Контакт

Европа

Жестока дебата меѓу Руте и Вилдерс за иднината на Холандија

Објавено пред

Телевизиското соочување на холандскиот премиер на заминување Марк Руте и неговиот најголем ривал Геерт Вилдерс, кој е јасен противник на домашниот естаблишмент, заврши во понеделникот вечерта со жестока кавга за иднината на земјата, по кампањата којашто беше засенета со дипломатската криза со Турција.

Телевизискиот дуел се водеше по викендот во кој избувна тешката дипломатска криза меѓу Холандија и Турција, во врска со одлуката на холандските власти на турските министри да им забранат влез на холандска територија и да присуствуваат на собирите за турскиот референдум на 16-ти април на кој Турците ќе се изјаснат дали ги поддржуваат уставните промени со кои ќе се прошират овластувањата на шефот на државата.

Во Холандија живеат околу 500.000 турски имигранти и нивните деца, а повеќето имаат двојно државјанство и можат да гласаат во двете земји.

„Сакам Холандија да биде првата земја којашто ќе го заузди лошиот популизам“, рече Марк Руте, зборувајќи за референдумот од ланскиот јуни на кој беше изгласано излегувањето на Велика Британија од Европската унија, како и за ноемвриските претседателски избори во САД, на коишто изненадувачки победи републиканскиот кандидат Доналд Трамп пред демократската кандидатка Хилари Клинтон којашто ја имаше поддршката и од американскиот и од европскиот политички и јавен естаблишмент.

Иако оваа пресудна дебата би требало да влијае врз 60 отсто од сé уште неодредените холандски гласачи, холандските избори се сметаат за барометар за подемот на крајната десница во земјите од Европската унија во годинава кога се одржуваат избори ширум континентот.

„Можеме да кажеме дека овие избори се четвртфинале во обидот за спречување на победата на лошиот популизам. Полуфиналето е во Франција во април и во мај, а завршницата во септември во Германија“, рече Руте.

„Меѓутоа, јас не играм во четврфиналето…., јас играм во завршницата, во завршницата против лажговците, против законодавците“, возврати Геерт Вилдерс.

Притоа Вилдерс вети дека, доколку стане премиер, ќе ги затвори границите за муслиманските имигранти, ќе ја забрани продажбата на Куранот и ќе ги затвори џамиите. Во Холандија, инаку, само 5 отсто од населението се изјаснува како муслимани според вероисповедта.

„Доколку саката парите да одат на барателите на азил, во Брисел и во Африка, а не вам, тогаш гласајте за WD (на Марк Руте). Доколку, пак, сакате Холандија повторно да биде наша, отстрането овој човек и поставете ме мене“ во премиерскиот кабинет“, рече Вилдерс алудирајќи на Руте.

Претходно во понеделникот премиерот Руте го критикуваше својот противник дека ја турнал земјата во „политичка криза“, префрлувајќи му дека се „радикализирал“ и забележувајќи му поради „екстремистичките изјави“ за холандско-мароканските државјани.

„Никогаш нема да соработувам со таква партија, господин Вилдерс, не во владата“, изјави Руте првпат во присуство на Вилдерс.

Руте се заложи претходно за „решавање“ на кризата со Анкара, додека Вилдерс на Twitter побара холандската влада да го засили притисокот порачувајќи: „Протерајте го турскиот амбасадор во Холандија и целото друштво“.

„Не е исто да се објавуваат пораки на Twitter од креветот и да се управува со земјата. Ако ја водиш земјата, мораш да носиш разумни одлуки“, истакна Руте.

Последната анкета на влијателниот портал Peilingwijzer објавена во неделата покажува дека Либералната партија (VVD) на Руте би можела да добие 23 до 27 места во долниот дом на парламентот, што е далеку од 40 мандати коишто во моментов ги има.

Партијата на слободата (PVV) на Вилдерс, која е евроскептична и антиисламска, последните седмици доживеа пад во рејтингот, и од водечка, сега може да смета на 19 до 23 мандати, според резултатите од истата анкета./крај/мф/сн

Европа

Германците загрижени поради коронавирусот: Поопасно е отколку што мислевме

Објавено пред

Премиерот на германската покраина Баварија, Маркус Седер изјави дека коронавирусот од ден на ден станува се поопасен.

На прес-конференцијата по сесијата на провинциската влада во Нирнберг, Седер рече дека коронавирусот не оди на годишен одмор, и дека пандемијата е процес на мутирање, па време е мерките да се прилагодат на тоа.

„Коронавирусот е многу поопасен отколку што мислевме досега“, истакна Седер, додавајќи дека е важно да се подигне свеста за тоа во наредните недели.

Тој се осврна пред се на повратниците од одморот, велејќи дека се надева оти одлуката за задолжителното тестирање е донесена навреме.

Проширувањето на списокот на ризични земји мора да биде подинамично отколку што беше во минатото“, рече баварскиот премиер.

