Европа
Меј: Британија мора да го напушти единствениот пазар на ЕУ
Британската премиерка Тереза Меј во вторникот изјавила дека Велика Британија не може да остане дел од единствениот европски пазар, бидејќи тоа би значело дека воопшто не ја напуштила ЕУ, пренесуваат светските медиуми.
Во долгоочекуваниот говор на темата Brexit, Меј порачала дека Велика Британија ќе создаде „ново и еднакво“ партнерство со ЕУ и дека нема да се обиде да се остане „пола надвор, а пола внатре“во Унијата, пренесува ВВС.
„Без делимично членствово ЕУ, придружен член на ЕУ или било што, што би не оставило пола надвор, а пола внатре во Унината“, додала Меј и ветила дека ќе се залага за „најголем возможен“ пристап до единствениот пазар на ЕУ по Brexit.
„Сакаме да ги купуваме вашите производи, да ви ги продаваме нашите прозиводи, да тргуваме со вас на што е можно послободен начин и да соработуваме за сите да бидеме побезбедни, посигурни и попросперитетни низ едно непрекинато пријателство“, рекла британската премиерка.
Европските лидер претходно ја предупредија Велика Британија дека кога ќе ја напушти ЕУ нема да може истовремено да остане дел од единствениот пазар, а да го ограничи слободното движење на луѓето од оваа заедница, што предизвика загриженост во британскиот финансиски сектор, кој се потпира на можноста за соработка со земјите од ЕУ.
Меј во својот говор најавила 12 цели за преговорите околу излегување на земјата од ЕУ, меѓу кои и тоа дека двата дома на Парламентот ќе гласаат околу конечниот договор на Велика Британија и ЕУ пред него што да стапи на сила, потоа одржување на заедничките области на движење помеѓу Британија и Република Ирска, а исто така ветила и дека ќе ги укине и „огромните придонеси“ кон Унијата.
Настојувајќи да ги намали стравовите дека Британија по Brexit ќе стане изолирана земја, Меј рекла дека сака државата да стане „посилна, поправедна и пообединета отколку било кога“. Британската премиерка претходно, пак, најаи дека до крајот на март годинава ќе биде активиран членот 50 од Лисабонскиот договор за излегувањето на Британија од ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја тестира втората верзија на патничкиот авион „MC-21“ со домашни делови
Русија спроведе пробен лет на втората прототип-верзија на својот среден патнички авион „MC-21“ направен со домашни делови, соопшти Министерството за индустрија во вторникот бидејќи санкциите за увезени делови го забавуваат производството, а високите каматни стапки ги ограничуваат инвестициите.
И покрај овие пречки, руската воздухопловна индустрија успеа да испорача еден од 15-те авиони планирани за оваа година до август.
Домашна технологија во новиот прототип
Авионот „MC-21“ полета од фабриката за авиони во Иркутск, управувана од компанијата „Јаковлев“, дел од корпорацијата United Aircraft Corporation на државниот конгломерат „Ростек“, соопшти министерството во објава на платформата „Телеграм“.
Летот ги тестира новите руски системи на авионот и турбовентилациските мотори PD-14, соопшти Министерството. Претходните прототипови комбинираа руски и странски компоненти.
„MC-21“, кој може да превезува околу 175 патници во конфигурација од две класи, е клучен за плановите за замена на авионите на западните производители „Ербас“ и „Боинг“, кои руските авиокомпании тешко може да ги одржат поради санкциите воведени по руската инвазија на Украина во 2022 година.
Верзијата на „MC-21“ со увезени делови беше полесна од првата верзија, која имаше ограничен дострел и поголема потрошувачка на гориво, што ги направи авиокомпаниите претпазливи, изјави руски извор од авијацијата за „Ројтерс“ во август.
Датумите за испорака беа одложувани неколкупати откако „Ростек“, кој го надгледува производството на Superjet-100, Tupolev Tu-214, Ilyushin и новиот Yakovlev MC-21, изјави за „Ројтерс“ дека Русија ќе гради свои патнички авиони.
Првите испораки на „MC-21“ се очекуваат кон крајот на 2026 година, а „Ростек“ планира да го зголеми производството на 36 авиони годишно до 2030 година.
