Европа
(Видео) Голем пожар зафати зграда во Шпанија, има загинати и исчезнати
Најмалку 4 лица загинаа во голем пожар кој зафати зграда во шпанскиот град Валенсија. Повредени се 14 лица, меѓу кои шест пожарникари и едно мало дете. Се уште се трага по 19 лица кои моментално се водат како исчезнати.
Пожарот ја зафатил 14-катницата во населбата Кампанар и се проширил во соседната зграда. Пожарникарите ги извлекувале луѓето од балконот, додека силниот ветер го разгорел огнот.
Valencia. Apocalyptic 🔥 not so far from home. 14-story building completely on fire 😱 pic.twitter.com/5Es8mYbeNb
— Gianluca Fiorelli (@gfiorelli1) February 22, 2024
Во зградата имало 138 станови, во кои живееле околу 450 луѓе. Локалните медиуми објавија дека пожарникарите спасиле неколку жители користејќи кранови, меѓу кои и брачен пар кој живеел на седмиот кат. Една жена изјави за „ТВЕ“ дека пожарникарите спасиле тинејџер заробен на првиот кат од зградата.
Four people were killed, and 14 people, including six firefighters and a young child, have been injured in the fire at a 14-story residential building located in the neighborhood of Campanar, Valencia, Spain 🇪🇸 #buildingfire #Spain #Campanar #Valencia pic.twitter.com/HDZTKUQHy3
— MH Chronicle (@MHNewsDaily) February 23, 2024
„Противпожарните служби го гаснат пожарот и моментално работат исклучиво на ладење на надворешните делови на зградата. Со оглед на карактеристиките на зградата, пожарникарите не можеа да влезат внатре и можеа да го изгаснат пожарот само однадвор“, изјави Хорхе Суарез, заменик директор за вонредни случаи, пренесува Си-Ен-Ен.
Massive fire at the 14-story building in Campanar of Valencia, Spain 🇪🇸
Video: Ahora Marina
TELEGRAM JOIN 👉 https://t.co/9cTkji5aZq pic.twitter.com/nZOM5Qizla— Disaster News (@Top_Disaster) February 22, 2024
Естер Пучадес, потпретседател на Факултетот за индустриски технички инженери во Валенсија, изјави за шпанската новинска агенција „Ефе“ дека ја прегледала зградата пред пожарот и дека нејзината надворешност била направена од полиуретански материјал кој повеќе не се користи многу во градбата, бидејќи е лесно запалив.
▶️ At least 13 people injured in building fire in Spanish city of Valencia@PressTV – #Spain pic.twitter.com/jWPUrnysIY
— Suat Kılıçtaş (@Suatklcts) February 23, 2024
Маж кој живеел на вториот кат од зградата изјавил за ТВ каналот „Ла Секста“ дека пожарот се проширил исклучително брзо откако избувнал на четвртиот кат. „Пожарот се прошири за 10 минути, можеби поради материјалот во фасадата“, изјави тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.