Европа
Париз и Берлин загрижени, Прага задоволна од одлуката на Трамп за ограничување на имиграцијата

Одлуката на американскиот претседател Доналд Трамп идните четири месеци да го суспендира влегување на бегалци во САД, ги загрижува Франција и Германија, изјави во саботата францускиот министер за надворешни работи Жан-Марк Ејро по разговорот со новиот германски колега Зигмар Габриел во Париз.
„Таквата одлука може само да нé загрижува“, изјави Жан-Марк Ејро, истакнувајќи дека „прифаќањето на бегалците кои бегаат од војна е дел од нашите обврски“. „Но има и многу други прашања коишто нé загрижуваат“, додаде шефот на француската дипломатија.
За разлика од претставниците на Париз и на Берлин, чешкиот претседател Милош Земан изрази во саботата задоволство од новиот американски пристап за посилно ограничување на имиграцијата за што се залага американскиот претседател Доналд Трамп, оценувајќи дека овој ја гарантира безбедноста на своите сонародници.
.„Американскиот претседател Трамп ја штити својата земја и се грижи за безбедноста на своите сонародници. Го прави токму она што не го прават европските елити“, порача на Twitter портпаролот на чешкиот претседател Јири Овчачек.
„Безбедноста на чешките граѓани е приоритет. Сега имаме сојузник во Соединетите држави“, додаде.
Американскиот претседател Доналд Трамп најави во петокот пресврт во имиграциската и бегалската политика, и суспендирањето на прифаќањето следните 120 дена ќе се однесува на седум муслимански земји.
Станува збор за извршниот указ „Заштита на нацијата од влегување на странски терористи во САД“, за која Трамп рече дека претставува „нови мерки за надзор за радикалните исламски терористи да бидат држени надвор од САД“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.