter.com/m6E2IwR7xy

— Warrior YSRCP (@Vamsee007) April 26, 2026

Други членови на безбедносните сили во борбена опрема упаднале на сцената и ги евакуирале претседателот и неговата сопруга, додека некои зазеле позиции и го насочиле оружјето кон салата. Членовите на владата потоа биле евакуирани еден по еден.

Инцидентот се случил во хотелот „Вашингтон Хилтон“, каде што традиционално се одржува овој престижен настан што ја собира политичката и медиумската елита.
По пукањето, вечерата беше откажана. Трамп посочил дека настанот може да се одложи за 30 дена.
Интересно е што истата локација во Вашингтон беше местото на обидот за атентат врз претседателот Роналд Реган во 1981 година, кога тој беше ранет пред хотелот.