Европа
Авионот со првите тела летна од Украина, Донецк тврди дека предал 282 тела
Холандски транспортен авион со првите 16 тела на жртвите од несреќата на малезискиот авион во источна Украина одлета во средата од аеродромот во Харков кон Холандија, додека претставниците на бунтовничката самопрогласена Народна Република Донецк тврдат дека на малезиските власти им предале точно 282 тела на жртвите, иако во вторникот навечер шефот на холандските експерти изјави дека тие примиле од украинските власти само 200 тела.
Репортерот на Reuters од Харков пренесува дека воената стража ги внела ковчезите во авионот по кусото тажно испраќање на пистата од аеродромот. Сите 298 патници и членови на посадата, од кои 85 деца, загинаа во уривањето на патничкиот авион „Boeing 777“ на малезиската компанија „Malesian Airlines“ минатиот четврток, 17-ти јули, во источниот дел на Украина, во областа на градот Донецк кој е под контрола на проруските бунтовници, на 60-ина километри од границата со Русија. Повеќето од жртвите се Холанѓани, па затоа во Холандија ќе биде извршена постапката на идентификација. На испраќањето од Харков, вицепремиерот на Украина, Володомир Гројсман изјави дека „уривањето на авионот е нехуман терористички акти изведен со помош на Русија“. „Киев ќе стори сé одговорните да ги изведе пред правдата“, истакна.Подоцна во средата од Харков треба да полета канадски воен авиони со уште 24 тела.Истовремено во средата, членот на Советот за безбедност на самопрогласената Народна Република Донецк, Сергеј Кавтарадзе, ги нарече „лаги и провокации“ изјавите дека во Харков од селото Торез во областа Донецк, со специјалните вагони фрижидери биле испратени само 200 од 282-те тела на жртвите од авионската трагедија. Шефот на холандскиот форензички тим кој се наоѓа во Украина, Јан Туиндер за The Washington Post изјави дека во возот со посмртните останки на патниците од малезискиот авион имало 200, а не 282 тела како што објави владата на Украина.„Единственото нешто во што можам да бидам сигурен е дека бројот (на телата) е 200“, изјави Туиндер, додавајќи дека било „комплицирано“ да се пребројат. „Тие ќе бидат најдени. Мораме да ги пронајдеме“, додаде како и дека нему не му е познато местото каде се наоѓаат. „… Според украинските власти од Торез (кој е под контрола на проруските бунтовници) во Харков (под контрола на украинските власти) се превезени 282 тела, додека холандските стручњаци изброија само 200 тела“, рече за агенцијата Туиндер. „Потполно сме сигурни дека во возот има 200 тела. Каде се другите? Тоа ќе биде предмет на идните истрага“, којашто ќе бидат спроведени во Холандија, додаде Туиндер.Австралискиот премиер Тон Абот, чии државјани исто така се наоѓаат на листата на жртвите, во средата предупреди дека сé уште не е јасно колку тала од урнатиот малезиски авион се донесени во Харков, како и колку тела на погинатите останале на местото на несреќата. „Многу е можно многу тела уште да се наоѓаат таму, на отворено, под европското летно сонце, изложени на влијание на горештините и дивите животни“, изјави австралискиот премиер апелирајќи останките од загинатите што побрзо да бидат пренесени од местото на несреќата кое се наоѓа под контрола на пропруските бунтовни, но кои се повлекоа од обезбедувањето на ова подрачје откако ги предадоа телата на загинатите. Вицепремиерот на Украина, Гројсман, претходно во вторникот објави дека според извештајот на украинското Министерство за вонредни ситуации, биле пронајдени 282 тела и 87 фрагменти коишто им припаѓаат на 16 тела.„Постои меѓудржавен акт, потпишан од ДНР, владата на Малезија и експертите за судска медицина од Холандија. Согласно документот, во возот имаше 282 вреќи со тела и 82 со делови од тела. Сето друго е лага и обид за некаква одмазда кон Донецката народна република“, изјави Кавтарадзе за РИА новости. Додаде и дека водството на донецките бунтовници не знае каде во моментов се наоѓаат „црните кутии“ од авионот. „Ни ги предадовме на малезиските претставници, за натаму прашајте ги нив“, одговорил Кавтарадзе. Претходно во средата специјалната истражна комисија на Украина на својата Facebook страница објави дека „денеска ’црните кутии’ од авионот ’Boeing 777’ пристигнаа во Велика Британија и под надзор на Меѓународната организација за цивилна авијација (ICAO).Велика Британија се согласи во вторникот на барање на Холандија, да ги извлече податоците од „црните кутии“ од малезискиот авион „Boeing 777“ . „Се согласивме на барањето на Холандија во Фарнборо да ги извлечеме податоците од црните кутии од летот МН17 за потребите на меѓународната истрага“, напиша британскиот премиер Дејвид Камерон на Twitter.Британското Биро за истраги на воздухопловни несреќи е сместено во местото Фарнборо во јужна Англија и е дел од министерството за сообраќај.Претходно ноќта кон вторникот, Александар Бородај водачот на самопрогласената Народна Република Донецк, на чија територија падна малезискиот авион за кој Западот упорно тврди дека е урнат со ракета земја-воздух од руско производство, во Донецк ги предаде двете „црни кутии“ од авионот на малезиската воздухопловна компанија „Malaysia Airlines“ на малезиските експерти на прес-конференција во присуство на многу странски новинари го потпиша договорот за предавање на „црните кутии“ на малезиските власти.„Гледам дека ’црните кутии’ се недопрени, иако малку оштетени, но се во добра состојба“, изјави полковникот Мохамед Сакри од малезискиот Национален совет за безбедност./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украина спроведува невиден напад: се шири листата на цели во Русија
Украина соопшти дека нејзините беспилотни летала со долг дострел погодиле голема нафтена платформа во Каспиското Езеро за прв пат оваа недела, што означува нова ескалација во сè поинтензивната кампања на Киев за прекинување на приходите од енергија на Москва што ја финансираат нејзината војна. Мисијата, која претходно беше ненајавена, означува значително проширување на списокот на цели на Украина, објавува Си-ен-ен.