фото: принтскрин
Европа
„Политико“: Унгарија, Чешка и Словачка се обидуваат да формираат сојуз на скептици за Украина
Унгарија се стреми да ги здружи силите со Чешка и Словачка за да формира блок од земји во Европската Унија кои се скептични кон понатамошна помош за Украина. Таквиот потег би можел значително да ги комплицира напорите на Брисел да обезбеди континуирана финансиска и воена поддршка за Киев, пишува Политико.
Балаш Орбан, главен политички советник на унгарскиот премиер, изјави дека се надева дека ќе се здружи со Андреј Бабиш, чија десничарска популистичка партија победи на неодамнешните парламентарни избори во Чешка, и со словачкиот премиер Роберт Фицо. Според него, целта е да се координираат ставовите пред состаноците на лидерите на ЕУ, што вклучува одржување состаноци пред самите самити.
Иако сè уште не е постигнат силен политички сојуз, неговото формирање би можело значително да ги комплицира напорите на ЕУ да обезбеди финансиска и воена поддршка за Украина, наведува Политико.
„Мислам дека тоа ќе се случи – и ќе стане сè повидливо“, рече Балаш Орбан, кога беше прашан за можноста за формирање блок на скептици за Украина во Европскиот совет.
Тој потсети на моделот на соработка на таканаречената Вишеградска група на четворката (Унгарија, Чешка, Словачка и Полска) за време на мигрантската криза. „Тоа функционираше многу добро за време на мигрантската криза. Така успеавме да се спротивставиме“, рече тој, осврнувајќи се на периодот по 2015 година, кога евроскептичната партија „Право и правда“ беше на власт во Варшава.
Според „Политико“, новиот сојуз би се состоел од три, а не од четири члена. Сегашниот полски премиер од централно-десничарската партија, Доналд Туск, е цврсто проукраински ориентиран и веројатно нема да се приклучи на каков било сојуз со унгарскиот премиер.
Унгарскиот премиер, кој е на власт во последните 15 години, се соочува со борба за реизбор следната година. Според анкетата на јавното мислење на која се повикува изданието, партијата „Тиса“ на лидерот на опозицијата Петер Маѓар во моментов е попопуларна од партијата „Фидес“ на Орбан.
фото: принтскрин
Европа
(Фото) Лебед го прекина железничкиот сообраќај во Шкотска неколку часа
Патниците се соочија со големи доцнења и откажувања на услугите во шпицот на најпрометната железничка станица во Шкотска вчера, откако лебед беше пронајден на шините на станицата во Глазгов. „Нетворк Реил“ вчера соопшти дека птицата се качила на горниот дел на станицата Глазгов Централ околу 17:49 часот и не била сигурна каде оди.
„Драги патници, се работи за лебед кој се заглавил на шините на станицата Глазгов Централ. Услугите до и од оваа железничка станица се прекинати, но возовите сè уште возат со намалена брзина“, се вели во соопштението на железничкиот оператор, заблагодарувајќи им се на сите за нивното трпение.
„Тим специјалисти е испратен на местото на настанот и работи на отстранување на лебедот од шините што е можно поскоро“, се вели во соопштението.
18:03. A photograph of the culprit. 🦢
Our team are still working to keep services moving and move the swan out of harm's way.
Again, we thank you for your patience whilst we deal with this and get services back on time ASAP.@AvantiWestCoast @ScotRail @TPExpressTrains pic.twitter.com/IruVKWhdjz
— Network Rail Scotland (@NetworkRailSCOT) October 27, 2025
„Нетворк Реил“ објави фотографии од „виновникот“ по 18:00 часот, додавајќи дека тимовите „работат за да се осигурат дека услугите нема да бидат прекинати и дека лебедот ќе биде отстранет на безбедно место“. Во 18:30 часот „СкотРеил“ објави дека птицата е отстранета, а дека до 21:42 часот прекинот во сообраќајот престанал.
„Имаме добри вести. Лебедот е спасен, отстранет од зоната на станицата и транспортиран на безбедно место. Малку е вознемирен, но добро се опоравува. Ви благодариме за трпението, го цениме тоа.
Исто така, работиме на враќање на нашите вработени на работа и нашите услуги сега работат нормално“, се вели во соопштението. По околу три часа, беше објавено дека „прекинот на железничките услуги на Глазгов Централ е завршен“.

