Европа
Затворени училишта, црвен аларм за опасност за живот: Велика Британија се подготвува за големо невреме

Некои училишта се затворени, а на луѓето им е кажано да останат дома бидејќи бурата Бабет ќе зафати делови од ОК.
Метеоролошката канцеларија издаде ретко црвено предупредување за исклучителен и постојан дожд во источна Шкотска, како и жолти предупредувања за ветер и дожд во други области.
Црвеното предупредување се применува на делови од источна Шкотска помеѓу областите Данди и Абердин од 18 часот в четврток до петок напладне.
Ова е првпат црвено предупредување за дожд да биде издадено во Велика Британија по бурата Денис во февруари 2020 година, пренесува „Скај њуз“.
Бабет, комплексна маса со низок притисок што се разви на запад од Пиринејскиот Полуостров, ќе трае до сабота и се очекува да предизвика поплави, прекини на струјата и прекин на патувањата.
Жолти предупредувања за тешки временски услови, што значи дека постои ризик од силен ветер, екстремно влажни услови и потенцијални поплави, беа издадени за поголемиот дел од Обединетето Кралство од недела до сабота покривајќи делови од Шкотска и северна и источна Англија, до брегот до Хемпшир и островот Вајт.
Ирската метеоролошка служба исто така издаде жолти временски предупредувања за делови од Северна Ирска поради обилните дождови в четвртокот.
Метеоролошката канцеларија предупредува дека „можни се големи поплави на домовите и деловните објекти, што би можело да доведе до уривање или оштетени згради или градби, поплави, што може да предизвикаат опасност за животот“.
Претходно, шкотската влада одржа состанок за да се обиде да ги ублажи ефектите од бурата Бабет во наредните денови.
„Ако сте во погодените области на Ангус и Јужен Абердиншир – останете дома и не патувајте“, рече првиот заменик-министер, Шауна Робинсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Човек на Трамп: Предлогот на Путин е апсурден

Кит Келог, специјалниот претставник на американскиот претседател Доналд Трамп за Украина и Русија, го отфрли предлогот на рускиот претседател Владимир Путин за тридневен прекин на огнот. Келог истакна дека Вашингтон бара долгорочно примирје.
Коментирајќи го напредокот на мировните преговори во последните денови, тој изрази верување дека САД „се во прилично добра позиција кога станува збор за Украинците“. „А тридневно примирје е апсурдно“, нагласи тој, осврнувајќи се на предложеното примирје од 8 до 10 мај.
Тој додаде дека Трамп се залага за сеопфатен прекин на огнот „на море, во воздух и на копно“ што ќе трае најмалку 30 дена. „И потоа можеме да го продолжиме“, изјави тој.
„Кога ќе погледнете на сè околу што Украинците се подготвени да соработуваат, сега е до Русите, до Путин. Имаме една страна, ни треба друга страна. И мислам дека сме блиску“, продолжи тој.
Путин најави уште едно примирје кое ќе започне на полноќ на 8 мај и ќе трае до полноќ на 11 мај. Италијанската премиерка Џорџа Мелони изјави дека тридневното примирје објавено од Кремљ не е доволно, туку дека е потребен праведен и траен мир.
Британската одбранбена разузнавачка агенција верува дека тридневниот прекин на огнот што го објави Путин на Денот на победата има за цел да ја прикаже Русија како отворена за преговори и да ги ограничи украинските напади со долг дострел.
Европа
Фон дер Лајен: Светската трговија се врти кон Европа

Светската трговија се насочува кон Европа затоа што другите земји сакаат договори со ЕУ, изјави денес претседателката на Европската комисија, Урсула фон дер Лајен.
Претседателот на ЕК на митингот на Европската народна партија во Валенсија истакна дека Европската унија „веќе има најголема мрежа на договори за слободна трговија, 76 од нив“ со земји од целиот свет.
„Сега светската трговија се свртува кон нас“, смета фон дер Лајен, во време кога светот е загрозен од воведувањето на американските царини што ги објави американскиот претседател Доналд Трамп на почетокот на април.
„Сега соработуваме со Индија и Индонезија, Обединетите Арапски Емирати и Тајланд, Филипините и Малезија, со Пацификот. Сите тие сакаат договор со нас. Бидејќи ние сме фер, сигурни и играме според правилата“, нагласи таа. „Затоа, да останеме на тој пат, со ладна глава и обединети“, рече таа.
Фон дер Лајен изјави дека ЕУ мора паралелно да работи на зајакнување на својот единствен пазар преку елиминирање на непотребните национални бариери, борба против фрагментацијата и бирократијата.
Европа
(Видео) Пукање во Шведска, најмалку тројца убиени

Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.