Европа
Медиуми: Косовски челник на IS со 400 борци успеал да влезе во Европа
Група од 400 терористи, меѓу кои и еден од челниците на ултрарадикалната сунитска организација Исламска држава (IS), успеале да се инфилтрираат од Сирија во Европа како бегалци, пишува британски Daily Mail од 29-ти декември, повикувајќи на се на извори во италијанските разузнавачки служби.
Како челник на оваа група, италијанските служби го посочиле косовскиот џихадист Лавдрим Мухаџери, високо рангиран воен командант на Исламската држава на којашто ѝ се приклучил во 2012 година, кој е познат и како Абу Абдула ал-Косова. Се претпоставува дека меѓу целите на терористите ќе бидат и низа државни институции на Косово, како и српските православни цркви.
На сириското боиште, Мухаџери „се прославил“ не само како терористички водач на џихадистите од неговите родни краишта, туку и како лице кое активно било вклучено во регрутирањето на новите борци на Исламската држава меѓу Албанците, пишува британскиот дневен весник, чии извори наведуваат дека овој 27-годишен џихадист наводно е роден во Македонија, а во минатото имаше информации и дека се криел во некои до скопските села.
Повикувајќи се на изворите во италијанското разузнавање, претходно оваа инфорамција од италијанските безбедносни служби ја објави и италијанскиот дневен весник L’Espresso кој натаму пишува дека Мухаџери и „армијата негови следбеници“ ја напуштиле воената зона во Сирија, откако Исламската држава претрпела големи загуби во регионот. Преправени како бегалци, тие успеале да влезат на европска територија со илјадниците други имигранти, а пограничните власти не успеале да го утврдат нивниот идентитет. Тој се појавува во едно пропагандистичко видео, а на интернет се поставени фотографии од неговото свирепо постапување со заложниците.
Соговорниците на Daily Mail велат дека во моментов тој се вратил во татковината, и оти тоа не било првпат тој да успее незабележано да влезе на Косово и повторно да замине за Сирија, а тоа го сторил во 2013 година.
Весникот тврди дека Мухаџери заедно со својот соборец Ридван Хаќифи се одговорни за плановите за напади врз меѓународните и владините институции на Косово со цел на таа територија да го зацврсти присуството на групацијата, за потенцијални експлозии и напади врз српските православни храмови, како и за терористичкиот напад врз фудбалската репрезентација на Израел во текот на нејзиното ланско гостување во Албанија.
Во ноември минатата година на територијата на Косово и на Албанија беа приведени за 12 дена 19 лица кои беа осомничени дека подготвувале терористички напади во регионот и оти се поврзани со ткн Исламската држава. Меѓу нивните планови, како што соопштија тогаш албанските власти, наводно бил и терористички напад на фудбалскиот меч меѓу Албанија и Израел кој се одигра на 12-ти ноември. Тогаш албанските власти го преместија одигрувањето на мечот од северниот град Скадар во Елбасан, близу главниот град Тирана, поради можен напад од милитантите, а четири лица беа уапсени под обвинение за тероризам.
Косовските медиуми тогаш објавија дека терористите биле поделени во групи кои ги координирал Мухаџери, за кој претходно неколкупати имаше информации дека загинал на боиштата на Блискиот исток./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Клучен руски радар уништен во Крим; Украина: Ова значително ќе ги отежни нивните напади
Украинските специјални сили извршија прецизен удар врз стационарниот радарски комплекс „Скала-М“ на привремено окупираната територија на Крим, објави украинскиот УНН.
Уништувањето на овој објект значително ќе ја намали способноста на Русите да го контролираат воздушниот простор и да користат авијација против цивилното население, според ССО (Сили за специјални операции на Украина).
Како што објави ССО, ноќта помеѓу 9 и 10 август 2025 година, единиците на Движењето на отпорот на Силите за специјални операции на вооружените сили на Украина спроведоа успешна операција во областа на населбата Абрикосивка на привремено окупираната територија на Крим.
Целта на украинските борци беше стационарниот радарски комплекс ТРЛК-10 „Скала-М“.
Овој советско-руски комплекс комбинира примарни и секундарни системи за откривање на воздушни цели, а негова главна задача е да го следи воздушниот сообраќај на рутите и во зоните на пристап. Со дострел до 350 км, „Скала-М“ е клучен елемент на системот за контрола на воздушниот сообраќај на руските сили, особено за координација на борбената авијација, според Украинците.
Според воените проценки, уништувањето на таков објект значително ќе го комплицира непријателското користење на авијацијата за напад врз цивилната инфраструктура и населбите. „Специјалните оперативни сили: секогаш надвор од дострел!“, нагласи командата на ССО.
фото: принтскрин
Европа
Туск: Путин користи идиоти за да посее раздор меѓу Киев и Варшава
Полскиот премиер Доналд Туск изјави дека рускиот претседател Владимир Путин оркестрира обиди за создавање поделби меѓу Украина и Полска. Туск предупреди дека иако решението за војната во Украина можеби се приближува, Русија прави сè што може за да посее раздор меѓу Киев и Варшава.
Во остра порака, Туск нагласи: „Анти-полските гестови на Украинците и поттикнувањето анти-украински расположенија во Полска се сценарио на Путин, оркестрирано од странски агенти и локални идиоти. Секогаш истото“.
Од почетокот на руската инвазија во 2022 година, Полска е еден од најважните и најверни сојузници на Украина. Сепак, кај некои делови од полското население расте незадоволството поради големиот број бегалци од соседната, воено разорена земја.
