Европа
Правата на Европејците и вкупниот буџет – што ќе побара ЕУ од Британија!?
Преговорите за развод на Лондон и Европа ќе започнат во текот на следните недели, откако во средата премиерот Тереза Меј и формално ја отпочнува постапката. Тие ќе траат точно две години, по што Велика Британија треба да излезе од ЕУ, без разлика дали двете страни постигнале договор за условите.
Во четвртокот европските медиуми ги цитираат изјавите на главниот преговарач на ЕУ Мишел Барние, од кои може да се констатира дека ЕУ од Обединетото Кралство ќе ги побара следниве услови:,
– Зачувување на долгорочните права на Европејците во Велика Британија, кое за Брисел се “апсолутен приоритет”.
Преговорите за оваа точка ќе траат неколку месеци, а погодени ќе бидат 4,5 милион европски граѓани на Островот и Британци во Европа.
– Втората важна тема е како Велика Британија да го напушти општиот буџет.
ЕУ ќе сака земјата да ги плати сите износи кои таа веќе ги ветила. Барние ќе инсистираа на тоа дека Лондон нема да плати “ниту едно евро” повеќе од она што таа го ветила за буџетот на Унијата.
Неодамна комисијата за финансиските прашања на Горниот дом на британскиот Парламент објави во својот извештај дека во отсуство на договор, Лондон може да замине, без да ја плати евентуална сметка, побарана од Европската комисија (ЕК).
-Третиот приоритет се новите граници на Унијата, кои за Брисел се особено важни и тоа посебно се однесува на Ирска – единственото место каде што Велика Британија и Унијата ќе имаат копнена граница.
Властите во Ирска и Северна Ирска инсистираат на слободното движење. Сепак останува прашање како ќе се случи тоа, бидејќи во практика по Брегзит таа ќе стане надворешна граница на Унијата.
– Тешки последици ќе настанат ако Велика Британија ја напушти Заедницата без да има склучено договор за напуштање. ЕУ не сака “Брегзит без договор”, ЕУ сака договор за развод. “Брегзит без договор” ќе значи пример, дека на 30 март 2019 година Велика Британија автоматски почнува да тргува со ЕУ под условите на Меѓународната трговска организација, наместо како член на заедничкиот пазар. Барние истакна дека ваквиот развој ќе го отежни движењето од и до земјата.
– Прво развод, потоа преговори за идните односи со Велика Британија. Европски претставници неколкупати се изјавуваа дека нема да се согласат на паралелни дискусии на двете теми. Велика Британија беше предупредена да не започнува преговори за потенцијални трговски договори со трети земји, пред да ја напушти ЕУ, бидејќи со тоа би се прекршило европското право.крај /мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.