Што се однесува до училиштето, тој вели дека доколку има случај на инфекција, тие веднаш ќе бидат затворени.

„Одлучувачки период се првите две недели. Ќе имаме обврска да носиме маски до училниците“, истакна Седер.

Тој посочи дека во наредните недели ќе се одлучи дали маската ќе биде задолжителна и за време на часовите.

Тој се осврна и на фудбалските натпревари, велејќи дека е скептичен во врска со полните стадиони.

„Не можам да замислам вакво нешто во моментов“, рече Седер, критикувајќи го одобрувањето на концертот во Дизелдорф, на кој се планира да присуствуваат 13.000 луѓе.

„Вистинска опасност, сепак, е безгрижноста на приватните собири“, додаде Седер.

Тој рече дека сега е време земјата да се подготви за повратниците од одморите и училиштата што треба да започнат со часови.

Прикажи повеќе...

Европа

(Видео) Противниците на Лукашенко гневни: Објавена снимка од неверојатна изборна измама во Белорусија

Објавено пред

Откако претседателот на Белорусија, Александар Лукашенко, освои убедливо мнозинство од 80,23 проценти од гласовите, наспроти популарната опонентка Светлана Тихановскаја, која освои 9,9 проценти, во земјата започнаа немири, со обвинувања за наместено гласање.

Постојат неколку наводи за тоа, како на пример дека избирачки места биле затворани пред гласачите да пристигнат да гласаат, дека некои избирачи гласале пред официјалното отворање или дека немало гласачки ливчиња затоа што на одредени места веќе гласале сите регистрирани избирачи.

Во контекст на ваквите обвинувања, се појави видео од избирачко место на кое се гледа член на изборниот штаб кој се спушта по скала од прозорец на вториот кат со торба за која се верува дека содржи гласачки ливчиња.

Во описот на видеото се вели: „Гласачко место 17 од округот Минск. Поради некоја причина, членовите на комисијата слегуваат по скала од прозорецот од вториот кат со пакети кои содржат нешто налик на кутии. Или документи. И сето тоа се следи под будното око на полицијата“.

Полициски сили, а понекогаш и полициски комбиња, контролираа бројни избирачки места во земјата.

Независните анкети покажуваат дека Тихановскаја добила 71 процент од гласовите, додека Лукашенко добил само 10 проценти. Во овој момент, ниту еден од податоците на опонентите не може да биде потврден од релевантна независна страна.

Прикажи повеќе...

Европа

„Антифа“ подготвува насилни напади врз германската полиција и политичките противници

Објавено пред

Германските безбедносни власти тврдат дека припадниците на екстремно левичарското движење „Антифа“ подготвуваат напади врз полицајци и политички противници, вклучително и потенцијални атентати, пренесува германски „Фокус“.

Движењето „Антифа“ во Германија и нејзините 50 придружни групи во целата земја стануваат сè понасилни, се вели во извештајот на Федералната канцеларија за криминалистичка полиција и Федералната канцеларија за заштита на Уставот. За нив исто така се верува дека планираат напади.

Властите се загрижени и поради обвиненијата дека некои германски припадници на „Антифа“ отпатувале во Северна Сирија за да спроведат борбена обука за левичарската курдска милиција.

„Брејтбарт Лондон“ претходно објави за врските на „Антифа“ со Курдската работничка партија (ПКК) во Германија. Во 2018 година екстремистите на „Антифа“ признаа дека пукале кон една турска џамија во Касел поврзана со крајнодесничарската Турски сиви волци, непријател на ПКК.

Претходно годинава, уставната судијка Корнелија Гантен-Ланге од Хамбург беше поврзана и со „Антифа“ и со ПКК по одржувањто предавања во „Роте Флора“ на „Антифа“ за претставниците на ПКК.

Во јуни во Австрија припадниците на „Сивите волци“ се судрија со „Антифа“ и со припадниците на ПКК во Виена, во областа Фаворитен, претежно населена со мигранти.

„Овие конфликти се увезени од Турција. Ако сакате улични борби, одете во Турција, но нема место за тоа во Австрија “, рече австрискиот канцелар, Себастијан Курц.

Според берлинската Агенција за заштита на Уставот, „Антифа“ стои зад десетици напади во германската престолнина – од напади со боја врз згради до подметнување пожари. Тие првенствено биле насочени кон десничарски политичари и новинари.

Минатата година „Антифа“ објави т.н. водич за атентати на веб-платформата „Индимедија“, која честопати се користи од милитантите за да преземат одговорност за разни напади, вклучувајќи го и обидот за убиство на пратеникот на Алтернатива за Германија, Франк Магниц.

Прикажи повеќе...

Најново

Македонија1 час

„Повторно ќе го живеам животот со полни гради“, вели Иван на кој му беше трансплантирано срце

Насмеан и полн со енергија, утрово Иван беше на контрола на Клиниката за државна кардиохирургија. Тој е првиот пациент во земјава...

