Европа
Поранешен руски пратеник убиен во центарот на Киев

Поранешниот руски пратеник Денис Вороненков, кој откако во Русија беше обвинет за финансиски измами пребегна во Украина е убиен во четвртокот во центарот на Киев, објави полицијата на украинската престолнина, до дека претседателот Петро Порошенко веднаш изјави дека станува збор за „терористички чин“.
Според началникот на полицијата на Киев, Андреј Кришченко, нападнати биле неколку бизнисмени пред влезот во хотелот „Премиер палас“, Според полицијата убиецот најмалку двапати стрелал во Денис Вороненов, најверојатно од пиштол од марката „ТТ“, а еден од истрелите бил фатален. Исто така ранет е и еден од телохранителите на Вороненков кој возвратил со оган кон напаѓачот.
Ранетиот напаѓач е сместен на одделот за интензивна нега во една од киевските болници. Според медиумските извештаи, тој бил во бесознание, но неговата повреда не опасна по животот.
Поранешниот пратеник Илја Пономарев, кој од 2015 година исто така живее во Украина, тврди дека атентатот врз Вороненков бил извршен кога тој пошол на договорена средба со него.
Убиецот на Вороненков, бил баран поради сомневања за фиктивни бизниси и перење пари стекнати од криминални активности и кај себе имал украински исправи, објави украинскиот портал Обозревател, кој се повикува на свои извори.
Вороненков, откако избега од Русија каде што е осомничен за финансиски малверзации во почетокот на 2010-те години, живее во Украина, и беше сведок на суд против поранешниот украински претседател Виктор Јанукович, кој беше соборен од власта со бунтот на Мајдан во февруари 2014 година
Истрагата се сомнева во нарачано убиство. Во октомври 2016 година Вороненков со сопругата Марија Максаова, пребега во Украина. Во декември доби украинско државјанство по сведочењето против Јанукович.
Украинскиот претседател Петро Порошенко изјави дека станува збор за „терористички чин“, како и дека не било случајно тоа што убиството се случило истиот ден кога се случи и експлозија и пожар во складиште за оружје на истокот од Украина.
Од руската страна се огласија неколку пратеници кои потсетуваат дека во Украина последните години се случија неколку атентати врз новинари, политичари и познати бизнисмени.
Реакцијата на Порошенко на убиството на Вороненков е апсолутно без преседан и апсурдна“, смета заменикот претседател на комисијата за одбрана и безбедност на рускиот парламент, Франц Клинцевич. Според него, „на такво ниво со вакви обвинувања не треба да се избрзува… А обидот да се поврзе убиството на Вороненков со пожарот во складиште е врв на апсурдноста“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет

Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.