„Ова е првиот украински напад врз руската инфраструктура поврзан со производството на нафта во Каспиското Езеро“, изјави за Си-ен-ен извор во Службата за безбедност на Украина, нарекувајќи го „уште еден потсетник за Русија дека сите нејзини претпријатија што работат за војна се легитимни цели“. Нападот бил насочен кон нафтената платформа Филановски во сопственост на Лукоил, за која се вели дека е најголемото нафтено поле во рускиот сектор на Каспиското Море. Си-ен-ен. контактирал со Лукоил и руското Министерство за одбрана за коментар.
Ukraine has struck a large Russian oil platform in the Caspian Sea.
The Security Service of Ukraine (SBU) struck the Filanovsky offshore platform, operated by Lukoil-Nizhnevolzhskneft, marking Ukraine's first strike against Russian oil production infrastructure in the Caspian… pic.twitter.com/u6UCzRnEqn
— Meanwhile in Ukraine (@MeanwhileInUA) December 11, 2025
Сè пожестоки напади врз руската енергија
Кампањата на Украина за длабоки напади врз руските енергетски објекти започна сериозно на почетокот на 2024 година, но од почетокот на август Киев значително ги засили своите напори, удвојувајќи го она што украинскиот комесар за санкции Владислав Власиук го нарекува „долгорочни санкции“ насочени кон најголемата финансиска линија на Русија. Украина сега се насочува кон сè поширок спектар на цели, вклучувајќи не само рафинерии, туку и инфраструктура за извоз на нафта и гас, цевководи, танкери, а сега и инфраструктура за дупчење.
More footage of the area near the Syzran refinery in the Samara region, Russia. Russian air defense tried to intercept the Ukrainian UAVs. pic.twitter.com/f9NPR4udtx
— (((Tendar))) (@Tendar) December 5, 2025
Промена на стратегијата и западната поддршка
Ескалацијата доаѓа во критичен момент од војната. Неодамнешните мировни напори предводени од САД само се чинеше дека ги зацврстуваат максималистичките барања на Русија, додека силите на Москва напредуваат бавно на неколку фронтови. Ова, заедно со глобалната презаситеност со нафта што ги ублажува пазарните шокови, ги наведе западните сојузници сè повеќе да ја поддржуваат кампањата.
That’s what I call real sanctions: Ukraine is shutting down Russian oil production (alone!)
Reuters: Transneft warned Russian oil producers they may need to cut output due to Ukrainian drone attacks on export ports and refineries
Zelenskyy calls it sanctions that work faster 1/ pic.twitter.com/UpShFOPfKf
— Tymofiy Mylovanov (@Mylovanov) September 16, 2025
Последици за Москва: од недостиг до пад на приходите
Додека Русија останува непопустлива во мировните преговори, нејзиниот нафтен сектор – најголемиот финансиски столб на војната – изгледа значително понестабилен отколку пред една година. Руските рафинерии преработуваат околу 6% помалку нафта отколку во ова време минатата година, а повторените напади, според аналитичарите, „го забавуваат темпото на какви било поправки“.
Gasoline crisis in Russia.
The situation in Primorsky Krai is getting worse.
In the first video I counted 85 cars in the queue! pic.twitter.com/gWt044YRPi— Evgen Istrebin 🇺🇦 (@evgen1232007) August 23, 2025
Во септември и октомври оваа година се појавија снимки од долги редици автомобили на бензинските пумпи, а руската влада, соочена со недостиг во некои региони, го забрани извозот на бензин до крајот на годината. Ескалацијата на нападите се совпадна и со новите санкции на САД. Во октомври, Трамп најави целосно блокирачки санкции против најголемите руски нафтени компании – Роснефт и Лукоил.
Цените на руската сурова нафта оттогаш паднаа, што придонесе за пад на приходите од извоз на нафта на Русија на најниско ниво од февруари 2022 година. Во ноември, државните медиуми објавија дека приходите од нафта и природен гас се намалиле за речиси 34% во споредба со истиот месец минатата година.
