Европа
Избрани претседатели на двата дома на италијанскиот парламент
Со гласовите на пратениците од коалицијата на левиот центар за претседателка на долниот дом на италијанскиот парламент во саботата попладне е избрана Лаура Болдрини, пратеничка на партијата Левица Екологија Слобода (SEL) а во четвртото гласање за претседател на Сенатот избран е Пјеро Гросо, пратеник на Демократската партија којашто ја предводеше коалицијата на левиот центар.
Педесет иденогодишната Лаура Болдрини, поранешна портпаролка на агенцијата на Обединетите нации UNHCR и трета претседателка Претставничкиот дом, избрана е 327 гласови, а за нејзиниот избор беа потребни 310 гласови од 630 мандати. Во Претставничкиот дом мнозинството од 340 пратеници го има левоцентристичкиот блок предводен од Пјерлуиџи Берсани, благодарение на ткн. „бонус на мнозинството” бидејќи имаше најдобар резултат на парламентарните избори.
Пјеро Гросо, поранешниот државен обвинител задолжен за борба против мафијата, беше избран во саботата навечер за претседател на Сенатот (горниот дом на италијанскиот парламент), исто така во четвртото гласање, кое според италијанските медиуми, било неизвесно до самиот крај. Сенатот оваа коалиција има само 123 од 315-те места. Грасо освои 137 гласови, наспроти 117-те на неговиот против кандидат Ренато Скифани предложен од партијата Народ на слободата (PdL) на поранешниот италијански премиер Силвио Берлускони, кој ја предводеше коалицијата на десниот центар на парламентарните избори кои се одржаа на 24-ти и 25-ти февруари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.