Европа
Институт: Лех Валенса соработувал со комунистичката тајна полиција на Полска

Поранешниот идеолог на полското синдикални движење Солидарност, Лех Валенса, на почетокот од 1970-те со комунистичката тајна полиција, потврдија во вторникот првите луѓе на полскиот Институт за национално паметење (INR), наведувајќи ги вештачењата на графолошки експерти.
И претходно имаше обвинувања на сега 73-годишниот Лех Валенка, коишто тој ги негира, вклучително и најновите докази на Институт за национално паметење (INR) кои се објавени во медиумите.
Во вторникот Валенса, кој замина на пат за Латинска Америка каде што ќе учествува на состанокот на Нобеловата награда во Богота, и лично не ги коментираше заклучоците на институтот. Но неговиот претставник за јавноста и адвокат, Јан Видацки, изјави за телевизијата Polsat News дека „случајот не е заклучен“, како и дека може да бара нова графолошка експертиза.
Помошникот на главниот државен обвинител на Полска, Анджеј Позорски, шеф на комисијата за гонење на злосторствата против народот, којашто е дел од институтот INR, изјави на прес-конференција во Варшава дека „нема никакви сомненија“ во врска на соработката на Лех Валенса со полската комунистичка тајна полиција (SB).
Позорски наведува дека автентичноста на документите доведени во поврзаност со Валенса го потврдиле и стручните лица од Институтот за судски вештачења во Краков.
Во 2000 година Валенса од судот беше ослободен од секакво сомневање за можност дека е поврзан со поранешната комунистичка тајна полиција која била дел од министерството за внатрешни работи, објавувајќи дека наводно не се најдени никакви докази кои одат во прилог на тоа.
Новите докази кои дошле во посед на Институтот за национално сеќавање, според експертите сега докажуваат дека Валенса соработувал со тајната полиција под кодното име „Болек“ и дека за таа соработка примал пари.
Документот е откриен во домот на поранешниот комунистички министер за внатрешни работи и шеф на тајната полиција, генералот Чеслав Кишчак, кој почина во 2015 година
Валенса во 2008 во разговорот за британски BBC тврдеше дека никогаш никој нема да пронајде никакво документ кој би покажал дека бил соработник на тајните служби. Но набрзо потоа во јули 2009 година во второто обвинување беше наведено дека во периодот кога беше претседател, Валенса уништил голем број компромитирачки документи. Валенса ги отфрли обвинувањата.
Меѓутоа, Валенса неодамна јавно потврди дека на едно приведување во полицијата „потпишал хартија“ како работник кој му се противи на режимот, но обвинувањата за соработка повторни ги отфрли како „апсурдни“. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Објавено кои санкции ги воведува ЕУ кон Русија: опфатени се и компании од Виетнам, Србија и од Турција за кои постои сомневање дека ја снабдуваат руската војска

Амбасадорите на земјите членки на ЕУ постигнаа договор за 17-тиот пакет-санкции против Русија, кој треба да го потврдат министрите за надворешни работи следната недела. Новиот пакет-санкции вклучува речиси 200 нови танкери од таканаречените флоти во сенка што Русија ги користи за да ги заобиколи санкциите.
Станува збор за стари, неосигурени бродови, кои користат разни трикови за да го скријат потеклото на нафтата што ја транспортираат, вклучително и испраќање фалсификувани податоци и исклучување на транспондерите. Се сомнева дека бродовите се користат и за саботажи на подморничката инфраструктура. Досега 153 вакви брода се санкционирани и им е забрането да се закотвуваат во европските пристаништа. Сега тој број се зголеми на речиси 350 брода.
30 компании се додадени на листата на санкции поради вмешаност во заобиколување на санкциите, особено кога станува збор за производи со двојна намена. Овие компании ќе се соочат со нови трговски ограничувања. Санкциите ќе ги опфатат и компаниите од земји како Виетнам, Србија и Турција за кои постои сомневање дека ја снабдуваат руската војска.
Додадени се уште 75 поединци и компании поврзани со воено-индустрискиот комплекс. Исто така, се забранува извоз на хемикалии од ЕУ што може да се користат за производство на ракети.
Заедно со овој пакет, ЕУ ѝ се закани на Русија со масовни санкции доколку одбие да го прифати предлогот за прекин на огнот од 30 дена, поддржан од САД.
Германскиот канцелар Фридрих Мерц ја предупреди Москва во вторникот дека ќе се соочи со дополнителни санкции доколку нема вистински напредок кон мир во Украина оваа недела. Мерц го покани рускиот претседател Владимир Путин да седне со украинскиот претседател Володимир Зеленски во Истанбул в четврток за да разговараат за прекин на огнот и евентуално мировно решение.
Европа
(Видео) Путин: Идиоти, воведуваат санкции, паѓаат во рецесија само за да ни наштетат

Рускиот претседател Владимир Путин вчера одржа состанок со членовите на јавната организација „Бизнис Русија“. Тој ги коментира санкциите што ЕУ планира да ги воведе врз Русија.
„Се чини дека нема да го направат ни ова ни она затоа што им штети. Но, тие навистина го прават тоа – идиоти. Извинете за изразот. Но, што друго можам да кажам? Водечките светски економии паѓаат во рецесија само за да ни наштетат“, рече Путин.
Putin is really not happy about new sanctions. He calls those imposing sanctions on him “idiots”
“The world economy is going into a recession just to hurt us” pic.twitter.com/Pf9HH8yyd7
— Polymarket Intel (@PolymarketIntel) May 13, 2025
Европската Унија го одобри 17-тиот пакет-санкции против Русија, изјави за „Киев индепендент“ висок функционер на ЕУ, кој побара анонимност. Мерките се насочени кон речиси 200 брода од руската флота во сенка, 30 компании вклучени во избегнување санкции и 75 санкции против субјекти и поединци поврзани со рускиот воено-индустриски комплекс и други цели.
Европа
ЕУ го одобри 17-тиот пакет-санкции против Русија, вели извор

Европската Унија го одобри 17-тиот пакет-санкции против Русија, изјави за „Киев индепендент“ висок функционер на ЕУ, кој побара анонимност. Мерките се насочени кон речиси 200 брода од руската флота во сенка, 30 компании вклучени во избегнување санкции и 75 санкции против субјекти и поединци поврзани со рускиот воено-индустриски комплекс и други цели.
Новиот пакет исто така вклучува мерки насочени кон руските хибридни операции, поточно воспоставување правна основа за дејствување против пропагандните канали или бродови и субјекти вклучени во саботажа на подводни кабли, аеродроми или сервери.
„Значи, гледате каде одиме. Покрај традиционалните секторски и индивидуални санкции, го прошируваме опсегот и поактивно применуваме други видови санкции за да ја погодиме Русија онаму каде што гледаме закани или обиди за заобиколување на постојните мерки“, рече изворот.