Овие тензии кулминираа со неодамнешен инцидент. На 9 август, најмалку 57 украински државјани беа наводно уапсени и депортирани од Варшава откако избувнаа немири на концерт на белоруски рапер.
фото: принтскрин
Европа
Германски министер за завршувањето на војната: Украинските отстапки се можни, но не сега
Германскиот министер за надворешни работи Јохан Вадефул изјави дека Европа не е само набљудувач кога станува збор за иднината на Украина. По средбата со колегите од ЕУ, Вадефул изјави за германскиот јавен радиодифузен сервис ZDF дека Европејците цврсто стојат заедно и дека затоа нивните гласови ќе бидат слушнати и во Вашингтон и во Москва.
Тој најави серија онлајн-состаноци утре, организирани од германскиот канцелар Фридрих Мерц, на кои ќе учествуваат лидерите на Франција, Велика Британија, Италија, Полска, Финска, генералниот секретар на НАТО и високи претставници на ЕУ, како и американскиот претседател, Доналд Трамп, и украинскиот претседател, Володимир Зеленски.
„Важно е Трамп да го чуе европскиот глас и добро е што Германија јасно го пренесува. Европејците имаат голема тежина, едноставно затоа што имаат заеднички став“, рече тој.
Вадефул нагласи дека Европа останува јасна дека преговорите за иднината на Украина може да се одржат само по договорено и почитувано примирје и дека самитот в петок би можел да биде само почеток на дискусиите за условите за почнување мировни преговори.
„Самиот факт дека Украина сега е подготвена да разговара за статус кво е веќе отстапка бидејќи Русија ја окупира украинската територија кршејќи го меѓународното право“, рече тој. Тој нагласи дека одлуките за иднината на Украина може да ги донесе само Киев. „Европејците не може да дозволат некој друг да одлучи за тоа. Ние нема да го сториме тоа ниту, пак, САД можат“.
Тој додаде дека идниот мировен договор може да вклучува отстапки од украинската страна, но дека ова е прашање за кое ќе се одлучува подоцна. Разговорите оваа недела, рече тој, служат за создавање фер услови за овие преговори.
Вадефул заклучи дека иднината на Украина е поврзана со европската безбедност и дека европските лидери нема да стојат настрана додека одлуките се носат зад наш грб. „Европејците ќе продолжат да стојат покрај Украина, како што правевме во текот на целата војна“, рече тој додавајќи дека Германија останува на чело на таа поддршка.
фото: принтскрин
(Видео) Мицкоски: Рамковниот договор 24 години потоа донесе мир и стабилност
Рамковниот договор е потсетник на една длабока вистина – дека државата ја имаме само ако ја чуваме заедно, по пат...
Ахмети: Во текот на годините Албанците ги водеа Собранието и сите министерства, а се реализира и ветената позиција на првиот албански премиер
Во текот на годините Албанците ги водеа Собранието и сите министерства, а се реализира и ветената позиција на првиот албански...
Уапсен скопјанец, фрлал камења кон полициски хеликоптер додека полнел вода за гаснење пожар
Вчера вечер, во 18:55 часот, полициски службеници од ПС Карпош го лишија од слобода И.А. (55) од Скопје поради сомнение...
ЦУК: Изгаснати 28, активни три пожари
До 08:00 часот, на територијата на Македонија имаше вкупно 33 пожари на отворен простор, од кои активни се три пожари,...
Комисијата на СЗО: Топлотните бранови повеќе не се климатска закана, туку здравствена криза
Екстремните временски услови што ги засегаат Европа и Централна Азија повеќе не се само климатска закана, туку и сериозен проблем...
Димова: Повеќе од пет години не сум директорка на несреќната институција, недолично е да се кажуваат лаги
Повеќе од пет години не сум директорка на оваа несреќна институција и сметам дека е недолично да се кажуваат лаги...
Пожарот кај Јасен сè уште активен, патот Македонски Брод – Скопје затворен за сообраќај
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
Белата куќа објави детали за средбата Трамп – Путин
Средбата меѓу американскиот и рускиот претседател Доналд Трамп и Владимир Путин ќе се одржи во петок, во Енкориџ, Алјаска, објави...
Тројца возрасни и едно дете осомничени за пукањето и убиството во Тетово
Тројца возрасни и едно дете се осомничени за пукањето во Тетово што се случи во неделата, а во кое беше...
(Видео) ДЗС: Борбата против огнот во ловиштето Јасен продолжува
Борбата против огнот во ловиштето Јасен продолжува. Од земја дејствуваат припадници на специјалните единици на Армијата и Полицијата заедно со...
ЕУ воведува нови санкции кон Русија
Европската Унија подготвува 19-ти пакет санкции против Русија, бидејќи Москва продолжува да ги отфрла повиците за прекин на огнот во...
Уапсени двајца мажи од Росоман, му се заканувале на градоначалникот на Кавадарци
Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33)...
Скопјанец почина на Клинички откога бил донесен во тешка здравствена состојба: телото дадено на обдукција
Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај...
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува,...
(Видео) СДСМ: Нов скандал во Националната агенција „Еразмус“, Ана Михајлов, осомничена од ОЛАФ, назначена за в.д. директорка?
„Денеска објавуваме нов скандал на власта. Како пред очите на целата јавност, Владата на ВМРО-ДПМНЕ и Христијан Мицкоски повторно ја...
(Видео) „Како со лекарска плата Венко стигна до луксузно пловење“, прашува Лефков
„Чија е јахтата на која уживаат Филипче и Заев и со чии пари е платена, како со лекарска плата Венко...
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
