Европа
Париз: Напаѓачот на Орли извикувал „ќе умрам за Алах“

Мажот кој во саботата утрото ги нападна војниците на парискиот аеродром Орли носел канта со бензин и извикувал „ќе умрам за Алах“, објави во саботата вечерта јавниот обвинител на француската престолнина Париз, Франсоа Моленс.
Според војниците кои биле очевидци на нападот, ангажирани на обезбедувањето на аеродромот Орли во рамките на операцијата „Sentinelle“, напаѓачот го ставил воздушниот пиштол на главата на војничката и извикувал „Фрлете го оружјето. Ставите ги рацете зад главите. Тука сум за да умрам за Алах. Вака или онака, ќе има мртви“.
Меѓутоа војниците запукале и го убиле напаѓачот кого парискиот државен обвинител Франсоа Моленс го идентификуваше како 39-годишниот Зиед бен Белгасем. Обвинителот додаде дека во врска со овој напад се уапсени три лица. Полицијата ги привела братот и таткото на напаѓачот, објавија претходно судски извори, истакнувајќи дека тоа е рутинска постапка во такви ситуации.
Обвинителот Моленс потврди дека е отворена терористичка истрага, имајќи го предвид изборот на целта и догазите дека Белгасем бил радикализиран, а кој според радиото France Info, повикувајќи се на безбедносен извор близок на истрагата, е 39-годишен парижанец,.
Беноа Брулон, портпаролот на француските антитерористички сили, изјавил дека војничката е во добра состојбa, наведува Reuters. Во разговорот за телевизијата BFM TV открива дека споменатата припадничка на воздухопловните сили паднала на подот додека се борела со својот напаѓач. „Тогаш нејзините колеги отвориле оган за да ги заштитат неа и нејзините колеги“, додаде Брулон.
Министерот за внатрешни работи на Франција, Бруно Ла Ру, претходно ја потврди информацијата дека за пукањето врз полицијата на северот од главниот град Париз претходно во саботата е осомничено истото лице убиено при нападот на Орли кој нападна војничката.
Претходно во саботата утрото беше објавено дека на северот од Париз бил отворен оган врз тројца полицајци, и притоа напаѓачот ранил еден од нив и успеал да побегне. По пукањето врз полицајците, осомничениот избегал со автомобил, кој подоцна е пронајден на паркингот на аеродромот Орли. Во автомобилот биле пронајдени маица со дамки од крв и документи на напаѓачот. Според изјавата на Ла Ру за BMF TV, „можна е поврзаност“ меѓу двата инцидента. Додаде дека ранетиот при рутинската проверка на документите полицаец е хоспитализиран./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.