Европа
Во центарот на Лондон возило налета на пешаци

Автомобил налетал на пешаци ноќта кон неделата во центарот на Лондон, повредувајќи три лица, соопшти полицијата на британската престолнина, но засега со сигурност не се познати поединостите и дали станува збор за обид за идентичен напад како оној минатата седмица близу парламентот.
Возачот и патници од автомобилот по инцидентот излегле од него и избегале од местото на настанот во северниот лондонски кварт Ислингтон. Еден маж е приведен, а при претресот на возилото пронајдени се два ножа. Се истражуваат околностите за инцидентот, но тој засега не е карактеризиран како терористички напад, прецизираат од британската полиција.
Откако претходно полицијата јави за четворица повредени, во текот на неделата го измени овој податок. Сега според нејзиното соопштение три лица се повредени и се хоспитализирани, но нивните животи не се во опасност.
Според објавата на официјалната интернет страница на Скотланд-Јард, истражните органи засега сé уште не се наклонети инцидентот да го истражуваат како терористички напад, но истрагата продолжува.
Состојбата во Лондон е на зголемено безбедносно ниво откако на 22-ри март, автомобил управуван од 52-годишниот терорист Калид Масуд влета во минувачи и тројца полицајци на Вестминстерскиот мост. Потоа тој го насочи возилото кон британскиот парламент каде што со нож нападна полицаец кој подоцна почина од повредите, а при обидот да влезе во Долниот дом бил застрелан од други полицајци. Вкупно загинаа четири лица, а околу 50 се повредени.
Претходно во саботата Скотланд-Јард објави дека не се очекуваат нови терористички напади, бидејќи истрагата е уверена оти Масуд дејствувал самостојно./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Естонија се повлекува од Конвенцијата за забрана на противпешадиски мини, стравува од Русија

Парламентот на Естонија денес гласаше за повлекување од Конвенцијата од Отава со која се забранува употребата на противпешадиски мини, поради загриженост за потенцијална воена закана од соседна Русија.
Осумдесет и еден од 101 пратеници го поддржаа предлогот, соопшти прес-службата.
Сите пет земји од Европската Унија и НАТО што граничат со Русија – Литванија, Латвија, Естонија, Полска и Финска – објавија планови за повлекување од меѓународниот договор поради воената закана што ја претставува нивниот многу поголем сосед.
Русија не е членка на Конвенцијата од Отава и користеше мини при инвазијата на Украина. Гласањето на Естонија следеше по гласањето на Латвија и Литванија, чии парламенти веќе го одобрија повлекувањето. Земјите ќе можат да складираат и распоредуваат мини шест месеци откако ќе ги известат другите членки на договорот и Обединетите нации за нивната одлука. Ниту една од петте земји сè уште не го сторила тоа.
Европа
(Видео) 5-минутна снимка од историскиот украински напад врз руски авиони

Украинската Служба за безбедност (СБУ) објави ново 5-минутно видео кое прикажува напади со беспилотни летала ФПВ (First Person View) врз руски воени цели, вклучувајќи бомбардери и авиони А-50.
Станува збор за историски украински напад врз повеќе руски бази, нанесувајќи им голема штета на руските сили. Нападот е дел од пошироката стратегија на Украина за користење беспилотни летала за извршување прецизни напади врз клучни воени цели.
Употребата на беспилотни летала ФПВ им овозможува на операторите директно да го контролираат леталото со поглед од прво лице, зголемувајќи ја точноста на ударот. Оваа технологија станува сè поважна во современото војување, овозможувајќи прецизни напади со минимален ризик за операторите.
Европа
Путин бесен, жестоко го нападна режимот на Зеленски

Рускиот претседател Владимир Путин за прв пат ги коментираше најновите украински напади на руска територија. Тој рече дека „намерните напади на Украина врз цивилното население во Русија потврдуваат дека веќе нелегитимниот режим во Киев се претвора во терористичка организација“.
Тој нагласи дека „на режимот во Киев не му е потребен мир“ и дека за сегашните власти во Киев, мирот „веројатно значи губење на власта“. Путин тврди дека одлуката за извршување на нападите е донесена на политичко ниво во Украина, а целта е да се заплаши Русија.
Според него, украинските сили се повлекуваат по целата фронтова линија и трпат големи загуби, поради што властите во Киев се свртуваат кон организирање терористички напади. Путин повтори дека Москва стравува дека „нелегитимниот режим во Киев се претвора во терористичка организација“, што, тврди тој, се потврдува со напади врз цивилното население, како оние во регионот Брјанск.
„Она што се случи во Брјанск беше целен напад врз цивили. Според сите меѓународни норми, ваквите дејствија се нарекуваат тероризам“, рече Путин.
Тој додаде дека „нападите врз цивилите имале за цел да го попречат вториот круг преговори“ и дека Украина ќе го искористи секое затишје во борбите за повторно вооружување, присилна мобилизација и подготовка на нови напади.
Рускиот претседател, исто така, тврдеше дека спонзорите на Украина „стануваат соучесници на терористите“.
Тој, исто така, нагласи дека, според него, на украинското раководство му недостасува политичка култура и си дозволува да ги навредува оние со кои наводно се обидува да преговара.
Путин им се заблагодари на службите за итни случаи, железничките работници и другите работници за помошта на повредените во нападите.