Европа
Таткото монструм на чекор до слобода, ја чувал ќерка му во подрум 24 години и ја силувал повеќе од 3.000 пати

По психолошкото вештачење треба да се одлучи дали Австрија ќе го ослободи Јозеф Фрицл, кој 24 години ја држел неговата ќерка заробена во подрумска зандана и со неа имал неколку деца, пишува „Дејли мејл“.
Фрицл (86) ја држел својата ќерка Елизабета затворена во звучно изолирана зандана под семејната куќа во Австрија, ја силувал повеќе од 3.000 пати и таа родила седум деца помеѓу 1984 и 2008 година.
Нејзиното искушение конечно заврши во април 2008 година, кога нивната болна ќерка, тинејџерката Керстин, мораше да оди во болница. Фрицл беше затворен на 19 март 2009 година.
Тој издржува доживотна затворска казна, но би можел да му биде одобрено барање за предвремено ослободување во 2024 година, доколку се утврди дека повеќе не преставува опасност и затоа што дотогаш ќе одлежи 15 години затвор за неговите злосторства.
Ако му дозволат да излезе, во затвор ќе помине речиси десет години помалку отколку што ја држел ќерка си во заробеништво, анализираат медиумите.
На почетокот на оваа година Регионалниот суд на Кремс во Долна Австрија одлучи да го префрли Фрицл од специјалната единица за ментално растроени затвореници во редовен затвор.
Тоа, пак, би значело дека по отслужување на 15 години од казната, може да поднесе барање за предвремено ослободување.
Но, државното обвинителство се спротивстави на планот и веднаш поднесе жалба на одлуката.
Сега, Високиот регионален суд го презеде случајот и назначи вештак за да ја утврди психијатриската и невролошката состојба на Фрицл по повеќе од 10 години затвор, од кои повеќето ги помина одделен од другите затвореници.
Доколку експертот открие некакви абнормалности, Фрицл ќе мора да остане во затворскиот систем и нема да има право да бара предвремено ослободување.
Меѓутоа, доколку експертот процени дека 86-годишникот е со „здрав разум“, тогаш еден од најозлогласените европски криминалци би можел да биде ослободен од затвор веќе во 2024 година, пренесуваат агенциите.
Потпретседателот на Регионалниот суд во Кремс, Фердинанд Шустер, изјави дека мислењето на експертот се очекува до крајот на јануари, иако шансите Фрицл да биде прогласен за психички здрав, а судиите да му дадат слобода се многу мали.
Покрај грозоморните злосторства што ги правеше над својата ќерка цели 24 години, во 2019 година беше објавено дека тогаш 84-годишниот Фрицл покажува знаци на деменција и дека неговото ментално здравје се влошува.
Се вели дека бил крајно непопуларен кај другите затвореници во затворот Кремс-Штајн и дека поголемиот дел од своето време го поминувал во самица.
Во меѓувреме, Елизабет Фрицл немала никаков контакт со нејзиниот татко откако тој бил затворен и живее под ново име во непознат дел на Австрија со деца зачнати за време на децениското брутално силување извршено од нејзиниот татко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет

Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.