Македонија1 час

Состанокот за протоколите за училиштата ќе продолжи утре

Утре ќе продолжи состанокот на Комисијата за заразни болести со претставници на Министерството за образование и наука, на кој се...

Македонија3 часа

Министерот Нухиу го потпиша актот за двојазични натписи на полициските униформи

Држејќи двојазична плакета, министерот за внатрешни работи, Агим Нухиу, соопшти дека ги потпишал актите, со кои полициските униформи ќе добијат...

Свет5 часа

(Видео) Насилни протести во Белорусија, полицијата уби најмалку еден човек

Најмалку еден човек е убиен, а десетици се повредени за време на антивладините протести во Белорусија. Како што пренесуваат светските...

Македонија5 часа

Министерот Адеми се излекува од коронавирусот

Министерот за образование, Арбер Адеми, соопшти дека се излекувал од Ковид-19. „Конечно заврши предизвикот со Ковид-19! По две негативни последователни...

Свет5 часа

Младите во светот со неодговорното однесување го шират коронавирусот

Здравствените власти што се борат со пандемијата на коронавирусот се соочени со нов проблем – однесувањето на младите, кои ги...

Регион6 часа

Пет лица загинаа во поплавите на грчкиот остров Евија, меѓу нив и бебе

Пет лица, меѓу кои и бебе, загинаа, а уште едно исчезна во неделата кога поројни дождови и поплави го погодија...

Македонија7 часа

Само во Пехчево нема ниту еден заразен од коронавирус

Пехчево е единствениот град во Македонија, во кој во моментот нема ниту еден активен случај со коронавирус. Во Пехчево, досега...

Свет17 часа

Европска комесарка: Вакцината против Ковид-19 може да биде достапна до крајот на годинава

Европската комесарка за здравство, Стела Киријакидес, рече дека вакцината против Ковид-19 може да биде достапна до крајот на оваа година....

Македонија18 часа

Директорката на санитарниот и здравствен инспекторат во самоизолација, имала контакт со заболено лице

Директорката на Државниот санитарен и здравствен инспекторат, Ирина Сотирова – Бухова, ќе помине 14 дена во самоизолација затоа што имала...

Македонија19 часа

Македонија на второ место по стапката на смртност од Ковид-19 во регионот

Во регионот, најголема стапка на смртност од коронавирус е регистрирана во Словенија, а потоа следат Северна Македонија и Албанија, објави...

Регион21 час

Синот на убиената новинарка на Малта: Мајка ми го истражуваше и Ѓукановиќ

Синот на Дафне Каруанa Галиција рекол дека неговата мајка ја истражувала и врската на Мило Ѓукановиќ во случајот „Можура“. Синот...

Македонија22 часа

Четворица починати и 85 нови случаи на коронавирус во Македонија

Во последните 24 часа четири лица починаа од коронавирус, а потврдени се 85 нови случаи. Оздравеле 45 заболени, соопшти Министерството...

Свет22 часа

(Видео) На Трамп не му се допадна прашање од новинар и ја напушти прес-конференцијата

Американскиот претеседател, Доналд Трамп, ја напуштил вчерашната прес-конеференција откако новинарка го прашала за неговата изјава за здравствената заштита за ветераните,...

Регион1 ден

Силно невреме во Грција – тројца загинати, меѓу кои и бебе

Најмалку тројца луѓе, меѓу кои и бебе се најдени мртви во невремето кое го зафати грчкиот остров Евија во централна...

Македонија1 ден

(Видео) Се запалија неколку автомобили на паркинг во Ново Лисиче

Утрово во скопската населба Ново Лисиче, на паркинг гореа автомобили. Жителите од околните згради се собраа да го гаснат пожарот,...

Свет1 ден

Фаучи: Вакцината против коронавирус нема во целост да биде ефикасна

Главниот американски епидемиолог Ентони Фаучи оцени дека вакцината против коронавирус нема да биде целосно ефикасна. Како што пренесува „Скајњуз“, тој...

Македонија1 ден

Големи штети во Велес и околината по вчерашното невреме

Невремето синоќа предизвика големи штети во Велес и околината. Градоначалникот на Општина Велес, Аце Коцевски на Фејсбук објави фотографии, на...

Свет1 ден

Нов Зеланд одбележува 100 дена од победата над коронавирусот

Денеска Нов Зеланд одбележува 100 дена откако е сузбиено ширењето на коронавирусот, со што оваа земја стана светол пример во...

Свет1 ден

(Видео) Пожар изби во болница за пациенти со ковид-19 во Индија, најмалку седум загинати

Најмалку седум луѓе загинаа во пожар, кој зафати привремена болница за пациенти заразени со коронавирус во Вијајавади, во југоисточна Индија....

Досие