Европа
Старџен во писмо бара од Меј референдум за независност

Шкотската премиерка Никола Старџен ѝ пишала на британската колешка по должност Тереза Меј и официјално од неа побарала дозвола за одржување на втор референдум за независност на Шкотска пред излегувањето на Обединетото Кралство од Европската унија, објавено е во петокот кога писмото би требало да биде врачено.
Без Брегзитот, за кој гласаа 52 отсто од Британците, но го отфрлија 62 отсто од шкотските избирачи, шкотската премиерка Никола Старџен немаше толку рано да го бара новото изјаснување за независност, три години по првото кога заговорниците за независноста на контроверзниот плебисцит загубија со 45 наспроти 55 отсто.
Шкотскиот парламент гласаше во вторникот за одржување на референдумот за независност во периодот меѓу есента 2018 и пролетта 2019 година, но британската влада во Вестминстер мора да даде дозвола за тоа. Добивајќи го мандатот од шкотскиот парламент, Старџен ѝ напишала писмо на Меј за од неа официјално за распишување нов референдум.
На својот профил на Twitter шкотската влада објави фотографија на Старџен како опуштено седи на софа со пораката „Премиерката Никола Старџен во (официјалната резиденција) Бат Хаус во Единбург работи на завршниот нацрт на писмото за Членот 30 на премиерката Тереза Меј“.
Одлуката за Членот 30 е формален механизам со кој владата на Обединетото Кралство привремено му ги предаде овластувањата на шкотскиот парламент да организира референдум. Медиумите наведуваат дека писмото ќе ѝ биде врачено на Меј во петокот.
Старџен инсистира на нов референдум, бидејќи Брегзитот ќе ги измени односите меѓу Шкотска и Обединетото Кралство и Европската унија спротивно на волјата на мнозинството нејзини жители. Меј, пак, смета дека Шкотска веќе го кажала своето мислење на првиот референдум. Двете премиерки се сретнаа во понеделникот, по што Старџен за BBC откри дека средбата била срдечна, но дека Меј не се откажала од својот став дека сега „не добар момент“ за нов референдум./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Зеленски: Русија со дронови ја дестабилизира Европа

Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и немири.
Зеленски, во видео обраќање доцна во вторникот, рече дека Москва ја користи својата таканаречена „флота во сенка“ не само за финансирање на војната со транспорт на нафта со танкери, туку и за саботажи и разни напори за поткопување на стабилноста низ целиот континент.
„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.
The Head of Foreign Intelligence reported in detail on how the Russians are utilizing tankers of their “shadow fleet” – not only to finance the war, but also for sabotage and various destabilization attempts in Europe. Recent launches of drones from tankers are one such example.… pic.twitter.com/B09UQo9EZK
— Volodymyr Zelenskyy / Володимир Зеленський (@ZelenskyyUa) October 7, 2025
Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.
Русија негираше каква било вмешаност.
Дмитриј Медведев, заменик-шеф на Советот за национална безбедност на Русија, посочи дека самите украински сили би можеле провокативно да користат вакви беспилотни летала за да ја вовлечат Европа во војна против Русија.
Украина, исто така, произведува беспилотни летала со долг дострел.
фото: принтскрин
Европа
Путин: Украинците се повлекуваат на целата фронтова линија

Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и дека Москва има целосна стратешка иницијатива на бојното поле.
На состанокот со високи воени команданти, Путин рече дека украинските сили се повлекуваат од фронтот во сите сектори.
Тој нагласи дека Киев се обидува да пука длабоко на руска територија, но дека тоа нема да помогне да се промени ситуацијата во војната што трае повеќе од три и пол години.
„Во моментов, руските вооружени сили целосно ја држат стратешката иницијатива“, рече Путин на состанок во северозападна Русија, според Кремљ.
„Оваа година ослободивме речиси 5.000 километри територија, 4.900 километри и 212 населени места.“
Украинските сили, рече тој, „се повлекуваат по линијата на борбен контакт, и покрај обидите за жесток отпор.“
фото: принтскрин
Европа
Мелони: Пријавена сум во Меѓународниот кривичен суд за соучество во геноцид

Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество во геноцид поврзан со израелската офанзива во Газа.
Во интервју за италијанската телевизиска станица РАИ, Мелони рече дека министерот за одбрана Гвидо Кросето и министерот за надворешни работи Антонио Тајани се пријавени во Меѓународниот кривичен суд и рече дека „мисли“ дека тоа се однесува и на Роберто Чинголани, шефот на одбранбената групација Леонардо.
„Верувам дека нема друг случај во светот или во историјата со вакви обвинувања“, рече Мелони.
Таа не прецизираше кој го поднел случајот против неа и министрите.
Меѓународниот кривичен суд истражува, гони и суди лица обвинети за геноцид, воени злосторства и злосторства против човештвото.
Италија беше место на серија демонстрации во изминатата недела, при што стотици илјади луѓе излегоа на улиците во знак на протест против масовните убиства во Газа, а многу демонстранти беа насочени кон Мелони.
Нејзината десничарска влада, во голема мера цврст поддржувач на Израел, неодамна се дистанцира од она што го нарекува „несразмерна“ офанзива во Газа, но не прекина никакви трговски или дипломатски врски, ниту ја призна државата Палестина.
Мелони рече дека е „зачудена“ од обвинувањето за соучество во геноцид бидејќи „секој што ја познава ситуацијата знае дека Италија, на пример, не одобрила нови испораки на оружје во Израел по 7 октомври“.
фото: принтскрин