Европа
Абдеслам решил да не се разнесе во Париз „за да спаси животи“
Главниот осомничен за париските атентати од ланскиот 13-ти ноември, Салах Абдеслам, намерно се одлучил да не се разнесе за да спаси животи, изјави неговиот брат Мохамед Абдеслам во интервјуто за француската телевизија BFMTV, по разговорот со него во белгискиот затвор каде што го очекува екстрадирањето на Франција.
„Ќе имаше уште повеќе жртви доколку го сторев тоа. За среќа не можев да го сторам тоа“, рекол наводно Салах Абдеслам.
Во симултаните напади на бомбаши самоубијци и лица вооружени со автоматско оружје од 13-ти март 2015 година во Париз во близина на стадионот, во концертна сала и на терасите од ресторани и кафулиња, беа убиени 130 луѓе а повеќе од 300 беа ранети.
Два дена под неговото апсење во Брисел по куса престрелка во Молнбек, предградие на белгиската престолнина, Салах Абдеслам, исто така, изјавил пред белгиските иследници дека „сакал да се разнесе на Стад де Франс“ на денот на нападите, но дека „се откажал“.
„Овие први изјави, кои треба да се земат со претпазливост, оставаат нерешена цела низа прашања на коишто Салах Абдеслам ќе мора да одговор.“, изјави тогаш парискиот државен обвинител Франсоа Молен. „Во соопштението објавено веднаш по нападите, Даеш (арапски акроним за Исламската држава – з.р.) зборуваше за изведување напади во парискиот XVIII арондисман. Истрагата мора да утврди дали Абдеслам требало да изведе бомбашки напад“ во тој дел од Париз, потсети Молен.
Овој француски државјанин роден во Белгија, се криеше повеќе од четири месеци во повеќе станови во разни доселенички квартови на Брисел. Белгија во четвртокот го одобри неговото предавање на Франција, и тој ќе биде екстрадиран во рок од десет дена. Неговата одбрана, потврди дека тој се премислил и сака да биде предаден на Франција, и оти ќе соработува со тамошните иследници.
Дваесет и шест годишниот Абдеслам беше уапсен во Брисел на 18-ти март, четири дена пред бомбашките напади во овој град во кои беа убиени 32 лица. Тој во истрагата негира каква и да е поврзаност со тие напади.
Откако е уапсен, Абдеслам беше испитуван за неговата улога во париските напади, а според пишувањата на весникот Le Monde и според телевизијата BFMTV, тој минимализира својата улога во масакрот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.