Европа
Фијон за Крим: И ние менувавме граници, да се потсетиме на Косово
Во текот на телевизиската дебата на кандидатите за претседател на Франција (одржана во понеделникот), Франсоа Фијон зборуваше за влезот на Крим како дел на Русија. Но, исто така, го спомна и прашањето за осамостојувањето на Косово.
“Ние сами ги цртавме границите, меѓу другото тоа е и примерот со Косово. Мислиме дека ние како Запад се ни е дозволено – можеме да влеземе во Ирак, можеме да заведеме ред во секој дел на светот … Постои основен принцип: народот има право да ја избере својата судбина. Постојат граници што се воспоставени на начин кој е неприфатлив за народот “, рече Фијон.
Покрај тоа, позицијата на западните земји за Крим, исто така, ја критикуваше и лидерот на радикалната левица Жан-Лук Меласон, информира во вторникот “Спутник”.
“Мене лично ми се чини дека Крим повеќе е поврзан со Русија”, рече Meласон.
Дебатата на која учествуваа пет претседателски кандидати – Ле Пен, Маркон, Филон, Амон и Меласон, беше проследена со тешки меѓусебни удари за вработувањето, за тероризмот и за местото на Франција во Европа.
Според извештаите на медиумите Ле Пен беше цел на напади од страна на другите кандидати.
Една од темите за дискусија беше наменета за носењето бурки. Лидерот на Националниот фронт, изјави дека мултикултурализмот мора да дојде до својот крај, но потоа Маркон ја нападна велејќи дека таа ја прави Франција непријател на муслиманите.
Би-Би-Си посочува дека е тешко да се одреди кој победи на дебатата во која никој не грешел – сите заработиле поени, така што граѓаните ќе ги направат своите сопствени заклучоци.
Анкетите покажуваат дека Ле Пен ќе освои најмногу гласови во првиот круг на избори, но Макрон ќе слави победа во вториот круг на претседателски избори во Франција, заклучува ББС.
Француските претседателски избори ќе се одржат на 23 април, а во првиот круг се номинирани 11 кандидати. Вториот круг ќе се одржи на 7 мај.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.