Европа
Јанукович на боледување поради 'акутна респираторна инфекција'
Украинскиот претседател Виктор Јанукович се наоѓа на боледување поради „акутна респираторни инфекции“, објави во четвртокот неговата канцеларија, а истовремено амбасадорот на САД во Киев, Џефри Пајет ги поздрави неговите чекор направени за решавањето на кризата во земјата.
„Претседателот е на боледување поради акутна респираторна инфекција проследена со висока температура“, се наведува во соопштението од кабинетот на претседателот Виктор Јанукович.
Тој заминува на боледување, откако ноќта кон четвртокот парламентот на Украина со гласовите на мнозинството од владејачката Партија на регионите го донесе законот за амнестија од кривично гонење на демонстрантите од почетокот на протестите во ноември минатата година. Меѓутоа, законот ќе стапи на сила дури откако радикалните демонстранти и приврзаниците ќе ги ослободат владините згради во центарот на Киев коишто ги заземаа во текот на протестите.
Високата претставничка на Европската унија за заедничка надворешна и безбедносна политика Кетрин Ештон којашто во средата навечер престојуваше во украинската престолнина Киев, од брифингот со селектиран број медиуми порача да се прекинат насилствата и заплашувањата во Украина, од која и да страна доаѓаат.
Во четвртокот американскиот амбасадор во Украина, Џефри Пајет, изјави во Киев дека САД ги поздравуваат чекорите што ги преземал претседателот на Украина за надминување на политичката криза во земјата. „Сакам, пред сé, да ги поздравам чекорите преземени од страна на претседателот Виктор Јанукович и претставниците на властите да започнат да преговараат со претставниците на опозицијата“, рекол Пајет за време на состанокот на амбасадорите акредитирани во Киев со челниците на министерствата за надворешни работи и за правосудство.
Американскиот амбасадор, исто така, го поздравил усвојувањето во Врховната Рада (парламентот) законот за амнестија на учесниците во протестите. „.Законот за амнестија, кој беше донесен синоќа, ќе ги заштити мирните протестите, колку што разбирам, со него со овозможува да се изведуваат и натаму протести пред административните згради (…) Тоа е многу важно појаснување за сите нас, луѓе коишто ја цениме слободата на изразувањето, слободата на мислењето во Украина“, рекол Пајет./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.