Европа
Напад за време на божиќен пазар во Германија: малолетник избоден со нож
Сериозен инцидент се случи во германскиот град Херфорд, каде што 16-годишно момче e во животна опасност по напад со нож.
Нападот се случил во споредна улица на работ на божиќен пазар, потврди портпаролот на локалната полиција, според германскиот магазин „Шпигел“.
Според првичните полициски извештаи, напаѓачот и жртвата се познавале.
Сторителот успеал да избега по нападот и сè уште се бара. Од тактички причини, полицијата сè уште не е подготвена да открие повеќе информации за осомничениот.
Шеснаесетгодишно момче е избодено во грб и е однесено во болница на лекување.
Одделот за убиства го презеде случајот, а полицијата апелираше до сите можни сведоци да дојдат со информации што би можеле да помогнат во истрагата.
Европа
(Видео) Вучиќ снимен како разговара со Фон дер Лајен: „Тукушто добив порака од Москва“
Српскиот претседател Александар Вучиќ се најде во центарот на вниманието коаг камерите го фатија како синоќа накратко разговара со претседателката на Европската комисија, Урсула фон дер Лајен, во Брисел. Кога пристигна на состанокот, Вучиќ ѝ рече дека „штотуку добил порака од Москва“, на што таа одговори: „Добро, да почекаме и да видиме“.
Снимката ја објави новинарката Марија Тадео.
The mic is always hot. Serbia’s president Vucic last night «I got a message from Moscow now…» von der Leyen aware of cameras «Let’s…let’s wait till we are…» pic.twitter.com/YoDuGOF44R
— Maria Tadeo (@mariatad) December 11, 2025
Оваа кратка, но значајна размена на мислења, бргу го привлече вниманието на европските новинари, особено имајќи го предвид чувствителниот момент во односите меѓу Европската Унија и Русија. Брисел постојано ја критикува Србија за неусогласеност со надворешната политика на ЕУ, особено кон Москва.
Сè уште не е познато на што конкретно се однесуваше пораката на Вучиќ, а ниедна страна сè уште официјално не го коментира настанот.
фото: Depositphotos
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
(Видео) Расчистено убиството во Гостиварско, поднесена кривична пријава
СВР Тетово – Надворешната канцеларија за криминалистички работи Гостивар поднесе кривична пријава против С.М.(53) од село Неготино, општина Врапчиште, поради...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
(Видео) Убиецот на Чарли Кирк првпат се појави пред суд
Мажот обвинет за убиство на десничарскиот активист Чарли Кирк, 22-годишниот Тајлер Робинсон, се појави за прв пат лично на суд...
САД воведуваат нови санкции врз Венецуела, насочени кон внуците на Мадуро и нафтениот сектор
САД го зголемуваат притисокот врз Венецуела со нови санкции насочени кон тројца внуци на претседателот Николас Мадуро, меѓу другите. Двајца...
(Видео) Земјотрес со јачина од 6,7 степени ја погоди Јапонија, забележано слабо цунами: пристигнуваат снимки
Земјотрес со јачина од 6,7 степени ја погоди североисточна Јапонија, што ја натера Јапонската метеоролошка агенција да издаде предупредување за...
Трамп ја презеде контролата врз регулативата за вештачка интелигенција
Американскиот претседател Доналд Трамп потпиша извршна наредба насочена кон централизирање на регулирањето на вештачката интелигенција на федерално ниво за да...
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
На 15 декември почнуваат предновогодишните настани на плоштад „Македонија“. „Градот Скопје со радост најавува дека годинава празничниот дух повторно се...
„Јавноста бара одговори, а добива уште една сцена на политичка формалност“, велат од Блупринт групата за реформи во праводуството за комисијата за Кочани
Јавноста бара одговори, но наместо одговорност, добива уште една сцена на политичка формалност. Семејствата уште еднаш беа оставени да гледаат...
Муцунски: Оваа Влада ниту водела, ниту ќе води политика за прифаќање мигранти во каква било форма
Владата е целосно посветена на економскиот развој и на подобрување на квалитетот на живот на граѓаните. Градиме партнерства што носат...
Не може потпис на правен акт да е предизвикувач на пожар, рече Шилегов, бранител на државниот советник Шофкет Хазари обвинет во „Пулс“
Нешто повеќе од половина час, денес, во судницата во „Идризово“, адвокатот Петре Шилегов, бранител на државниот советник во Министерството за...
(Фото) Претрес во Тетовско, пронајдени дрога, оружје и муниција
Денеска околу 08:00 часот, полициски службеници од СВР Тетово го лишија од слобода 30-годишниот Ф.Р. од село Орашје, општина Јегуновце....
Обвинение за таткото и двете ќерки: спречиле службени лица да одземат добиток во Крива Паланка
Основното јавно обвинителство Крива Паланка поднесе обвинителен предлог против три лица за кривично дело спречување службено лице во вршење службено...
(Видео) „Филипче работел на изградба на прифатен центар за мигранти во Македонија“: Лефков објави документи
„Филипче не е лидер, туку потрчко на Заев, едно дугме-политичар кој има единствена улога да го покрива и штити неговиот...
